ჩვენი ცხოვრება სავსეა ბედნიერი მომენტებით, რომელთა აღბეჭდვა ჩვენი მუდმივი საზრუნავია – ვიღებთ კადრებს, ვიდეოებს, ვერთვებით სოციალურ ქსელებში, ვკონტაქტობთ, ვმუშაობთ, აღვნიშნავთ, ვისვენებთ, ვმგზავრობთ, მივირთმევთ და ეს ყველაფერი ერთი მოწყობილობით კონტროლდება – მობილური ტელეფონით! რა თქმა უნდა, ასევე მუდმივი რუტინაა ამ ტელეფონების მოვლა, დატენვა და მზადყოფნაში ყოფნა იმისთვის, რომ ნებისმიერ დროს და ნებისმიერ წამს თავი მეტად თავდაჯერებულად იგრძნოთ და არასდროს დაგეუფლოთ დისკომფორტის შეგრძნება. სწორედ ამ გამოწვევას პასუხობს ახალი პროდუქტი საქართველოში – „ბრიკი“!
Brick არის შვედური კომპანია, რომელიც 2019 წელს დაარსდა და ახლა შვედეთისა და გერმანიის მასშტაბით ლიდერია power bank-ების გაქირავების მიმართულებით. „ბრიკი“ მალე ისეთ ქვეყენებშიც გამოჩნდება, როგორებიცაა: თურქეთი, ავსტრალია, კანადა და ახლა უკვე საქართველო! „ბრიკი“-ს ქართული წარმომადგენლების სამომავლო გეგმები ამიერკავკასიაში შესვლა და ბაზრის გაფართოებაა. ეს ინოვაციური „შეარინგ“ პროდუქტი ახალი ეტაპია მსოფლიოში, რომლის პირველი ნაბიჯები აზიაში, შემდეგ უკვე აშშ-ში გადაიდგა. შეარინგის ანუ გაზიარების მიზანი ნაკლები პროდუქტების შეძენა და ბიუჯეტის დაზოგვაა, რაც თავის მხრივ ეკონომიურად პოზიტიურად მოქმედებს მომხმარებლებზეც და ეკოლოგიაზეც, რადგან სულ უფრო მცირე რაოდენობის წარმოება ხდება.
მალე „ბრიკი“ ნებისმიერ რესტორანში, სავაჭრო ცენტრში, ღია სივრცეში, ბენზინგასამართ სადგურსა და ფესტივალზეც კი მოგცემთ საშუალებას, რომ იყოთ ონლაინ და ისიამოვნოთ გარემოთი თავისუფლად იმ შეგრძნებით, რომ 100%–ით სავსე დღე გაქვთ! თქვენ შეგეძლებათ შეაგროვოთ მომენტები, დაისვენოთ, განიტვირთოთ და თუ საჭირო გახდა პარალელურად დისტანციურად იმუშაოთ. ეს ყველაფერი იმისთვის, რომ შეიგრძნოთ ცხოვრების ყოველი წამი და დატკბეთ თავისუფლებით. მარტივად შეძლებთ აპლიკაციის QR კოდის საშუალებით განბლოკოთ „ბრიკი“ სტენდიდან, აიღოთ, მისი კაბელი მოარგოთ ტელეფონს და დატენოთ რამდენი ხნითაც გსურთ!
მოხმარება იმდენად მარტივი და სწრაფია, რომ პირდაპირ პასუხობს 21-ე საუკუნის გამოწვევას – დაზოგოს დრო! „ბრიკი“-ს მიზანია გაპოვნინოთ აპლიკაციიდან „ბრიკი“-ს უახლოესი სადგური, ბარათის საშუალებით მოგეცეთ გადახდის საშუალება და „ბრიკი“-ს ფაუერბანკი უკვე ნაქირავები გაქვთ. თუ გსურთ დატენვის შემდეგ იქვე დააბრუნებთ ან ნებისმიერ სხვა სადგურზე! აღსანიშნავია ისიც, რომ ეს ყველაფერი საკმაოდ ხელმისაწვდომია – 1 საათი 3 ლარი ღირს, 2 საათი – 5, ხოლო 24 საათი – 7 ლარი და თუ მოხდა ისე, რომ „ბრიკი“-ს დახვეწილი დიზაინი და სანდო გამოყენება მოგეწონათ, მისი დატოვება 105 ლარად შეგიძლიათ, ხოლო დანარჩენ თანხას აპლიკაცია ჩამოგაჭრით 5 დღის შემდეგ.
დიზაინი და ბრენდინგი მართლაც გამორჩეულია – ელეგანტური, მინიმალისტური, შავი თეთრში და რაც მთავარია, ნებისმიერი მობილურის სატენი კაბელებით! შესაბამისად, თუ აქამდე საქართველოში მხოლოდ მანქანის, სკუტერის და მოპედის ქირაობის სერვისები იყო, ახლა უკვე ტელეფონების power bank-ებიც გაჩნდა, რომელიც 30-მდე ობიექტშია განთავსებული – M Group, Wine Factory და სხვადასხვა რესტორანი, სადაც ადამიანები დროს სასიამოვნოდ ატარებენ და მუდმივად ხაზზე ყოფნისთვის მობილური ტელეფონების სწრაფად და უსაფრთხოდ დასატენად იდეალური სერვისი დახვდებათ!
„ბრიკი“-ს აპლიკაცია Apple store-სა და Play store-ზე:
🔗 Ios – t.ly/gfXH
🔗 Android – t.ly/DI2T
ტექსტი: მარიამ მთივლიშვილი
