სრულყოფილი სქესობრივი ცხოვრება მნიშვნელოვანია როგორც ფიზიკური, ასევე, მენტალური ჯანმრთელობისთვის. იმისთვის, რომ მოხდეს ჯერ პრობლემის იდენტიფიცირება და შემდეგ კი მკურნალობა, აუცილებელია სწორ ადგილას და სწორ სპეციალისტთან მისვლა. დღეს გიამბობთ სექსოლოგიისა და ფსიქოლოგიის ცენტრ 4&8-ის შესახებ, რომელიც არის ესთეტიკური კლინიკების ქსელის, Neo Neo Aesthetic-ის შვილობილი კომპანია. ეს არის სრულიად უნიკალური სივრცე, სადაც გაერთიანებულია ოთხი განსხვავებული, თუმცა მომიჯნავე მიმართულება: სექსოლოგია, ფსიქოთერაპია, ესთეტიკური გინეკოლოგია და ვენეროლოგია. სწორედ ერთ სივრცეში სხვადასხვა დარგის წამყვანი სპეციალისტები კომპლექსური მიდგომით უზრუნველყოფენ სქესობრივი ცხოვრების ხარისხის გაუმჯობესებას.
ქალბატონო ეკა, როგორ გაჩნდა ცენტრის შექმნის იდეა?
(ეკა დარასელია, ცენტრი 4&8-ის დამფუძნებელი): მოგეხსენებათ, რომ ცენტრი 4&8 არის შვილობილი კომპანია „ნეო ნეოს“ ესთეტიკური ცენტრების ქსელის. „ნეო ნეოში“ ერთ-ერთი წამყვანი მიმართულება კი იყო ესთეტიკური გინეკოლოგია, მიზანმიმართული ქალის სექსუალური ცხოვრების ხარისხის გაუმჯობესებაზე და ძალიან ბევრი პროცედურა ტარდება ქალის ანორგაზმის სამკურნალოდ. იმისათვის, რომ მივიღოთ შედეგი, რა თქმა უნდა, ჯერ აუცილებელია პრობლემის მიზეზის დადგენა. ამ დროს კი, ხშირად იკვეთებოდა ანორგაზმის ფსიქოგენური ფაქტორები, ამიტომაც მიწევდა პაციენტის გადამისამართება ფსიქოთერაპევტთან. ასევე, ესთეტიკური გინეკოლოგია აღმოჩნდა სექსოლოგიის მომიჯნავე დარგი და ვამისამართებდი სექსოლოგთან. იმისთვის, რომ ანორგაზმის მკურნალობის პროცედურები ჩამეტარებინა როგორც ქალთან ისე კაცთან, აუცილებელი იყო გამომერიცხა ანთებითი პროცესები და საჭირო ხდებოდა ვენეროლოგის ჩართულობა. აქედან გამომდინარე, მივხვდი, რომ აღნიშნული პრობლემა საჭიროებდა კომპლექსურ მიდგომას, სწორედ ამიტომ გამიჩნდა იდეა, შემექმნა ცენტრი, სადაც გაერთიანებული იქნებოდა სექსოლოგია, ფსიქოთერაპია, ესთეტიკური გინეკოლოგია და ვენეროლოგია, ეს უკანასკნელი მოიცავს სქესობრივი გზით გადამდები ინფექციების მკურნალობას.
პაციენტს ერთ სივრცეში შეუძლია გადაჭრას სქესობრივ ცხოვრებასთან დაკავშირებული ნებისმიერი სახის პრობლემა.
რატომ არის ცენტრი 4&8-ის სივრცე უნიკალური?
(ჯაბა ყრუაშვილი, სუპერვიზანტი, გეშტალტ თერაპევტი): ხშირია შემთხვევები, როდესაც ადამიანს აქვს პრობლემა, მაგრამ არ იცის რომელ სპეციალისტს მიმართოს. შედეგად იწყება საკუთარი რესურსებით ინფორმაციის მოძიება და ხშირად ამას ადამიანი მიჰყავს დაბნეულობამდე, ან კიდევ უარესი – მიმართავენ არასწორ სპეციალისტებს და ხშირად პრობლემის გადაჭრის ნაცვლად მდგომარეობა უფრო რთულდება. ჩვენს ბაზარზეც არის მსგავსი ტიპის გაურკვევლობა, სხვადასხვა კომპეტენციის ადამიანები ითავსებენ სხვადასხვა ტიპის პრობლემებს, შესაძლებელია ეს მის კომპეტენციაში არც შედიოდეს. ეს ყველაფერი კი საბოლოოდ აბნევს პაციენტს. ცენტრი 4&8 კი უზრუნველყოს იმას, რომ საკუთარ თავზე აიღოს როგორც პრობლემის სწორი იდენტიფიცირება, ასევე, მოხდეს სწორი სპეციალისტების ჩართულობა, ამიტომ ადამიანებისთვის ჩვენთან მოსვლა მათთვის სიმშვიდის მომცემია.
ჩვენი ცენტრი აერთიანებს ოთხ მიმართულებას: სექსოლოგია, ფსიქოლოგია, ესთეტიკური გინეკოლოგია და ვენეროლოგია. ოთხივე მიმართულება მჭიდრო კავშირშია როგორც ერთმანეთთან, ასევე წარმოადგენს ძირითად ღერძს ადამიანის ჰარმონიული ცხოვრებისთვის. ფაქტობრივად, მთელი ფსიქოლოგიური საწყისები სექსუალურ მოთხოვნილებაზე დგას, როგორც ბაზისურ მოთხოვნილებაზე. შესაბამისად, სექსოლოგიური თუ იდენტობის პრობლემების გადაჭრის გზები მნიშვნელოვან როლს თამაშობს ადამიანის ჩამოყალობებაში. სწორედ ამიტომ, ჩვენი ცენტრი ყველა პრობლემის აღმოფხვრას ახდენს კომპლექსურად, ეს იქნება სექსოლოგიური ხასიათის, ფსიქიკური თუ ორგანული.
სექსოლოგიისა და ფსიქოლოგიის ცენტრი 4&8 უზრუნველყოფს, ადამიანებს ჰქონდეთ იმის კომფორტი, რომ მათი პრობლემის იდინტიფიცირება ჯგუფური ჩართულობის შედეგად მარტივად და სწორად მოხდეს. ამ ოთხი მიმართულების პრიზმიდან დანახული გადაჭრის გზები იძლევა სიღრმისეული ცვლილებების საშუალებას. ჩვენი ცენტრის მიზანს წარმოადგენს, გავუადვილოთ ადამიანებს ბედნიერებისკენ სწრაფვა. ჩვენი კომპლექსური მიდგომა ეხმარება მათ არა მხოლოდ ფიზიკური, არამედ ემოციური და ფსიქოლოგიური კეთილდღეობის მიღწევაში. ჩვენი ცენტრის უნიკალურობა სწორედ ეს არის. ჩვენ გვენდობიან პაციენტები და ეს უდიდესი პასუხისმგებლობაა.
ტექსტი: სოფიო მალანია
ფოტო: ალექსეი სეროვი
