ზაფხულის მოსვლასთან ერთად, ვიწყებთ ნანატრი შვებულებისა თუ არდადეგების დაგეგმვას. უამრავი დეტალია, რომლის გათვალისწინებაც გვიწევს იმისათვის, რომ სრულფასოვნად დავისვენოთ. მთავარია სწორად განსაზღვროთ მიმართულება და ამის მიხედვით შეარჩიოთ ნივთები, რომლებიც თქვენთან ერთად იმოგზაურებენ.
- ჩემოდანი – მთავარი ნაწილი, რითაც მზადებას ვიწყებთ არის ჩემოდანი, რომელიც უნდა იყოს ტევადი, მსუბუქი და ამავდროულად, მოსახერხებელი, რათა გადაადგილებაში არ შეგვიშალოს ხელი. თუ დიდი ხნით არ აპირებთ ქალაქიდან გასვლას, თქვენს ადგილას, არჩევანს ზურგჩანთაზე შევაჩერებდი. ხოლო თუ დიდხნიან შვებულებას გეგმავთ, თან აუცილებლად დიდი ჩემოდანი უნდა იქონიოთ.
- კომფორტული ტანსაცმელი – შეუძლებელია ვისიამოვნოთ თითოეული წუთით მაშინ, როდესაც რაიმე გვიქმნის დისკომფორტს. წინასწარ შეარჩიეთ სამოსი, რომელშიც იცით, რომ თავს კომფორტულად გრძნობთ.
- ყურსასმენები – ეს ის ერთ-ერთი მთავარი ატრიბუტია, რომელიც დასვენებისას მნიშვნელოვან როლს ასრულებს. აღსანიშნავია, რომ მოგზაურობისას ბევრი სიარული გვიწევს და მუსიკა უფრო სახალისოს ხდის ამ პროცესს.
- ფოტოაპარატი – ყველაზე მნიშვნელოვანი ნივთი, რომლის გარეშე მოგზაურობის დაგეგმვა წარმოუდგენელია. სწორედ ის აღბეჭდავს ჩვენთვის მნიშვნელოვან კადრებს და კიდევ უფრო დაუვიწყარს ხდის მას.
- ტელეფონის უსადენო დამტენი – რა თქმა უნდა! ტელეფონის უსადენო დამტენი ის ნივთია, რომელიც ბევრადკომფორტულსა და სასიამოვნოს გახდის ჩვენს მოგზაურობას, მით უფრო დღევანდელ რეალობაში, როდესაც სმარტფონები ჩვენს ყოველდღიურობაში მნიშვნელოვან როლს ასრულებს.
