ტიმოთი შალამე და კაილი ჯენერი ერთმანეთს დაშორდნენ – ამის შესახებ Daily Mail წყვილთან დაახლოებულ წყაროებზე დაყრდნობით წერს.
ჰოლივუდის ვარსკვლავი და მილიარდერი ერთმანეთს დაახლოებით ორი წლის განმავლობაში ხვდებოდა. წყვილი ერთმანეთს რამდენჯერმე დაშორდა, თუმცა იმავე წყაროს ინფორმაციით, კაილი ყოველთვის ახერხებდა „შერიგებაზე დაყოლიებას“.
„სამოთხეში პრობლემებია. ის ბევრს მუშაობს, მუდმივად გადაღებებზეა და კაილი გრძნობს, რომ მუდმივად უნდა სდიოს. ურთიერთობაში კაილი უფრო იხარჯება, ვიდრე ტიმოთი, მაგრამ გოგონა მასზე გიჟდება, ამიტომ გამორიცხული არ არის, რომ ისევ შერიგდნენ. წერტილი ჯერ არ დასმულა“ – ამბობს წყარო.
წყვილის წარმომადგენლებს გავრცელებულ ინფორმაციაზე კომენტარი ჯერჯერობით, არ გაუკეთებიათ.
29 წლის შალამესა და 28 წლის ჯენერის დაშორების შესახებ ჭორები ტიმოთის Vogue – თან ინტერვიუს შემდეგ გავრცელდა. ინტერვიუს ის ნაწილი, სადაც ტიმოთი შეყვარებულს ახსენებს, ბევრმა მისი დამცირების შენიღბულ მცდელობად აღიქვა. მსახიობმა განაცხადა, რომ თავის სასიყვარულო ურთიერთობაზე არ ისაუბრებს, რადგან სათქმელი არაფერი აქვს.
დაშორებაზე ჭორების გავრცელებას იმანაც ხელი შეუწყო, რომ კაილის დედის, კრის ჯენერის 70 წლის იუბილესადმი მიძღვნილ წვეულებაზე, რომელსაც მილიარდერები და ცნობილი სახეები ესწრებოდნენ, კაილი მარტო მივიდა.
ტიმოთი შალამე და კაილი ჯენერი ერთმანეთს 2023 წლის აპრილში, პარიზის მოდის კვირეულზე შეხვდნენ. მას შემდეგ ისინი პერიოდულად ერთად ჩნდებოდნენ, თუმცა, მსახიობის არჩევანი მის ყველა გულშემატკივარს არ მოსწონს. ბევრს მიაჩნია, რომ რეალითი შოუს ვარსკვლავი მათ საყვარელ მსახიობზე ცუდ გავლენას ახდენს. დღეს ტიმოთი ერთ-ერთი ყველაზე მოთხოვნადი და პოპულარული მსახიობია. “ოსკარის” ორი ნომინაცია, ოთხი – “ოქროს გლობუსის” და ოთხი – “ბაფტასი” – ეს მისი მიღწევების მცირე ჩამონათვალია. 29 წლის შალამე ადრე მადონას ქალიშვილ ლურდს და ჯონი დეპის ქალიშვილ ლილი-როუზს ხვდებოდა, ჯენერს კი ყოფილ შეყვარებულთან, ტრევის სკოტთან, ორი შვილი ჰყავს.
ასევე დაგაინტერესებთ
