ვარსკვლავები მზად არიან, თავიანთი საიდუმლო გაანდონ ადამიანებს, რომლებსაც მათი გზავნილების ამოცნობა შეუძლია. ჩვენ გიამბობთ, რა მოუმზადა ჰოროსკოპმა ზოდიაქოს ყველა ნიშანს 23 თებერვლიდან 1 მარტამდე.
ვერძი
მალე შესაძლებლობა გექნებათ, რომ ლიდერის როლი მოირგოთ და ამისთვის გარშემო მყოფებიც მზად არიან. ისინი სწორედ თქვენგან ელიან ინიციატივის გამოჩენას. მხარდაჭერა საგრძნობი იქნება, თუ პოზიტიურ განწყობას შეინარჩუნებთ და დაწყებულ საქმეს ბოლომდე მიიყვანთ. კვირის შუა დღეებში ენერგიის მოზღვავებას იგრძნობთ, რაც მიზნის მიღწევაში დაგეხმარებათ. ენდეთ საკუთარ ინტუიციას – ის დაგანახებთ მიმართულებას, სადაც ყველაზე თავდაჯერებულად და ნაყოფიერად იმოქმედებთ.
კურო
კვირის შუა პერიოდი შესაძლოა ემოციურად დატვირთული აღმოჩნდეს და დაგანახოთ ის, რაც ნამდვილად მნიშვნელოვანია. ნუ მისცემთ სხვის შიშებს თქვენს გადაწყვეტილებებზე გავლენის მოხდენის უფლებას. თქვენი ინტუიცია ახლა ზუსტად და ფაქიზად მუშაობს. თუ დროს მათ დაუთმობთ, ვისაც მხარდაჭერა სჭირდება, დიდ შინაგან კმაყოფილებას იგრძნობთ. საკუთარი პრინციპების ერთგულება და ახლობლების მიმართ გამოჩენილი ყურადღება ურთიერთობებს განამტკიცებს და სითბოსა და სტაბილურობის განცდას მოგიტანთ.
ტყუპები
ეს კვირა სასიამოვნო შეხვედრებისა და გულთბილი ურთიერთობებისთვისაა შექმნილი. სიყვარული და მეგობრობა თქვენთვის შთაგონების წყაროდ იქცევა. ერთობლივი პროექტები და გუნდური იდეები არა მხოლოდ შედეგს, არამედ სიამოვნებასაც მოგიტანთ. შეინარჩუნეთ ნათელი განწყობა და ისეთი გარემოცვა აირჩიეთ, რომელიც ზრდისკენ გიბიძგებთ. პარტნიორებთან ურთიერთობით შეძლებთ უფრო მნიშვნელოვან მიზნებს მიუახლოვდეთ.
კირჩხიბი
ვარსკვლავები გირჩევენ, რომ წვრილმანი საკითხები დაუყოვნებლივ მოაგვაროთ და სამომავლოდ არ გადადოთ – ასე ზედმეტ გართულებებს თავიდან აიცილებთ. თქვენი მცდელობა, რომ გარშემომყოფებს დაეხმაროთ, კოლექტივსა თუ ოჯახში ჰარმონიის შენარჩუნებას ხელს უწყობს. შეგიძლიათ ადამიანები საერთო მიზნისა და იდეის გარშემო გააერთიანოთ, რასაც ყველა აფასებს, თუმცა, მნიშვნელოვანია საზღვრები გახსოვდეთ და არავის მისცეთ უფლება, თქვენი კეთილგანწყობით ბოროტად ისარგებლოს. ძალების გონივრული განაწილება საშუალებას მოგცემთ ბალანსი შეინარჩუნოთ და წინ ზედმეტი დაძაბულობის გარეშე იაროთ.
ლომი
ხელგაშლილობა შესანიშნავი თვისებაა, თუმცა ზოგჯერ მკაფიო საზღვრები სჭირდება. განსაკუთრებით სამსახურში, სადაც ზოგჯერ არაკეთილგანწყობილი ადამიანებისგან მომავალი დაძაბულობა იგრძნობა. ნუ იჩქარებთ კოლეგების უსამართლო კრიტიკაზე რეაგირებას და სიმშვიდე თქვენი უპირატესობა გახდება. კვირის მიწურულს ენერგიის განახლებას იგრძნობთ. ძალისხმევა იქ გაიღეთ, სადაც შედეგს ნამდვილად მოიტანს.
ქალწული
ეს კვირა ახალ ნაცნობობასა და საინტერესო შემოთავაზებებს გპირდებათ, რომლებზეც უარის თქმა გაგიჭირდებათ. მეგობრებთან და ახლობლებთან ურთიერთობა სიხარულსა და მხარდაჭერის განცდას მოგანიჭებთ. მოსალოდნელია საუბრები მოგზაურობაზე ან ახალი მარშრუტების დაგეგმვა, რაც თქვენს თვალსაწიერს გააფართოებს. ახალი კავშირები დაგეხმარებათ, რომ ცხოვრებას უფრო ოპტიმისტურად შეხედოთ და მოძრაობის სწორი მიმართულება განსაზღვროთ.
