ომი ისრაელსა და პალესტინას შორის უკვე წლებია გრძელდება. წელს ეს დაპირისპირება 7 ოქტომბერს დაიწყო. ამ დროისთვის,1400 ებრაელია დაღუპული, მათ შორის 289 ჯარისკაცია.
ისრაელი იმ იშვიათ ქვეყანათა რიცხვს მიეკუთვნება, რომლის არმიაშიც ქალები ათწლეულებია მსახურობენ.
ისრაელის სამხედრო სამსახურის სტატისტიკის მონაცემებით, 1962-2016 წლებში, ქვეყნის სამსახურს 535 ქალი შეეწირა.
მათ სახელებს მსოფლიო აუცილებლად უნდა იცნობდეს. Ok! კი შეეცდება, რამდენიმე მათგანის ისტორია მოგიყვეთ.
შოშანა ვერნერი
შოშანა ვერნერი 1910 წელს ლვოვში, პოლონეთში დაიბადა. იგი 1933 წელს წავიდა პალესტინაში და შეუერთდა მიწისქვეშა გასამხედროებულ ორგანიზაციას Haganah.
მეორე მსოფლიო ომის დროს შოშანა იყო პირველი ქალთა შორის, ვინც შეუერთდა ბრიტანეთის დამხმარე ტერიტორიულ სამსახურს. იყო სამხედრო მეთაური ღაზაში, ეგვიპტესა და სირიაში.
ისრაელის დაარსების და ისრაელის თავდაცვის ძალების ქალთა კორპუსის ჩამოყალიბების შემდეგ, ვერნერი ქალთა სასწავლო ბანაკის პირველ მეთაურად აირჩიეს, ხოლო 1949 წელს იგი დააწინაურეს და ქალთა კორპუსის მეთაური გახდა.
1952 წელს სამხედრო სამსახურის დასრულების შემდეგ, ვერნერი გაემგზავრა საფრანგეთში სოციალური საკითხების შესასწავლად, მოგვიანებით დაბრუნდა ისრაელში და იქ ქვეყნისთვის სოციალური საკითხების გადაჭრის სამსახურში ჩადგა.
ამირა დოტანი
ამირა დოტანი ჩვიდმეტი წლის განმავლობაში მსახურობდა ისრაელის თავდაცვის ძალებში. შეთავსებით ასრულებდა მენეჯმენტის, სარდლობისა და ლოჯისტიკის საკითხებთან დაკავშირებულ სხვადასხვა ფუნქციებს, ვიდრე 1982 წელს ქალთა კორპუსის მეთაურ დაწინაურდებოდა.
ის იყო ქალთა კორპუსის პირველი მეთაური, რომელსაც მიენიჭა გენერლის წოდება. ქალთა კორპუსის ხელმძღვანელად დანიშვნის შემდეგ, დოტანმა მოიწვია მრავალი გამოჩენილი ფემინისტი აკადემიკოსი და საზოგადო მოღვაწე, მათ შორის მამაკაცი ოფიცრები, რათა ემსახურათ მრჩევლებად და ადვოკატებად და გაეძლიერებინათ ქალების წვლილი IDF-ში.
პენსიაზე გასვლის შემდეგ მას ეკავა სხვადასხვა თანამდებობები. იყო ბენ გურიონის უნივერსიტეტის ვიცე პრეზიდენტი, ებრაული სააგენტოს ოპერაციების ხელმძღვანელი და მედიაციის ცენტრის დამფუძნებელი.
სუზი იოგევი
ებრაელი ემიგრანტების ქალიშვილი სტამბოლიდან, სუზი იოგევი, 1958 წლის 23 იანვარს დაიბადა.
იგი ისრაელის თავდაცვის ძალებში 1976 წელს შევიდა და გახდა IDF-ის ქალთა კორპუსის OC (ოფიცერი მეთაური) 2000 წელს. იოგევი მსახურობდა ქალთა კორპუსის OC-ად, ქალთა კორპუსის დაშლამდე, 2001 წელს.
ამ გარდამავალი პერიოდის განმავლობაში, იოგევი მუშაობდა, რათა ქალი სამხედროებისთვის თანასწორუფლებიანი და ჯანსაღი გარემო შეექმნა. გენდერულად მგრძნობიარე საკითხებს კურირებდა. იოგევის სამხედრო მოღვაწეობის პერიოდი 2003 წელს დასრულდა.
ჩვენ სამი სხვადასხვა თაობის მებრძოლ ქალებზე გიამბეთ, სამივე მათგანს ის აერთიანებს, რომ საკუთარი ქვეყნისთვის თავდაუზოგავად იბრძოდნენ და სამშობლოს რწმენა არასდროს დაუკარგავთ.
მათ ისრაელის არმიის ფორმირებასა და ქალების უფლებების გაძლიერებაში უდიდესი წვლილი მიუძღვით.
