გიფიქრით, თუ რისი დანახვა გინდათ ყოველ დღე საკუთარ სახლში, ეზოში, აივანსა თუ სადარბაზოში. უბრალოდ ერთმა დეტალმაც კი შესაძლოა მთელი დღის განწყობა შეგიქმნათ. სწორედ აღნიშნული სივრცეების გამწვანების და გალამაზების საშუალებას გვაძლევს ,,მუზა ფლორა’’. თქვენ არ მოგიწევთ იმაზე ფიქრი, თუ სად რა მცენარე შეიძინოთ, სად რა ქოთანი იყიდოთ ან როგორ შეუთავსოთ ერთმანეთს სხვადასხვა ტიპის ყვავილი და როგორ მოუაროთ მათ. ,,მუზა ფლორა’’ მომხმარებელს უკვე გამზადებულ, გაყვავილებულ, ყველა წესის მიხედვით დარგულ პროდუქტს სთავაზობს, რომელსაც მხოლოდ სიყვარული და თანდართული წესების მიხედვით მოვლა სჭირდება. უკვე მზა კომპოზიციის ყიდვა შეგიძლიათ მუზა ფლორას ფეისბუკ და ინსტაგრამ გვერდიდან. დეტალური ინფორმაციისთვის OK! გაესაუბრა ,,მუზა ფლორას’’ შემქნელებს სოფო ამირანაშვილს და მაია ქადეიშვილს.
როგორია ,,მუზა ფლორას’’ შექმნის ისტორია
,,მუზა ფლორას’’ შექმნა პანდემიას უკავშირდება. როდესაც მთელი სამყარო სახლში დარჩა, ორი მეგობრის სიყვარული მცენარეების მიმართ ყოველ დღიურ რუტინად იქცა.
,,მოგვიანებით, როდესაც ნელ-ნელა ისევ ცხოვრების ჩვეულ რიტმს დავუბრუნდით, ჩვენ, ორმა ადამიანმა, რომელთაც დიდი სიყვარული გვაკავშირებდა ფლორისტიკისა და მცენარეების მიმართ, გადავწყვითეთ, ლამაზი საქმიანობა წამოგვეწყო და მცენარეებისადმი ეს ჩვენი სიყვარული სხვისთვისაც გაგვეზიარებინა. დავიხმარეთ პროფესიონალი ადამიანი, რომელმაც ზედმიწევნით გაგვაცნო მცენარეთა დარგვის, მოვლის და გაზრდის წესები და სწორედ ასე შევქმენით ჩვენი პირველი რამდენიმე კომპოზიცია, რომელიც გათვლილი იყო გარე სივრცეების – აივნებისთვის, ტერასების და სხვადასხვა ობიექტის გამწვანებისთვის. ‘’
მოგვიყევით მუზა ფლორაში წარმოდგენილს კომპოზიციების შესახებ
სეზონის ცვლილებასთან ერთად, „მუზა ფლორამ“ უკვე ინტერიერში გადმოინაცვლა და რამდენიმე ელეგანტური, დახვეწილი კომპოზიცია შეადგინა ორქიდეების, სუკულენტების და სხვა მშვენიერი მცენარეების გამოყენებით. ყველა კომპოზიცია მოთავსებულია მაღალი ხარისხის კერამიკულ ქოთანში და ძალიან ამშვენებს სახლებს, სასტუმროს მისაღებს, ესთეტიკური და სტომოტალოგიური ცენტრებს და ფიტნეს და სპა სალონებს. ჰოლივუდის გლამურით შთაგონებული რამდენიმე კომპოზიცია შევქმენით, რომელიც განსაკუთრებით უხდება სახლების მისაღებ ოთახებს და ინტერიერში მდიდრული და დახვეწილი შტრიხი შეაქვს.
„მუზა ფლორას“ კომპოზიციები მშვენიერი საჩუქარია ახალმოსახლეობაზე – ყვავილების ბუკეტებისგან განსხვავებით, ის არ ჭკნება – პირიქით, იზრდება და ლამაზდება. მცენარეები ასევე ხვავის, კეთილდღეობის და ბედნიერების სიმბოლოა – ასე რომ, ჩვენი მზა კომპოზიციები ყოველთვის საუკეთესო საჩუქარია.
სთავაზობთ თუ არა მომხმარებელს განსაკუთრებულ კომპოზიციას საახალწლოდ?
საახალწლოდ რამდენიმე თემატური ნაკრები შევქმენით ნატურალური წიწვების და სხვადასხვა სეზონური აქსესუარების გამოყენებით. ჩვენს საშობაო კოლექციაში შედის ღვინის თემაზე შექმნილი „ნაძვი“ და ასევე ყველაზე სკანდალური – წითელი წიწაკის „ნაძვის ხე“, რომელიც სხვადასხვა კულტურაში სიტკბოს, ბარაქის და ბედნიერების სიმბოლოა.
ჩვენი ბესტსელერი პროდუქტი ნატურალური ხისგან დამზადებული აბრაა, რომლებიც განკუთვნილია სადარბაზოებისთვის, აგარაკებისთვის და სხვადასხვა შესასვლელი კარის სივრცეებისთვის. ხის და მეტალის აბრები გალამაზებულია ნატურალური მცენარეებით, რომლებსაც მზიანი თუ ჩრდილიანი გარემოს გათვალისწინებით ვარჩევთ.
სამომავლო გეგემები ..
სამომავლო გეგმებს რაც შეეხება, ჩვენს კოლექციაში ისევ იქნება ინტერიერის გლამურული კომპოზიციები, რომლებიც ყოველთვის აქტუალურია და საცხოვრებელს თუ საჯარო სივრცეს ოთხივე სეზონზე ალამაზებს. პარალელურად, აღდგომის დღესასწაულზე რამდენიმე თემატურ ნაკრებს დავამზადებთ, ხოლო გაზაფხულიდან ისევ ექსტერიერზე – აივანზე, ტერასაზე და სხვადასხვა ღია სივრცეებზე ვიზრუნებთ. ჩვენი საფირმო აბრები კი მუდამ აქტუალურია – მათი მეშვეობით სტუმრებს განწყობა მთელი წლის განმავლობაში, კარიდანვე შეგიძლიათ შეუქმნათ.
