ნებისმიერ ადამიანს აქვს რწმენის თავისუფლება. ასევე ჩვენი ნებაა, დავიჯერებთ თუ არა სასწაულს და ზოგადად, ვისთვის რა არის სასწაული. დღეს გიამბობთ ერთი ქალბატონის – ლილი ღავთაძის ისტორიას, რომელიც თავის შეცვლილ ცხოვრებაზე გვიყვება, იმ სასწაულის შესახებ, რომელმაც მას სულიერი სიმშვიდე და განსაკუთრებული ნიჭი შესძინა, რომლის საშუალებითაც ლილი ადამიანებს კურნავს.
გაეცანით ჩვენს მკითხველს…
გავიზარდე მრავალშვილიან ოჯახში, მეექვსე შვილი ვარ. უდარდელი ბავშვობა მქონდა, არაფრით განსაკუთრებული. 18 წლის დავოჯახდი და ჩემი ცხოვრების ამ პერიოდიდან იწყება ცვლილებებიც. პირველად, 1988 წელს გამომეცხადა წმინდანი, რომელმაც დამარიგა, თუ როგორ მეცხოვრა და მევლო ცხოვრების გზაზე. შემდეგ დამეწყო ხილვები, რომელიც დროდადრო მევლინებოდა ხოლმე და ჩემში დიდ ემოციებს და გაკვირვებას იწვევდა. 2003 წელს კი მოხდა ჩემი სულიერი გაბრწყინება, ეს არის პროცესი, როდესაც ადამიანიდან გამოდის სული ხანმოკლე დროით და ისევ საკუთარ თავს უბრუნდება. ეს პროცესი საჭიროა იმისთვის, რომ სულმა მოახერხოს გადაადგილება და წინსვლა განვითარებისთვის, ჩემი სულიერი განვითარება ბევრ პროცესს ითვლის და გავლილი მაქვს გასხივოსნება, ეს კი გახლავთ მდგომარეობა, როდესაც ადამიანი ნებდება ყოველგვარ ამქვეყნიურს და ჩვენი შინაგანი სამყარო წყვეტს ბრძოლას და ნებდები. ჩემმა სულიერმა სხეულმა 12 წელი იმოგზაურა სამყაროში და თავისი მისია პირნათლად შეასრულა – დამაახლოვა უფალს.
გარდამტეხი იყო ასევე, წმინდა გიორგის გამოცხადება, მან მე გონებით გადმომცა სათქმელი და ყველაფერი ისე გავაკეთე, როგორც დამარიგა. ამ სასწაულებს მოჰყვა ჩემი ცხოვრების მთავარი სასწაული, რომელსაც ჰქვია უფლის შემობრძანება ჩემში.
2014 წელს კი, ოჯახური საქმიანობის დროს, ეზოში მყოფმა ვიგრძენი კოსმოსიდან დიდი მაგნიტური მიზიდულობა, ეს ისეთი ძლიერი იყო, ინსტინქტურად ავიხედე ზევით, საიდანაც თეთრებში ჩაცმული უფალი ნელ-ნელა მიახლოვდებოდა, მაგნიტური სხივები ჩემზე მოდიოდა, მიკრავდა და მიწას ამაშორა კიდეც. ამის შემდეგ კი მოხდა ჩემი სულიერი სხეულის ზეცად აყვანება, შევუერთდი ღმერთის ენერგიას და მას შემდეგ ვარ გამტარი უფლის ენერგიისა და ვკურნავ კიდევაც ადამიანებს.
როგორ ხსნით ამ ყველაფერს?
ყველაფერი უფლის ნებაა, გახდე უფლის რჩეული, უდიდესი პასუხისმგებლობა და ამასთანავე დიდი ტვირთია. ამ ყველაფერს კი მე რუდუნებით ვუფრთხილდები და ვცდილობ დაკისრებული მისია პირნათლად შევასრულო. ჩემი შინაგანი სამყარო ყოველთვის იყო მომართული, რომ მეკეთებინა სიკეთე – დავხმარებოდი ადამიანებს, ვისაც ჩემი დახმარება ესაჭიროებოდათ.
