3 მარტი დედების, იმ ადამიანების დღეა, რომლებსაც თითოეული ჩვენგანის ცხოვრებაში ყველაზე მნიშვნელოვანი და განსაკუთრებული ადგილი უჭირავთ. ალბათ ყველა ადამიანისთვის დედა ყველაზე ლამაზ, კეთილ და განსაკუთრებული ძალების მქონე „სუპერგმირთან“ ასოცირდება, რომელსაც შეუძლია ნებისმიერ დროს ყველა პრობლემა მოგიგვაროს, ყოველთვის შენი მხარდამჭერი იყოს და უყვარდე უპირობოდ. სწორედ ამიტომ ველოდებით დიდი ენთუზიაზმით დედის დღის მოსვლას და ვცდილობთ, რომ ამ დღეს განსაკუთრებული სიყვარული გამოვხატოთ ჩვენთვის ყველაზე ძვირფასი, ლამაზი და ძლიერი „სუპერგმირების“ მიმართ.
3 მარტის მოსვლა კიდევ უფრო მეტ განსაკუთრებულობას იძენს მათთვის, ვინც ამ დღეს პირველად ხვდებიან დედის ამპლუაში.
გიზიარებთ რამდენიმე ცნობილ ადამიანს, რომელიც წელს პირველად შეხვდებიან დედის როლში.
ნიცა თავაძე:
ერთ-ერთმა ყველაზე წარმატებულმა ქართველმა ფეხბურთელმა თავის რჩეულზე, ნიცა თავაძეზე, 2023 წლის 16 ოქტომბერს იქორწინა. 2024 წლის 21 აგვისტოს კი წყვილს ვაჟი, დამიანე შეეძინა. ინფორმაცია სოციალურ ქსელ ინსტაგრამზე ნიცამ გამოაქვეყნა წარწერით: „ ჩემი ცხოვრების უბედნიერესი დღე 21.08.24 ❤️❤️❤️”.
ელენე ეპიტაშვილი:
ქართული ფეხბურთის კიდევ ერთი გამორჩეული ვარსკვლავი 2024 წლის მამა გახდა. ელენე ეპიტაშვილსა და გიორგი მამარდაშვილს 22 ნოემბერს შეეძინათ ქალიშვილი, რომელსაც ენი დაარქვეს.
შეგახსენებთ, რომ წყვილის ურთიერთობა ოფიციალურად 2024 წლის მარტში გასაჯაროვდა, 18 ივლისს კი „ლისი ივენთ ჰოლში“ მათი ზღაპრული ქორწილი გაიმართა.
თაკო საზინა:
ვლოგერი და ინფლუენსერი თაკო საზინა 2024 წლის 22 აგვისტოს პირველი შვილის, მატილდას დედა გახდა და ის 3 მარტს პირველად შეხვდება დედის ამპლუაში.
თაკო საზინამ ვლოგერობა და Youtubebe-ზე მაკიაჟისა და თავის მოვლის მიმართულებით ვიდეოების განთავსება დაიწყო 2016 წელს და იმ დროისათვის უჩვეულო და განსხვავებულ კონტენტით მალევე განსაკუთრებული პოპულარობა მოიპოვა.
შეგახსენებთ, რომ თაკო თორნიკე სეხნიაშვილზე 2021 წელს დაინიშნა.
ლიზი ქონიაძე
ინფლუენსერი და ფოტომოდელი ლიზი ქონიაძე განსაკუთრებით პოპულარული „პრაიმჰაუსში“ მონაწილეობის შემდეგ გახდა.
მოდელმა და მისმა რჩეულმა, გიორგი ბუაძემ, 2024 წლის 21 ივლისს იქორწინეს და ბავშვის სქესიც თავიანთ ქორწილში გაასაჯაროვეს. წყვილს პირველი შვილი, ლუკა , სულ რამდენიმე თვის წინ, 9 დეკემბერს შეეძინა. ეს ინფორმაცია თავად ლიზამ გაასაჯაროვა სოციალურ ქსელში და ფოტო გამოაქვეყნა წარწერით: „კეთილი იყოს შენი მობრძანება, პატარა ლუკა 09.12.2024”
ნინო მუმლაძე
მსახიობი ნინო მუმლაძეც პირველად შეხვდება 3 მარტს დედის სტატუსით. მან და მისმა მეუღლემ, ფერმწერმა გოგინაშვილმა პირველ ვაჟს რონი დაარქვეს. ნინო მუმლაძემ ეს სიახლე გაასაჯაროვა სოციალურ ქსელში ფოტოსთან ერთად გამოქვეყნებული წარწერით: „გამარჯობა ჩემო ვარსკვლავბიჭუნა🤩ჩემი რონი გოგინაშვილი 🥰😍“.
ბოლო თვეების განმავლობაში მთელი tiktok პლატფორმა განსაკუთრებული მოლოდინის რეჟიმში იყო. გიორგი სანებლიძისა და ელენე გუგუნიშვილის წყვილმა, რომელიც “ brocc0lii” -ის სახელით 2022 წლიდან პოზიციონირებს სოციალურ პლატფორმებზე, tiktok მომხმარებლების განსაკუთრებული სიყვარული მალევე დაიმსახურა თავისი სახალისო კონტენტით.
ელენემ და გიორგიმ 7 თებერვალს ვიდეოს სახით სასიამოვნო სიახლე გაუზიარეს თავიანთ გულშემატკივრებს-„დაიბადა ლიტა“-ამ წარწერით გავრცელდა ვიდეო სოციალურ ქსელებში.
წყვილი, ახლა უკვე პატარა ლიტასთან ერთად, დღემდე აქტიურად განაგრძობს ტიკტოკზე სახალისო ვიდეოების განთავსებას.
