ბელა ჰადიდი პალესტინური წარმოშობის, ამერიკელი მულტიმილიონერის მუჰამედ ჰადიდისა და ჰოლანდიელი მოდელის იოლანდა ფოსტერის ქალიშვილია. მსოფლიოში ერთ-ერთი ყველაზე მაღალანაზღაურებადი ვარსკვლავის დებიუტი, რომელიც პლანეტის ულამაზეს ქალად არაერთხელ აღიარეს, ნიუ-იორკის მოდის კვირეულის ფარგლებში Desigual-ის 2015 წლის გაზაფხული/ზაფხულის კოლექციის ჩვენებაზე შედგა.
2016 წელს ბელა Dior-ის ამბასადორი გახდა, რის შემდეგაც ბრენდის არაერთ რეკლამაში მიიღო მონაწილეობა. ამერიკელმა მოდელმა მალევე გააგრძელა თანამშრომლობა ისეთ ძვირადღირებულ ბრენდებთან და დიზაინერებთან, როგორებიც ტომი ჰილფიგერი, ჯერემი სკოტი და მარკ ჯეიკობსი არიან. 2017 წელს ბელა ჰადიდმა Forbes-ის ყველაზე მაღალანაზღაურებად მოდელებს შორის მეცხრე ადგილი დაიკავა, 2019 წელს კი კლასიკური ბერძნული გამოთვლებისა და “ოქროს კვეთის“ ფორმულის მიხედვით პლანეტის ულამაზეს ქალად დასახელდა.
ბელა ჰადიდს საზოგადოება არამხოლოდ კარიერული მიღწევებით, არამედ სოციალური აქტივობებითაც იცნობს.
ამერიკელი მოდელმა ამჯერად განსხვავებული საქმიანობით გადაწყვიტა დაკავება და ახალი სამსახურის შესახებ გამომწერებს რამდენიმე დღის წინ ოფიციალური ინფორმაცია გაუზიარა.
ბელა ჰადიდი არაალკოჰოლური ადაპტოგენური სასმელების მწარმოებელი კომპანიის თანადამფუძნებელი და პარტნიორია.
