33 წლის მსახიობი, ზაკ ეფრონი რამდენიმე ძვირადღირებული საცხოვრებელის მფლობელია, თუმცა გავრცელებული ინფორმაციით ის ლოს-ანჯელესში მდებარე სახლს უკვე რამდენიმე თვეა ყიდის. ვარსკვლავი თავდაპირველად სახლს 5,9 მილიონ დოლარად ყიდდა, თუმცა ფასმა ახლა 5,575 მილიონ დოლარამდე დაიკლო.
გლამურული საცხოვრებელი ზაკმა 2013 წელს 4 მილიონ დოლარად შეიძინა, გაყიდვის მიზეზი კი ის ფაქტი გახდა, რომ მსახიობი ახლა ავსტრალიაში ცხოვრობს. სახლში ხუთი საძინებელი, ხუთი სველი წერტილი და უამრავი მოსასვენებელი კუთხეა, რომელიც ლოს-ანჯელეს გადაჰყურებს. ამას გარდა სახლში უზარმაზარი სამზარეულო, მისაღები ოთახი, კინოთეატრი და ბიბლიოთეკაა.
