“ჰარი პოტერის” ვარსკვლავი, ყველასათვის საყვარელი მსახიობი დენიელ რედკლიფი მამა გახდა. დენიელს მეგობარ გოგონასთან, ასევე მსახიობ, ერინ დარკესთან ერთად პირველი შვილი შეეძინა. მიუხედავად იმისა, რომ ახალბედა მშობლები, ნოუ-იორკის ქუჩებში ახალშობილ შვილთან ერთად უკვე გამოჩნდნენ, ისინი ბავშვის სქესს და სახელს მაინც არ ასაჯაროვებენ. შეგახსენებთ, რომ დენიელმა და ერინმა ერთმანეთი 2012 წელს Kill Your Darling-ის გადასაღებ მოედანზე გაიცნეს, მრავალწლიანი ურთიერთობის შემდეგ კი, 2022 წელს განაცხადეს, რომ პირველ ბავშვს ელოდებოდნენ. როგორც წყვილთან დაახლოვებული სანდო წყაროები იუწყებიან, დენიელი და ერინი ძალიან ბედნიერები არიან ცხოვრების ახალ ეტაპზე გადასვლით და ტაბლოიდებთან თანამშრომლობით ჯერჯერობით დაინტერესებულები არ არიან.
