უცხოური გამოცემებისა და ტაბლოიდების ყურადღების ცენტრში ამჯერად 32 წლის ამერიკელი რეპერი, მომღერალი და სიმღერების ავტორი, ბევრისთვის სასცენო სახელით ცნობილი – ASAP Rocky და მისი მეგობარი გოგონა ბარბადოსელი მომღერალი, დიზაინერი და ბიზნესვუმენი, რობინ რიანა ფენტი არიან.
მრავალწლიანი მეგობრობის შემდეგ ვარსკვლავურმა წყვილმა სასიყვარულო ურთიერთობა 2020 წელს გააოფიციალურა.
როგორც ვარსკვლავურ წყვილთან დაახლოებული სანდო წყაროები იუწყებიან, რაკიმი და რიანა ურთიერთობის სერიოზულ ეტაპზე არიან და მალე შესაძლოა ოჯახის შექმნა გადაწყვიტონ.
“მათ შორის ძალიან ძლიერი კავშირია, რაკიმს და რიანას არამხოლოდ სიყვარული, არამედ მრავალწლიანი მეგობრობა აკავშირებთ. ბევრი რამ აქვთ ცხოვრებაში ერთობლივად გამოვლილი და შესაბამისად ერთმანეთსაც შესანიშნავად უგებენ. არ არის გამორიცხული, რომ მათი ურთიერთობა მალე სერიოზულ ეტაპზე გადავიდეს.” – განაცხადა წყარომ US Weekly-ისთან საუბრისას.
