უკვე 20 წელზე მეტია „აჭარაბეთი“ ონლაინგართობის ეპიცენტრია. რეგიონში ონლაინგართობის ყველაზე ინოვაციური პროდუქტები პირველად „აჭარაბეთმა“ შემოგვთავაზა და კომპანია დღემდე სიახლეებთან ასოცირდება. „აჭარაბეთი“ მუდმივად გამოირჩევა ინოვაციებით და მომხმარებლებს მუდმივად სთავაზობს სიახლეებს. „აჭარაბეთმა“ წლების განმავლობაში არაერთი ჯეკპოტი გასცა და თავის მომხმარებლებს სხვადასხვა წამახალისებელი აქციითაც საკმაოდ ხშირად ანებივრებს. დეტალური ინფორმაციისთვის OK! გაესაუბრა „აჭარაბეთის“ საზოგადოებასთან ურთიერთობის დეპარტამენტის ხელმძღვანელს, ნინი გუჯაბიძეს.
გვესაუბრეთ „აჭარაბეთის“ მიერ გაცემული ჯეკპოტების შესახებ.
სულ ახლახან რეკორდულად მაღალი − 10 მილიონ ლარზე მეტი EGT ყვავის ჯეკპოტი გათამაშდა. შესაბამისად, საქართველოს კიდევ ერთი მილიონერი შეემატა.
ყველაზე დიდი მოგება − 10 299 143 ლარის ოდენობით, Shining crown-ში გათამაშდა, სადაც მომხმარებელმა 20-თეთრიანი სპინით დაიწყო თამაში და საბოლოოდ, ლარიანი სპინით რეკორდული − 10 299 143 ყვავის ჯეკპოტი მოხსნა.
EGT ყვავის ჯეკპოტის ათვლა 4 მილიონიდან დაიწყო, ხოლო გულის ჯეკპოტი ნახევარ მილიონზე მეტია, რაც ნიშნავს, რომ „აჭარაბეთზე“ ყოველთვის ყველაზე მაღალი ყვავის და გულის ჯეკპოტებია.
მაგრამ ყველაზე მთავარი, რაც კომპანიამ ამ დროში დაამტკიცა, მისი სერვისის სანდოობა და პირადი ინფორმაციის დაცულობაა. ამ ნაწილში კომპანიამ უმნიშვნელოვანესი სამუშაოები ჩაატარა და დღეს „აჭარაბეთს“ ერთ-ერთი ყველაზე დაცული სერვერი აქვს მსოფლიოში.
„აჭარაბეთი“ სპორტის აქტიური მხარდამჭერია. გვესაუბრეთ ამასთან დაკავშირებით.
„აჭარაბეთი“ არის კომპანია, რომლისთვისაც სპორტი ძალიან მნიშვნელოვანი მიმართულებაა და მუდმივად ცდილობს წვლილი შეიტანოს მის განვითარებაში. „აჭარაბეთისთვის“ ერთ-ერთი მნიშვნელოვანი მიმართულება ქართველი სპორტსმენების მხარდაჭერაა. კომპანია მუდმივად ცდილობს, გაზარდოს ქართველი სპორტსმენების ცნობადობა, მისცეს მათ შესაძლებლობა, გამოავლინონ საკუთარი პოტენციალის მაქსიმუმი და იასპარეზონ მნიშვნელოვან შეჯიბრებებსა თუ ტურნირებში.
ქართული სპორტის დასახმარებლად, უკანასკნელი 2 წლის განმავლობაში 8 მილიონზე ლარზე მეტი მოცულობის ინვესტიცია განვახორციელეთ და ამ პერიოდში 10-ზე მეტ ფედერაციასთან და სპორტულ ორგანიზაციასთან ერთად, არაერთი წარმატებული პროექტი შედგა.
ამ დროისთვის კომპანიას 15-ზე მეტი საპატიო ელჩი ჰყავს სპორტის სხვადასხვა სახეობიდან და რაც მთავარია, ერთწლიანი ლოდინის შემდეგ, ტოკიოს ოლიმპიურ თამაშებზე „აჭარაბეთის“ 8 საპატიო ელჩმა მიიღო მონაწილეობა, საიდანაც 4 ვერცხლის პრიზიორი გახდა.
„აჭარაბეთმა“ ნახევარ მილიონლარიანი საპრიზო ფონდი გამოყო ოლიმპიელებისთვის და ვერცხლის პრიზიორებს 100 000 ლარი გადასცა, ხოლო 20 000 ლარი გადასცა იმ სპორტსმენებს, რომლებმაც მონაწილეობა მიიღეს ოლიმპიადაში. გარდა ამისა, გადავწყვიტეთ მადლობის ნიშნად დაგვეჯილდოებინა ნაკრების ექიმი ზურა კახაბრიშვილი, რომელსაც ძალიან დიდი წვლილი მიუძღვის ჩვენი სპორტსმენების წარმატებაში და მათი ყველაზე დიდი გულშემატკივარია.
რამ განაპირობა ბათუმის სტადიონის სახელის უფლებაზე გამოცხადებულ აუქციონში „აჭარაბეთის“ მონაწილეობა?
ბათუმის ახალი სტადიონის სახელის უფლებაზე გამოცხადებული აუქციონი „აჭარაბეთის“ გამარჯვებით დასრულდა. „აჭარაბეთი“, როგორც ინოვატორი კომპანია, მუდმივად გამოირჩევა სიახლეებით და ამჯერადაც ქართულ საფეხბურთო სივრცეში უპრეცედენტო სასპონსორო შეთანხმებას მოვაწერეთ ხელი, რომლის მიხედვით ბათუმის ახალ, თანამედროვე სტადიონს, სადაც უამრავ კარგ თამაშს ვიხილავთ და ბევრ დადებით ემოციას მივიღებთ, ახალი სახელწოდება მიენიჭა − „აჭარაბეთ არენა“.
„აჭარაბეთ არენაზე“ უკვე გავმართეთ euro 2020-ის დამაგვირგვინებელი ფინალური გათამაშება „მოგების დღე“, სადაც გავათამაშეთ 3 ბინა ბათუმში.
რას გულისხმობს კომპანიის csr-მიმართულება?
კორპორაციული სოციალური პასუხისმგებლობა ნიშნავს, საკუთარი ნებით აიღო გარკვეული ვალდებულებები და შეასრულო ისინი საზოგადოების წინაშე. სწორედ ამიტომ, „აჭარაბეთმა“ შექმნა კორპორაციული პასუხისმგებლობის პლატფორმა „ინიციატივა“, სადაც ერთ სივრცეშია გაერთიანებული ყველა ის პროექტი თუ წამოწყება, რომელიც კომპანიას დღემდე განუხორციელებია. „ინიციატივის“ მიზანია, თავისი წვლილი შეიტანოს საზოგადოებისთვის მნიშვნელოვან, აქტუალურ და განვითარებაზე ორიენტირებულ საკითხებში. კორპორაციული პასუხისმგებლობის პლატფორმა ორიენტირებულია პასუხისმგებლობიანი თამაშის, ინოვაციებისა და ტექნოლოგიების განვითარებაზე, ქართული სპორტისა და კრეატიული ადამიანების მხარდაჭერაზე.
ტექსტი: მარიამ მთივლიშვილი