სასწორი
პროექტი, რომელზეც დიდხანს მუშაობდით, ახალ შთაგონებას მოგიტანთ. თქვენსა და თქვენს თანამაზრეებს შორის ნდობა უფრო და უფრო მტკიცდება. მალე კარგად დაინახავთ ვინ არის სინამდვილეში თქვენი გუნდის წევრი. თუ მარტოხელა ხართ, იმ ადამიანის მოწვევას ნუ უგულებელყოფთ, რომელიც თქვენს მიმართ ინტერესს იჩენს – ეს შეხვედრა შეიძლება ლამაზი ურთიერთობის დასაწყისად იქცეს.
მორიელი
მნიშვნელოვანი საუბრის დაწყებამდე ეცადეთ საკუთარ თავსა და გრძნობებში უკეთ გაერკვეთ. კოლეგის გაჯიუტებამ ან ნათესავის შეუსრულებელმა პირობამ შეიძლება ძალიან გაგაღიზიანოთ, მაგრამ მოთმინება წონასწორობის შენარჩუნებაში დაგეხმარებათ. შესაძლოა, ვიღაცამ თქვენი მოტყუება სცადოს, ამიტომ სანამ მოქმედებას დაიწყებთ ყველა ინფორმაცია კარგად უნდა გადაამოწმოთ.
მშვილდოსანი
შესაძლოა გარშემომყოფთა სიტყვებისა და განწყობების მიმართ უფრო მგრძნობიარე გახდეთ. მიეცით საკუთარ თავს ფიქრის დრო, სანამ მნიშვნელოვან საკითხებს განიხილავდეთ. სავარაუდოდ, კვირის შუა დღეებში შეურიგდებით ადამიანს, რომელსაც დიდი ხნის წინ, მცირე გაუგებრბის გამო დასცილდით. თავი შეიკავეთ გულწრფელობისგან ადამიანებთან, რომლებსაც კარგად არ იცნობთ. შესაძლოა, თქვენი სირტყვები თქვენს წინააღმდეგ გამოიყენონ.
თხის რქა
თუ მარტოხელა ხართ, ამ კვირამ შესაძლოა ისეთი ნაცნობობა მოგიტანოთ, რომელიც მომავლის იმედს გაგიღვიძებთ. მოვლენებს ნუ დააჩქარებთ – არის რაღაც, რასაც ვერ შეცვლით, ამიტომ უმჯობესია, დამკვირვებლის როლს დასჯერდეთ. კვირის ბოლოს შესაძლოა, მეგობრის ნათქვამმა თქვენი თავდაჯერებულობა შეარყიოს, თუმცა მოგვიანებით გაირკვევა, რომ ეს მხოლოდ გაუგებრობა იყო. მოუსმინეთ შინაგან ხმას – ის დაგეხმარებათ სიმშვიდე შეინარჩუნოთ და სწორი გზა აირჩიოთ.
მერწყული
შეგიძლიათ ამბიციური მიზნები დაისახოთ – თქვენ ნამდვილად შეგწევთ ძალა, რომ წარმოქმნილი დაბრკოლებები გადალახოთ. ძველ ამოცანებზე ახლებური ხედვა საშუალებას მოგცემთ გააკეთოთ ის, რაც დიდხანს არ გამოგდიოდათ. გარშემომყოფები თქვენს იდეებს მხარს სიამოვნებით დაუჭერენ. უქმეებზე შესაძლოა ახლობელმა ადამიანმა გარემოს შეცვლა და ხანმოკლე მოგზაურობა შემოგთავაზოთ. თუ დათანხმდებით, ახალ, დაუვიწყარ შთაბეჭდილებებს მიიღებთ, რაც ჰორიზონტს გაგიფართოებთ.
თევზები
წვრილმან უსიამოვნებებს უფლებას ნუ მისცემთ, რომ დაწყებული საქმე შუა გზაზე მიატოვოთ. ნაცნობ გუნდში თავს მშვიდად და თავდაჯერებულად გრძნობთ. მნიშვნელოვანია, რომ გადაწყვეტილებების მიღება არ იჩქაროთ – განსაკუთრებით კვირის ბოლოს, როდესაც სიჩქარემ შეიძლება სირთულეები შექმნას. რჩევა ჰკითხეთ მათ, ვისაც ენდობით. ერთობლივი განხილვა შეცდომების თავიდან აცილებაში დაგეხმარებათ და ურთიერთგაგებას განამტკიცებს.
ასევე დაგაინტერესებთ
#OK! ციური ვალსი – ზამთრის ბოლო დღეს ექვსი პლანეტა აღლუმზე შეიკრიბება