მას შემდეგ კი, რაც გავხდი მკურნალი, ბევრ ადამიანს დავუბრუნე იმედი, ბევრის გამოჯანმრთელება შევძელი. ღვთიური ენერგია არის სამყაროს უდიდესი ენერგია, რომელიც მხოლოდ უფლისგან მოედინება და რომლის გამტარიც მე გახლავართ. ეს ენერგია გადმოდის ჩემს ხელებში. ხელს როცა ვადებ ადამიანს და გადავცემ რა მას ღვთიურ მადლს, იწყება განკურნება და გამოჯამრთელება, თუ რა თქმა უნდა, ეს ყველაფერი ძალიან დაგვიანებული არ არის.
როგორ ფიქრობთ, როგორ უნდა იცხოვროს ადამიანმა, რომ სულიერ სიმშვიდეს მიაღწიოს?
მიაღწიო სულიერ სიმშვიდეს, ეს დღეს ძალიან ძნელი გახლავთ. მაგრამ თუ შევეცდებით და მოვლენებს სულით განვჭვრეტთ და არა მატერიალურით, ადამიანები ნელ-ნელა შეიმეცნებენ, თუ რაოდენ ძვირფასია თავად ადამიანი და სამყარო, რომელშიც ჩვენ ვცხოვრობთ. ადრე თუ გვიან სულიერი ადამიანები ვსწავლობთ, როგორ უნდა ვიცხოვროთ სწორად, როგორ ვიაროთ ცხოვრების გზაზე, რომ მივუახლოვდეთ უფალს. დღევანდელი ადამიანები კი ძალიან ჩაბნეულნი არიან საკუთარ თავში და ესაჭიროებათ დახმარება, ჩემი განვლილი სულიერი განვითარება კი მაძლევს იმის გამოცდილებას, რომ დავეხმარო მათ, მიაღწიონ ისეთ ცხოვრებას, სადაც მხოლოდ სიყვარული, სიხარული და ბედნიერებაა. სულიერი გაბრწყინება კი გახლავთ პროცესი, როცა ადამიანი აღწევს მდგომარეობას, როცა ქრება ყოველგვარი უარყოფითი შენში, გაქვს მადლიერების გრძნობა და ცხოვრობ უფლის სიყვარულით.
გვესაუბრეთ თქვენს წიგნზე, რატომ გადაწყვიტეთ მისი დაწერა და რა არის მთავარი სათქმელი?
მალე გამოვა ჩემი წიგნი – „სულის ძახილი“. წიგნის დაწერა გადავწყვიტე, რადგან მივხვდი, რომ დღეს უამრავი ადამიანი არის სულის გამოღვიძების, საკუთარი თავის შემეცნების პროცესში, ჩემი პრაქტიკული გამოცდილება კი დაეხმარება მათ გზის გაკვლევაში და სწორად სიარულში. მინდა ჩემი ცოდნა და გამოცდილება გავუზიარო ადამიანებს.
დღეის მდგომარეობით ათასობით განკურნებულ ადამიანს ვითვლი, ეს კი მუხლჩაუხრელ შრომას საჭიროებს – მე მთელი დღის განმავლობაში ვდგავარ თითეული ადამიანის ჯამრთელობის სადარაჯოზე და მახარებს თითოეულის განკურნება, ორმაგად სასიხარულოა, როდესაც მადლიერებას გამოხატავენ ჩემი შრომისა და უფლის წინაშე.
დაბოლოს, რას უსურვებდით ადამიანებს?
ადამიანებს, პირველ რიგში, ვუსურვებდი ჯამრთელობას, უფლის რწმენას და სიყვარულით ცხოვრებას, იპოვოთ საკუთარი თავი და დანიშნულება, რომელიც საწინდარია სულიერი სიმშვიდის, ღმერთთან და სამყაროსთან ჰარმონიის.
ფოტო: ალექსეი სეროვი
