ჟურნალ OK!-ის მკითხველი დებს − ნინო და ნატა დადვანებს ძალიან კარგად იცნობს. მათი ესთეტიკის სახლი − Dadvan’s Beauty Room რამდენიმე წელია წარმატებით ოპერირებს ბაზარზე. ეს არის სივრცე, სადაც ხარისხი და ხელმისაწვდომობა ერთმანეთს ერწყმის.
Dadvan’s Beauty Room-ის გუნდი პროფესიონალებითაა დაკომპლექტებული. სწორედ მუდმივ განვითარებაზე ორიენტირებული კადრია იმ ხარისხის გარანტი, რომელსაც აღნიშნული ცენტრი გთავაზობთ.
ესთეტიკურ სახლში ყველაფერია, რაც საკუთარ თავზე ზრუნვასა და საუკეთესო შედეგის მიღწევაში დაგეხმარებათ: მანიკიურ-პედიკიურის პროცედურა უმაღლესი ხარისხის პროდუქციით, ასევე, ხელისა და ფეხის გამაჯანსაღებელი, როგორც პარაფინის, ასევე სპა-პროცედურები, რომლებიც ზამთრის სუსხიან დღეებში საუკეთესო არჩევანია; დაზიანებული თმის აღმდგენი პროცედურა, პერმანენტული მაკიაჟი და კლასიკური, ასევე, ინიექციური კოსმეტოლოგია.
აღსანიშნავია ინტერიერი, რომელიც Dadvan’s Beauty Room-ის სავიზიტო ბარათადაც კი იქცა. ორ ფერში გადაწყვეტილი შიდა ფასადი ორიგინალურსა და თბილ ატმოსფეროს ქმნის. შესაბამისად, თამამად შეიძლება ითქვას, რომ ეს არის ადგილი, სადაც სილამაზე და კომფორტი ერთმანეთთან თანხვედრაშია. აქ ნებისმიერი დეტალი და ნიუანსი ასახავს ესთეტიკის სახლის მთავარ სლოგანს: „უწყვეტი სილამაზე“.
გამოწვევები…
როგორც Dadvan’s Beauty Room-ის დამფუძნებლები აღნიშნავენ, მათი მთავარი გამოწვევა პანდემია იყო, რამაც გამოიწვია ფინანსური პრობლემები, თუმცა ეს გამოწვევა დებმა დადვანებმა პოზიტიური კუთხით შეცვალეს და უფრო მიზანდასახულები გახდნენ. როგორც თვითონ ამბობენ, „კრიზისმა ვერ დაგვხურა, პირიქით − გაგვაძლიერა“.
სამომავლო გეგმები…
Dadvan’s Beauty Room-ის უმთავრესი მიზანია, აღნიშნულ სფეროში, ქართული ბაზრისთვის პრაქტიკული, ნებისმიერი პროგრესული სიახლის გაცნობა და დანერგვა. ასევე, ესთეტიკის სახლის ინტერნეტგვერდის სრული დატვირთვით ამუშავება, ბიზნესის ციფრული მენეჯმენტის პროფესიული ინსტრუმენტების გამოყენებით. და რა თქმა უნდა, ქსელის გაფართოების მიზნით, წელიწადში მინიმუმ ერთი ახალი ფილიალის გახსნა.
ტექსტი: სოფიო მალანია
ფოტო: ალექსეი სეროვი
