ქართველ, ფეხბურთელს ხვიჩა კვარაცხელიას ნეაპოლის გუნდში „ნაპოლი“-ში შესანიშნავი სეზონი ჰქონდა, მან შეძლო და ნეაპოლელებს 33 წლის შემდეგ სერია ა მოაგებინა, ამასთან ერთად გახდა საუკეთესო მოთამაშე და საუკეთესო „ასისტენტი“.
ხვიჩა კვარაცხელია ოქროს ბურთის პრეტენდენტთა ათეულში მოხვდა, ამის შესახებ გამოცემა Pianetazzurro-მ საინტერესო წერილი გამოაქვეყნა:
„ქართველი ტალანტი „ნაპოლიდან“, რომელიც მხოლოდ 21 წლისაა, იტალიის ჩემპიონატის ნამდვილი სიურპრიზი გახდა. ხვიჩა კვარაცხელია, რომელიც ნეაპოლელებმა შარშან შენიშნეს და მხოლოდ ათ მილიონ ევროდ იყიდეს, ახალდამთავრებული სეზონის საუკეთესო ფეხბურთელად აღიარეს.
მან ახლა ნახევარი მსოფლიოს ყურადღება მიიპყრო. საქმე იქამდეც კი მივიდა, რომ France Football-მა „ოქროს ბურთის“ ნომინანტთა ათეულში შეიყვანა. ნეაპოლელთა ფეხბურთელი გადაიქცა „ნაპოლის“ გულშემატკივრებისა და ფეხბურთის ყველა მოყვარულის კერპად და გახდა ორიენტირი მრავალი ახალგაზრდა ადამიანისათვის, ვისაც სპორტის ეს სახეობა უყვარს.
ცხადია, პრესტიჟული ჯილდოს მიღების შანსები ძალიან მცირეა, რადგან ამისთვის იბრძვიან მესი, ჰალანდი, ვინისიუსი და მბაპე. თუმცა, France Football-ის საუკეთესო ათეულში მოხვედრაც უკვე დიდი წარმატებაა როგორც მისთვის, ასევე „ნაპოლისთვის“ და მისი გულშემატკივრებისთვის“
შეგახსენებთ, რომ „ოქროს ბურთი“ ჯილდოა, რომელიც დააწესა ფრანგულმა საფეხბურთო ჟურნალმა, France Football-მა და ყოველწლიურად გადაეცემა ევროპის საუკეთესო ფეხბურთელს. ხშირად ამ დაჯილდოებას ევროპის წლის საუკეთესო ფეხბურთელის დაჯილდოებასაც უწოდებენ.
ასევე იხილეთ:
#OK! სტეფანეს რეპერტუარიდან ცნობილი საახალწლო სიმღერა ხვიჩა კვარაცხელიას შესრულებით
