ქართული ბრენდი „კენკრა“ ჩაის მოყვარულებს სთავაზობს ორიგინალურ სასაჩუქრე ნაკრებებს. ბრენდის შექმნის იდეა ცნობილ რადიოწამყვანს ნია მოძმანაშვილს პანდემიის დროს გაუჩნდა. აღნიშნულ ნაკრებებში შეგხვდებათ განსაკუთრებული არომატის ჩაი, მაღალი ხარისხის, ფერადი და ლამაზი ჩაიდნები, ასევე ნატურალური თაფლი, კენკრის მიქსი, ორცხობილები და სხვ.
რა იყო ,,კენკრას’’ შექმნის მიზანი?
ნია: ბავშვობიდან დიდი სიყვარული მაქვს ჩაისადმი. ჩემს ოჯახს ჩაის სმის განსაკუთრებული რიტუალი ქონდა ყოველთვის და ამ პროცესისთვის განსაკუთრებულად ვემზადებოდით ხოლმე. სწორედ ეს არის ,,კენკრას’’ შექმნის მიზანიც, რომ ჩაის სმის რიტუალი ბევრ ოჯახში ერთგვარ ტრადიციად იქცეს.
რას სთავაზობს ,,კენკრა’’ საზოგადოებას?
,,კენკრა’’ საზოგადოებას სთავაზობს სასაჩუქრე ნაკრებებს, განსხვავებულს ფასის მიხედვით. მინდოდა კენკრა ყველასათვის ხელმისაწვდომი ყოფილიყო, ამიტომაც აღნიშნული ნაკრებები არის ბიუჯეტური.
მინდა ავღნიშნო, რომ ჩვენ ვუსმენთ მომხმარებელს და ვითვალისწინებთ მათ სურვილებს. ამჟამად გვაქვს 5 სხვადასხვა სახეობის სასაჩუქრე ნაკრები. ამ სეზონზე კი აქტუალურია საახალწლო სასაჩუქრე ნაკრები.
რა დევს სასაჩუქრე ნაკრებებში?
რაც შეეხება შიგთავსს, გარდა ჩაისა, ვეცადე აქცენტი გამეკეთებინა იმ ჩაიდანზეც, რომელშიც დაყენდებოდა ეს ჩაი. შესაბამისად, ნაკრებში შეგხვდებათ მაღალი ხარისხისს, ულამაზესი ჩაიდანი, არის 3-4 სახეობის უმაღლესი ხარისხის და განსაკუთრებული არომატების ჩაები, ასევე არის ნატურალური თაფლი, კენკრის მიქსი, ჩირები, ჩვენი სამზარეულოს ორცხობილები და სხვ.
ჩვენი პროდუქციის შეძენა ჯერჯერობით ონლაინ – facebook გვერდზე არის შესაძლებელი, რა თქმა უნდა გვაქვს მიტანის სერვისი მთელი საქართველოს მასშტაბით.
სამომავლო გეგმები…
მალე ორი წელი გახდება, რაც ბაზარზე ვართ, სამომავლოდ გვინდა გავხსნით ისეთი სივრცე, სადაც მომხმარებელს შესაძლებლობა ექნება მივიდეს, დაათვალიეროს და იყიდოს მისთვის სასურველი ჩაი და ჩაისთან დაკავშირებული სხვადასხვა პროდუქტი.
ვცდილობთ არჩევანი იყოს დიდი და დღესასწაულებიდან გამომდინარე ჩვენს მომხმარებლებს შევთავაზოთ თემატური სასაჩუქრე ნაკრები. აღსანიშნავია ისიც, რომ არაერთი ერთგული მომხმარებელი გვყავს, რომლებიც ამ პერიოდის განმავლობაში არიან ჩვენით დაინტერესებულები. ასევე კომპანიები, რომლებსაც ინდივიდუალურად ვთავაზობთ სასაჩუქრე ნაკრებს.
ძალიან გვიხარია, რომ დატვირთული წინასაახალწლო პერიოდი გვაქვს და უკვე გარდა ინდივიდუალური შეკვეთებისა, არაერთი კომპანიის საახალწლო საჩუქრებზე ვიწყებთ ზრუნვას.
