ამერიკელი მომღერალი, არაერთი გრემის, ბილბორდისა და MTV-ის ჯილდოს მფლობელი, “პოპის პრინცესად” წოდებული ბრიტნი სპირსი სოციალურ მედიას, კერძოდ კი ინსტაგრამს გამოეთიშა.
ვარსკვლავმა 14 სექტემბერს, მოძრაობა “თავისუფლება ბრიტნის” მხარდამჭერებს მადლობა გადაუხადა და საკუთარი ანგარიში გააუქმა.
შეგახსენებთ, რომ 13 წლიანი დავის შემდეგ ბრიტნის მამა ჯეიმს სპირსი ქალიშვილის მეურვეობას ჩამოშორდა, რაზეც დიდი ზეგავლენა სწორედ ვარსკვლავის სოციალურმა ქსელმა და მოძრაობა Free Britney-მ იქონია.
როგორც მომღერალმა აღნიშნა ინსტაგრამის გაუქმების გადაწყვეტილება თავად მიიღო და ამ ნაბიჯის გადადგმა მას დიდი ხნის განმავლობაში სურდა.
როგორც იცით, ვარსკვლავი რამდენიმე კვირის წინ მეგობარ მამაკაცზე სემ ასგარზე დაინიშნა.
ბრიტნის სურს მაქსიმალური ყურადღება ამჯერად პირად ცხოვრებაზე გადაიტანოს, რაც მისი ანგარიშის გაუქმების კიდევ ერთი მიზეზია.
