ვარსკვლავური წყვილის, ფეხბურთელის დევიდ ბექჰემის და მისი მეუღლის, მომღერალის და მოდის დიზაინერის, ვიქტორია ბექჰემის ფეშენებელური სახლის ფასი 1000ჯერ აღემატება ლონდონის საშუალო ხელფასს.
სახლი ლონდონის ერთ-ერთ პრესტიჟულ ადგილას, ჰოლანდ პარკის, დასახლებაში მდებარეობს და მისი სრული ღირებულება £31 მილიონია.
სახლის მთავარი, ძირითადი, კერა სამზარეულოა რომელიც გათვლილია 6 სულიან ოჯახზე. სამზარეულო აღჭურვილია: დიდი ღუმელით- რომლის ღირებულებაც £12,785 -ს შეადგენს, უახლესი ტექნიკით, გლუვი შავი კარადებით, ხის ღია თაროებით რომელსაც აქვს ზოლიანი განათება და დამატებით სათავსო ადგილებს ჰქმნის. ასევე აღსანიშნავია, რომ სამზარეულოს აქვს როგორც დიდი სასადილო მაგიდა, ასევე ბართან მოთავსებული სკამებიც, სადაც მეტად მყუდროდ სადილობა და საყავრელი გადაცემის ყურება შეუძლიათ.
View this post on Instagram
სახლს, ასევე აქვს პირადი ფიტნეს ოთახი, საიდანაც ვიქტორია სოციალურ ქსელში ფოტოს აქვეყნებს.
სოციალურ ქსელში აქტიურ ვიქტორია ბექჰემს, სახლში ფოტოებისთვის საყვარელი კუთხე აქვს, რომელიც მათ ჰოლში მდებარეობს კიბეებთან. სახლის შესასვლელს აქვს მონოქრომული ფერის სქემა შავ-თეთრი კრამიტით დაფარული იატაკით და დერეფნის გასწვრივ კედელზე დამონტაჟებული მრავალი განათებით.
View this post on Instagram
მისაღები ოთახში არის ბუხარი, სადაც ოჯახისთვის თბილი და მყუდრო გარემო იქმნება, ასევე ამ ოთახშივე არის კუთხე, სადაც ორი დივანი და ხის პატარა მაგიდა დგას, რაც დიდი ფანჯრების ფონზე ესთეტიკურ ვიზუალს ჰქმნის.
სახლის ყველა ოთახში გვხვდება ხის ნაკეთობები და გასაკვირი არ არის ისიც, რომ სასადილო ოთახშიც ხის იატაკი და დიდი ხის სასადილო მაგიდა დგას, რომელზეც განთავსებულია რამდენიმე გამჭირვალე საყვავილე.
ვიქტორია ბექჰემი, სოციალურ ქსელში ხშირად გვიზიარებს თავის მოვლის რუტინას, რომელიც როგორც წესი სააბაზანო ოთახიდან მიმდინარეობს, რომელიც ვიზუალურად წააგავს სასტუმროში არსებულ სააბაზანო ოთახს, დიდი სარკეებითა და სხვადასხვა ყვავილებით.
View this post on Instagram
საბოლოოდ კი შეგვიძლია ვისაუბროთ მათ სახლში არსებულ ბაღზე, სადაც სივრცე ყველა ოჯახის წევრისთვის არის გამოყოფილი: ჰარპერი ბაღის სივრცეს სახატავად იყენებს, ზაფხულში ბავშვები შლიან კარავს, ვიქტორია ავსებს აუზს, ყველას ერთად კი დღის და ღამის ნებისმიერ მონაკვეთში შეუძლიათ ბაღში შეკრება და მყდრო გარემოში ყოფნა, რასაც უფრო მეტად უწყობს ხელს ხეებზე არსებული თბილი განათებები.
