უკვე მეხუთე წელია საბავშვო ევროვიზიაზე პირველი არხის პროექტის “რანინა” გამარჯვებული მიემგზავრება. წელს საბავშვო ევროვიზიაზე საქართველოს მარიამ ბიგვავა წარადგენს, სიმღერით – Believe/ მჯერა . Junior Eurovision 2022 სომხეთის დედაქალაქში – ერევანში 11 დეკემბერს გაიმართება.
ევროვიზიაზე საქართველო 2007 წლის შემდეგ ყოველ წელს იღებს მონაწილეობას და ერთადერთი ქვეყანაა, რომელმაც სამჯერ მოიგო კონკურსი – 2008, 2011 და 2016 წელს.
საქართველოს დროით 23:00-ზე ევროვიზიის საიტზე დაიწყება ხმის მიცემა, სადაც თითოეულ ადამიანს შეუძლია 3 რჩეულ მონაწილეს მისცეს ხმა. შეგახსენებთ, რომ ხმის მიცემა 11 დეკემბერს კონკურსის დაწყებამდე შეწყდება.
მარიამ ბიგვავას საკონკურსო სიმღერის ტექსტი ეკუთვნის ბენი ქადაგიძესა და ირუ ხეჩანობს, სცენის პერფორმანსის კოსტიუმების მხატვარი მარიკა ქურდუბაძე, სასცენო დადგმა „ბზიკების სტუდია“, რეჟისორი გიგა კუხიანიძე.
შეგახსენებთ, რომ ევროპის უდიდესი ფესტივალი Junior Eurovision ყოველწლიურად იმართება. რიგით მე-20 საბავშვო ევროვიზია 11 დეკემბერს, სომხეთის დედაქალაქ ერევანში გაიმართება, პირდაპირ ტრანსლაციას კი საქართველოს პირველი არხის ეთერში ვიხილავთ.
