როგორც იცით, რიდლი სკოტის ბოლო დროის ყველაზე გახმაურებული ფილმის House of Gucci-ის პრემიერა, რომელშიც მთავარ როლებს ლედი გაგა, ალ პაჩინო, ჯარედ ლეტო, ადამ დრაივერი და ჯერემი აირონსი ასრულებენ, მილანის და ლონდონის შემდეგ ნიუ-იორკში შედგა.
ვარსკვლავების გლამურულმა გამოჩენამ სოციალური მედია მალე მოიცვა.
თუმცა, ყველაზე დიდი ყურადღება წითელ ხალიჩაზე ლედი გაგას და ალ პაჩინოს სახალისო მომენტმა მიიქცია.
მაშინ, როდესაც მსახიობებს ფოტოებს უღებდნენ, ერთ-ერთმა ფოტოგრაფმა ალ პაჩინოს სათვალეების მოხსნა მოსთხოვა, რაზეც გაკვირვებულმა ლედი გაგამ უპასუხა: “არ მოახსნევინოთ სათვალეები, ის ხომ ალ პაჩინოა”.
იხილეთ სრული ვიდეო:
შეგახსენებთ, რომ მაურიციო გუჩის მკვლელობის შესახებ გადაღებული კრიმინალური დრამის ნახვა საერთაშორისოდ მაყურებლებს 2021 წლის 24 ნოემბრიდან უკვე ოფიციაურად შეეძლებათ.
ფილმის პრემიერა საქართველოში ჟურნალ OK-სთან, რადიო ენერჯისთან და key Communications ერთად Cavea-ს კინოთეატრებში 2 დეკემბერს შედგება.
