ქართულმა ბრენდმა JESUS STAR-მა ახალი კოლექცია RESORT 2024 წარადგინა. ლაშაო გაბუნიას შემოქმედებითი ხელმძღვანელობით კოლექცია RESORT 2024 საზაფხულო თემატიკით იყო შთაგონებული. რაც შეეხება თავად ბრენდს JESUS STAR-ს, იგი ახალი კონცეპტუალური ბრენდია, რომელიც ქართულ ბაზარზე 2 წელია გამოჩნდა და როგორც ტანისამოსს,ისე აქსესუარებს ქმნის. ატელიეს პირველი ჩვენება ტაშკენტში გაიმართა, თბილისში კი ეს მეორე საპრეზენტაციო ჩვენება იყო, რომელსაც king david pool-მა უმასპინძლა.
გთავაზობთ ინტერვიუს JESUS STAR-ის დამფუძნებელთან ლაშაო გაბუნიასთან
მოგვიყევით თქვენი ახალი საკრუიზო კოლექციის შესახებ, რა იყო მისი მთავარი თემა?
განსაკუთრებით მნიშვნელოვანია ზაფხულის საკრუიზო კოლექცია ჩემთვის, რადგან ზაფხული ჩემი საყვარელი სეზონია. JESUS STAR-ს აქვს ამბიცია, იყოს მაღალი მოდის ბრენდების სიაში. შესაბამისად, აქტიურად ვმუშაობთ სხვადასხვა კაფსულა კოლექციებზე კამპანიებსა თუ ინდივიდუალურ დიზაინზე. ამ შემთხვევაშიც, საჭიროდ ჩავთვალე კრუიზის თემა არ დაგვეტოვებინა ყურადღების გარეშე. როგორც სხვა გამოწვევებმა, ამ სამუშაო პროცესმაც საკმაოდ სასიამოვნო და საინტერესო გამოცდილება მოგვიტანა. მთლიანი გუნდი ყოველთვის უპირველეს ყურადღებას ანიჭებს ხარისხს და თითოეული წევრი დებს უსაზღვრო ენერგიას. წინა ჩვენებიდან 2 თვე არის გასული, თუმცა ამ ცოტა დროში ერთობლივი ძალებით მოვახერხეთ და წარმოვადგინეთ მეორე საპრეზენტაციო ჩვენება, რომელიც king david pool ის ტერიტორიაზე გაიმართა.
რატომ არის ეს კოლექცია განსაკუთრებული და რა იყო თქვენი ინსპირაცია
ქალები, რომლებიც JESUS STAR ინსპირაციაა არიან თავისუფალი, გახსნილები, ველური ამავდროულად დახვეწილი და ელეგანტურები. ჩვენ გვინდა რომ ქალებს რომლებსაც ჩვენ ვაცმევთ იყვნენ გამორჩეულები და მათი ნახვისას სხვებს მათზე მეტის გაგების სურვილი გაუჩნდეთ.
როგორ ჩაიარა რიგით მეორე პრეზენტაციამ და როგორ შეხვდა საზოგადოება ახალ კოლექციას
ვინაიდან ზაფხულის ცხელი დღეებია, ბევრი ადამიანი თბილისში არ იყო, თუმცა ჩვენებას იმაზე მეტი ადამიანი დაესწრო, ვიდრე ველოდით. საზოგადოება ბრენდს იცნობს, ამიტომ როგორც ჩანს მოლოდინი იყო. ჩვენ უკვე გვყავს ჩვენი მუდმივი მომხმარებლები და, რა თქმა უნდა, ატელიეს კარი (მელიქიშვილის 9) ღიაა ახალი ადამიანებისთვის.
