2020 წელს დაწყებული კორონავირუსის პანდემია ეკონომიკასა თუ საზოგადოების სოციალური ცხოვრების თითქმის ყველა სფეროს შეეხო. ყველა სახელმწიფოს მთავრობასა და უშუალოდ ხალხს ორი წლის მანძილზე თითქმის ყოველდღიურად უწევდა მიეღო გადაწყვეტილება ორ, ცეცხლს შორის – როგორ დაებალანსებინათ ჯანდაცვის საკითხები ისე რომ ეკონომიკისთვის მინიმალური ზიანი მიეყენებინათ.
პანდემიის მიერ მიყენებული ზიანი ეკონომიკურ ასპექტში რომ შევხედოთ – მსოფლიოს ეკონომიკური ვითარება არა თუ წინ ვერ წავიდა ამ პერიოდში, არამედ რამდენიმე წლით უკან დაიხია. გაკოტრდა ბიზნესები, დაიხურა მაღაზიები, სასტუმროები, რესტორნები და ავიახაზები.
თუმცა ბიზნესმა მოახერხა გადაწყობა და ამ პერიოდის განმავლობაში ეკონომიკის ლოკომოტივის როლი მოირგო სამედიცინო და ლაბორატორიულმა სექტორმა, და კიდევ უფრო აღსანიშნავად – ელექტრონულმა კომერციამ.
სოციალური დისტანცირების პირობებში მომხმარებლებმაც და მეწარმეებმაც უფრო ნათლად დაინახეს ონლაინ ვაჭრობის უპირატესობები. განსაკუთრებით მნიშვნელოვანი აღმოჩნდა ეს იმ მომხმარებლებისთვის ვინც პირველ ონლაინ ტრანზაქციას გარკვეულწილად ეჭვის თვალით უყურებდნენ. მრავალ მათგანს პირველმა წარმატებულმა შესყიდვამ დაანახა თუ რამდენ დროისა და ენერგიის დაზოგვაა შესაძლებელი.
თუმცა, ელექტრონული კომერციის ასეთი ტემპებით ზრდას უფრო მომზადებულები შეხვდნენ ამ ბაზრის ლიდერი კომპანიები. მაგალითად ამ ბაზრის ყველაზე მსხვილი
მოთამაშე – ონლაინ მაღაზია Isurve.ge ბაზრის ზრდის ტემპთან შედარებით სამჯერ უფრო მეტად გაიზარდა, რითაც კიდევ უფრო მსხვილი ბაზრის წილი დაიკავა.
ამ შედეგის მიღწევაში კომპანიას დაეხმარა მომხმარებლებისთვის შეთავაზებული ასორტიმენტის გაფართოება. ისურვე სწორედ პანდემიის განმავლობაში შევიდა ისეთ სეგმენტებში როგორიცაა აუდიო აქსესუარები, ჭურჭელი, ავეჯი, ჰობი და ტანსაცმელიც კი.
არანაკლები როლი ითამაშა ქართული ბაზრის სპეციფიურობამ. ქართველი მომხმარებელი გადაწყვეტილების მიღებისას დიდ მნიშვნელობას ანიჭებს მისი ახლობლებისა თუ გარემოცვის რეკომენდაციას კომპანიასთან მიმართებაში. ისურვესთვის კი, 300,000-ზე მეტი მომხმარებლით, ბევრად ადვილი აღმოჩნდა რეკომენდაციებში წამყვანი პოზიციის დაკავება. როგორც ჩანს, მოქნილი საგარანტიო სერვისი და უფასო მიწოდება საქართველოს ყველა სოფელსა თუ ქალაქში ელექტრონულ კომერციაში წარმატების წინაპირობაა.
