ესთეტიკის ცენტრი Beam medical არის სივრცე, სადაც თქვენზე პროფესიონალები ზრუნავენ, აქ წარმოდგენილი პრემიუმ კლასის ორიგინალი აპარატებით ჩატარებული პროცედურები კი თავს განსაკუთრებულად გაგრძნობინებთ. ჟურნალი OK! ესთეტიკური ცენტრის გუნდს ესაუბრა, ისინი უფრო ვრცლად გვიამბობენ BEAM MEDICAL-ის უპირატესობების შესახებ.
გაგვაცანით Beam medical. რა სახის პროცედურებს სთავაზობთ მომხმარებლებს?
ანა დულარიძე, ექიმი: Beam Medical თითქმის ოთხი წელია რაც ბაზარზეა. დაარსების დღიდან ვიყავით ორიენტირებული, რომ ჩვენ მიერ შემოთავაზებული პროცედურები უფრო და უფრო მასშტაბური გამხდარიყო და ყოფილიყო ყოველთვის პრემიუმ კლასის. ჩვენთან წარმოდგენილი ყველა აპარატი ორიგინალია, რაც დასტურდება მათი ჰოლოგრამებით.
„ბიმ მედიქალი“ ყოველწლიურად ფართოვდებოდა, მათ შორის პანდემიის დროსაც. დღეს კლინიკაში ჩვენს მომხმარებლებს ვთავაზობთ: Alma Laser-ის მიერ დაპატენტებულ, სამსხივიანი ლაზერული ეპილაციის აპარატს Sopranoice platinum; Accent Prime-ის სხეულის საკორექციო აპარატს, რომელიც ასევე Alma Lasers-ის მიერ არის მოწოდებული და ამ კომპლექტაციით ექსკლუზიურად მხოლოდ ჩვენს ესთეტიკურ ცენტრშია წარმოდგენილი. ასევე, დერმატო-კოსმეტოლოგიური კაბინეტი, რომელიც პრემიუმკლასის მომსახურების სრულ ასორტიმენტს გვთავაზობს − ფიზიოთერაპიული და სამკურნალო პროცედურები, პრესოთერაპია და Ergoline-ის სოლარიუმი.
გვესაუბრეთ „ბიმ მედიქალში“ წარმოდგენილი ტექნიკის შესახებ.
თამარ ნიკოლაშვილი, ექიმი-ლაზეროთერაპევტი: ეს გახლავთ Alma Laser-ის ექსკლუზიური, დაპატენტებული ტექნოლოგია, რომელიც მსოფლიო ბაზარზე ცნობილია, როგორც ყველაზე უმტკივნეულო, ყველაზე ეფექტური და სწრაფი ეპილაცია. მუშაობის პრინციპი დაფუძნებულია კანქვეშ სითბოს თანდათანობით გადაცემაზე, რომელიც, რა თქმა უნდა, ჯანმრთელობას არანაირ საფრთხეს არ უქმნის და ეფექტურობა დიდი ხანია გამოცდილია ჩვენს ბაზარზე. ჩვენი უმთავრესი პრინციპი არის ის, რომ Beam Medical-ში მოსული მომხმარებლის ჯანმრთელობა დაცული იყოს, რის გარანტიასაც გვაძლევს ჩვენს ესთეტიკურ ცენტრში წარმოდგენილი ორიგინალი აპარატურა.
გვესაუბრეთ შედეგებზე და მომსახურების ხარისხზე.
ანი ჯიქიძე, ექიმი-ლაზეროთერაპევტი: Alma Laser-ის მიერ დაპატენტებულ, სამსხივიანი ლაზერული ეპილაციის აპარატ Sopranoice platinum-ს აქვს საოცარი შედეგები. რაც ყველაზე მთავარია, ისვენებთ სხვადასხვა საშუალებით თმის მოცილებისგან, ინტერვალებს თავიდან იცავთ გარკვეული შუალედებით, 28 დღიდან 1,5 თვემდე; 6-7 პროცედურის შემდეგ იზრდება ინტერვალები და, რა თქმა უნდა, ჩვენთან ვიზიტებიც შემცირებულია, ხოლო კანი თმისგან თავისუფალი, გლუვი და ხავერდოვანია. გარდა ამისა, აღნიშნული აპარატი სრულიად უსაფრთხო და უმტკივნეულოა.
„ბიმ მედიქალის“ მთავარი უპირატესობა…
მაია ნიკოლაშვილი, ექიმი-ინიექციონისტი: Beam Medical ცდილობს არ ჩამორჩეს ესთეტიკის თანამედროვე ტენდენციებს და მათგან ამოირჩიოს ის, რომელიც ყველაზე პოპულარულია, მატერიალურად ხელმისაწვდომია და გამოიყენებს ყველა ასაკის მომხმარებელი. ჩვენი ერთ-ერთი უპირატესობაა ხარისხიანი მომსახურება, რის საშუალებასაც გვაძლევს ჩვენთან წარმოდგენილი ორიგინალი აპარატები და პრემიუმხარისხის პრეპარატები. ასევე, გუნდი, რომლითაც დაკომპლექტებულია Beam Medical. ესენი არიან პროფესიონალი ექიმები, რომლებსაც ინდივიდუალური მიდგომა აქვთ თითოეული პაციენტისადმი და დეტალურად უხსნიან მათ პროცედურის შესახებ ყველაფერს. საბოლოო ჯამში კი, ამ ყველაფრისგან ვიღებთ შედეგით კმაყოფილ პაციენტს, რომელიც ჩვენი ერთგული მომხმარებელი ხდება.
სამომავლო გეგმები…
ჩვენი გუნდის მიზანია, უფრო მეტ ადამიანს შევუნარჩუნოთ სილამაზე, ახალგაზრდობა, ჯანმრთელობა და ამასთან, მივცეთ გარანტირებული უსაფრთხოება, ხარისხი და შედეგი.
ტექსტი: სოფიო მალანია
ფოტო: ალექსეი სეროვი
