ირინა შეიხისლამოვა, ბევრისთვის ცნობილი როგორც ირინა შეიკი, მსოფლიოში ერთ-ერთი ყველაზე მაღალანაზღაურებადი მოდელია, რომელიც ფართო საზოგადოებამ 2007 წელს როგორც Intimissimi-ის ახალი სახე ისე გაიცნო. წარმატებული კამპანიებისა და პროექტების შემდეგ ირინამ მოდის ინდუსტრიაში მნიშნელოვანი ადგილი დაიკავა, 2010 წელს კი გახდა პირველი რუსი მოდელი, რომელმაც Sports Illustrated-ის გარეკანი დაამშვენა. მიუხედავად იმისა, რომ ირინა ადრეულ ასაკშიც გამოირჩეოდა განსხვავებული გარეგნობით, მისი წარმატების გზა ნამდვილად არ ყოფილა მარტივი. ირინას დედა პიანისტი იყო და საბავშვო ბაღში მუშაობდა, მამა კი მეშახტე, რომელიც პნევმონიით გარდაიცვალა. დედასთან და დასთან ერთად მარტო დარჩენილმა 14 წლის ირინამ გადაწყვიტა ოჯახი თავად ერჩინა და არასდროს დაქორწინებულიყო.
View this post on Instagram
ირინა შეიკი წარმატებული კარიერული საქმიანობის პარალელურად მარტოხელა დედაა. მას ოთხწლიანი ურთიერთობა აკავშირებს ყოფილ მეგობარ მამაკაცთან ბრედლი კუპერთან. რუს მოდელსა და ამერიკელ მსახიობს საერთო ქალიშვილი ჰყავთ, რომლის აღზრდაში დაშორების შემდგომ თანაბრად იღებენ მონაწილეობას.
View this post on Instagram
ირინამ რამდენიმე დღის წინ The Sunday Times-თან ინტერვიუში განაცხადა, რომ ამჯერად ცხოვრებისეული პრიორიტეტი საკუთარი ქალიშვილია და სრული ბედნიერებისთვის მას მამაკაცი საერთოდ არ სჭირდება.
“არასდროს მიფიქრია, რომ მამაკაცი მჭირდებოდა იმისთვის, რომ სრულყოფილი ქალი ვყოფილიყავი. 14 წლიდან მამის გარეშე ვცხოვრობდი და ვიცი, როგორია იზრდებოდე მხოლოდ ქალების გარემოცვაში. მჯერა ქორწინების ტრადიციის, მაგრამ ეს ყველაფერი დამოკიდებულია სწორ დროსა და სწორად შერჩეულ პიროვნებაზე. თუ ცხოვრების თანამგზავრს ვიპოვი, მასზე უარს არ ვიტყვი, თუმცა დანამდვილებით შემიძლია ვთქვა, რომ ამჯერად ურთიერთობისთვის მამაკაცს ნამდვილად არ ვეძებ.”
View this post on Instagram
სამოსი: @burberry @riccardotisci17
ფოტოგრაფები: @chriscolls @TheSTStyle
