2023 წლის 18 თებერვალს ქალაქ თბილისში გაიმართა ყოველწლიური დაჯილდოების საღამო Medical Care Award, სადაც ტრაციდიულად, მედიცინისა და ესთეტიკის სფეროში მოწინავე კომპანიათა შორის კონკურსის გზით, გამოვლენილ იქნა საუკეთესოთა შორის საუკეთესო კომპანიები ამა თუ იმ ნომინაციაში. სწორედ აქ, ნომინაციაში „წლის საუკეთესო ლაზერული ეპილაციის შემსწავლელი ცენტრი“, ერთხმად აღიარეს ესთეტიკური მედიცინის ცენტრი „ლოტუსი“. აღნიშნულ თემასთან დაკავშირებით დეტალებზე სწორედ სასწავლო ცენტრის ხელმძღვანელს, ლელა ლეჟავას ვესაუბრეთ:
ლელა, რამდენად მოულოდნელი იყო ეს აღიარება თქვენთვის?
არ დაგიმალავთ და ვერ ვიტყვი, რომ ამ აღიარებისთვის შინაგანი მოლოდინი არ მქონდა.
„ლოტუსის“ ლაზერსკოლა უკვე 4 წელია აქტიურად ეწევა საგანმანათლებლო საქმიანობას. ამ ხნის განმავლობაში ჩვენთან მრავალი თაობა დაეუფლა ახალ ცოდნას, შეიძინა საყვარელი პროფესია და უმალვე წარმატებით დასაქმდა ამა თუ იმ სამედიცინო და ესთეტიკურ ცენტრებში. ამასთან ერთად, მუდმივად იხვეწება სასწავლო პროგრამა.
რა განასხვავებს „ლოტუსის“ სასწავლო ცენტრს ბაზარზე არსებული კონკურენტებისგან?
განათლების ხარისხი, რომელსაც ჩვენ ვაძლევთ სტუდენტებს – მაქსიმალურად სრულყოფილი პროგრამის წყალობით. თეორიულ ნაწილს ახლახან დაემატა დერმატოლოგიის საათები, რომელსაც ჩვენი მოწვეული პედაგოგი, დერმატოლოგი ნინო კურკუმული ატარებს.პრაქტიკულ კურსს ექიმი ლაზეროთერაპევტი მაკა სამადაშვილი უძღვება. ზოგადად, ფასდაუდებელია ის მონდომება და შემართება, რასაც „ლოტუსის“ მთელი გუნდი თითოეულ ნაკადთან იჩენს. აქ თითოეული სტუდენტი ცალკე პიროვნება და მომავალი პოტენციური სპეციალისტია, რომლის კარიერულ ზრდას სწორედ ჩვენთან ეყრება საფუძვლები. ამის გარანტიას სწორედ ჩვენი საოცარი გუნდი იძლევა.
აქვე მინდა გაცნობოთ, რომ 2023 წლიდან ჩვენთან სრულად განახლდა სასწავლო პროგრამა: იგი აქამდე შედგებოდა 2 მოდულისგან, ახლა კი დაემატა მესამე მოდული, რაც გულისხმობს იმას, რომ თეორიულ და პრაქტიკულ მეცადინეობებთან ერთად სტუდენტები სამუშაო საათებსაც (კრედიტებს) გაივლიან თავად „ლოტუსის“ ქსელში.
3-მოდულიანი პროგრამის გავლის შემდგომ სტუდენტი სრულად დახელოვნებული სპეციალისტი ხდება, ხოლო ნამუშევარი საათების ოდენობა მითითებული იქნება შესაბამის სერტიფიკატში. ამ გზით ერთიათჯერ იზრდება სწრაფად დასაქმების შანსი, ისინი იძენენ პაციენტთან დამოუკიდებლად მუშაობის პრაქტიკას და, რაც მთავარია, გამოცდილებას.
რას ნიშნავს თქვენთვის იყოთ პირველები?
პირველ რიგში სიამაყეს, მაგრამ ამავდროულად დიდ პასუხისმგებლობას. სტიმულს, რათა კიდევ მრავალი წლის მანძილზე ბევრი საამაყო სპეციალისტი აღვზარდოთ.
აქვე დავძენდი, რომ ჩვენთან აქტიურად მიმდინარეობს არა მხოლოდ ლაზერული ეპილაციის, არამედ კოსმეტოლოგიის (როგორც ინიექციური, ისე აპარატურული); აპარატურული მასაჟის კურსები. ნებისმიერი კითხვით ყოველთვის შეგიძლიათ მოგვმართოთ:
0322903803(შიდა ნომერი 1); +995577535317
LOTUS • ლოტუსი
ფოტო: პირადი არქივი
