ცნობილი ქართველი მსახიობი და სატელევიზიო ვარსკვლავი – ნინუცა მაყაშვილი საზოგადოებას მისთვის საკმაოდ ემოციურ ისტორიას უზიარებს, რომელმაც რამდენიმე საათში სრულიად ქართული მედია მოიცვა. ვარსკვლაცმა გადაცემაში “ფარული კონვერტი” 11 წლის წინ მომხდარ მოვლენებზე ისაუბრა და საჯაროდ გაამხილა მიზეზი, რის გამოც მეუღლეს – ბესო ზანგურს დაშორდა.
როგორც ირკვევა, მეუღლის მხრიდან მასზე ფიზიკური ძალადობის პირველი შემთხვევა ორსულობის პერიოდში, მთელი ოჯახის თვალწინ განხორციელდა და მას შემდეგაც არაერთხელ მომხდარა.
„არასდროს მიფიქრია, რომ მე გავხდებოდი ერთ-ერთი მათგანი, ვისაც ცხოვრებაში ეს შეემთხვეოდა, თუმცა აღმოჩნდა, რომ სამყარო ჩემ გარშემო არც ისეთი ვარდისფერია, როგორიც მეგონა… ვითმენდი, რადგან ძალიან მეშინოდა. მემუქრებოდა ოჯახის წევრებითაც. ამის შესახებ ვერავის ვუყვებოდი“ -აღნიშნა ნინუცამ გადაცემაში.
ბესო ზანგურმა, რომელთანაც ნინუცას შვილი -ნოდარი აკავშირებს, ამ ამბის შემდგომ Rustavi 2-თან ინტერვიუში ბრალდება უარყო:
“ვემიჯნებით ყველანაირად ძალადობას და ვემიჯნებოდი ყოველთვის. ეს ისეთი ამაზრზენი ტყუილია, რომელსაც 5000 ლარზეც კი ადამიანი არ უნდა ამბობდეს,” – ამბობს მსახიობი.
აღსანიშნავია, რომ ქალზე ძალადობის ამ ტრაგიკულ ისტორიას საზოგადოების მხრიდან დიდი გამოხმაურება მოჰყვა, მათ შორის მსახიობთა კოლეგების მხრიდანაც, რომელთა შორის ერთ-ერთი პირველი მსახიობი – თამთა ინაშვილია, რომელიც სოციალურ ქსელში ემოციურ პოსტს აქვეყნებს:
“მე შენს გვერდით ვარ! ვიღაც-ვიღაცეები ცდილობენ მისი სიმართლის უგულებელყოფას…”სადღაც ცისარტყელას მიღმა”არსებობს ასეთი სპექტაკლი, სადაც ერთმანეთს პარტნიორობას ვუწევთ მე და ბესო ზანგური.პროტესტის ნიშნათ მე აღარ ვაპირებ,მასთან ერთად სცენაზე დგომას!!”-დაწერა მსახიობმა.
თუმცაღა აღმოჩნდნენ ისეთი ცნობილი სახეებიც, რომლებიც ბესო ზანგურის მხარეს იჭერენ, მათ შორის არის რობერტ სტურუა, რომელმაც Facebook-ზე შემდეგი ტექსტი გამოაქვეყნა:
“გრძნობდი, რომ ესენი ბოლშევიკები იყვნენ, ნეოკომუნისტები! და ქ ა ლ ე ბ მ ა 1937 წელი დაიწყეს! “რ ე პ რ ე ს ი ე ბ ი!”
რობერტ სტურუა და ბესო ზანგური
