„ველედა“ ერთ-ერთი ყველაზე სანდო ბიო-ნატურალური ბრენდია. კომპანია 1921 წელს დაარსდა და მას შემდეგ უწყვეტად ინარჩუნებს მომხმარებლის ნდობას. ამის მიზეზი კი უპირველესად, ნედლეულისა და პროდუქტის მაღალი ხარისხია. ,,ველედა” ნედლეულს „დემეტრას“ მიერ სერტიფიცირებულ ბიოდინამიურ მეურნეობებში მოიპოვებს, სადაც დაცულია მრავალფეროვნება და არ არის გამოყენებული ქიმიური ნივთიერებები. ხელით დაკრეფილი სამკურნალო მცენარეები ,,ველედას” მიერ შემუშავებული ფრთხილი მეთოდებით მუშავდება.
აღსანიშნავია, რომ ,,ველედას’’ თავის მოვლის საშუალებები სერტიფიცირებულია ბიო და ნატურალური კოსმეტიკის მწარმოებელთა ევროპული გაერთიანების ხარისხის ნიშნით -„NATRUE”, რაც გულისხმობს, რომ აღნიშნული პროდუქცია არ შეიცავს სინთეზურ არომატიზატორებს, საღებავებსა და კონსერვანტებს, სილიკონის ზეთებს, პარაბენებს, პარაფინს, ნავთობქიმიკატებიდან მიღებულ ინგრედიენტებს, მინერალურ ზეთებს და გენეტიკურად მოდიფიცირებულ ორგანიზმებს და სინთეზურ ცხიმებს. ასევე, ის არ იტესტება ცხოველებზე.
ამას გარდა, ,,ველედას” თავის მოვლის საშუალებები არა მხოლოდ კანის გარეგნულ ეფექტზე ან სიგლუვეზე ზრუნავს, არამედ მისი მიზანია კანის ჯანმრთელობის და ბუნებრივი სილამაზის შენარჩუნება, თვითრეგულირების უნარის გაძლიერება და წონასწორობის აღდგენა.
ბრენდისთვის მიშვნელოვანია ბუნებაზე ზრუნვა და ჯანმრთელი გარემოსთვის მუდმივი ბრძოლა, ეს კიდევ ერთი მიზეზია, თუ რატომ ინარჩუნებს ,,ველედა” 100 წლის მანძილზე სანდო და ხარისხიანი ბიო-ნატურალური კოსმეტიკის პირველ ადგილს.
,,ველედას” გამორჩეულ პროდუქტებზე ეკობრენდსის მარკეტინგის ხელმძღვანელი – ლელა ბაკურაძე გვესაუბრა.
ველედას სქინფუდი კლასიკი 1926 წლიდან
,,ველედას” პროდუქტების დიდი ნაწილი თითქმის 100 წლისაა და დღემდე არ დაუკარგავთ აქტუალობა, მათ შორის არის მამაკაცის სახის კანის მოსავლელი სერია, თმის გამაჯანსაღებელი „როზმარინის ტონიკი“, რათანიას“ პირის ღრუს სავლები, ზღვის მარილის კბილის პასტა, „ქოლდკრემი“ და ტუჩის ბალზამი „ევერონი“. 1926 წელს შექმნილ ლეგენდარულ „სქინფუდს“, „პატარა შავი კაბის“ მსგავსად, „პატარა მწვანე ტუბს“ უწოდებენ და ასე ამბობენ: „სქინ ფუდი – კრემი, რომლის გარეშე ცხოვრება გაჭირდებოდა“.
,,სქინ ფუდი კლასიკის” მიხედვით მოგვიანებით მთელი სერია შეიქმნა – ,,სქინ ფუდი ლაითი”, ტანის ლოსიონი, ტანის კარაქი და ტუჩის ბალზამი. ასე რომ შეგიძლიათ ტექსტურისა და საჭიროების მიხედვით შეარჩიოთ პროდუქტები
სახისა და ტანის მოსავლელი ,,სქინფუდი კლასიკი” ყველა ასაკში განსაკუთრებული სიმშრალის დროს გამოიყენება. მცენარეული ზეთებისა და ცვილების მდიდარი შემადგენლობა – ფუტკრის ცვილი, მატყლის ცვილი, შიის კარაქი, მზესუმზირას თესლის ზეთი – უხეშ, აქერცლილ და მშრალ კანს კვებავს, არბილებს და ხსნის მოჭიმულობის შეგრძნებას. როზმარინის ექსტრაქტი აცოცხლებს და ტონუსს აძლევს სიმშრალისგან გაუფერულებულ კანს. ანტისეპტიკური, ანთების საწინააღმდეგო გვირილას და კალენდულას ექსტრაქტები ადვილად გაღიზიანებად მშრალ კანს ამშვიდებს, წმენდს და რეგენერაციას უწყობს ხელს. ბიოლოგიური იაჟუჟნას /სამფერა ია/ტრადიციული სამკურნალო საშუალებაა დაზიანებული, დამსკდარი კანის მოსავლელად. სქინ ფუდი ქავილის შეგრძნებას ამცირებს, აგრილებს და ატენიანებს კანს.
სქინფუდი უნივერსალური კრემია მთელი ოჯახისთვის. ტენდენციური სიმშრალის გარდა მისი გამოყენება შეგიძლიათ მზისგან დამწვარი და გაუხეშებული კანის აღსადგენად, ზამთრის სუსხიან დღეებში გამომშრალი კანის მოსავლელად, პროფესიული მაკიაჟის ხშირი გამოყენების შედეგად დაზიანებული კანის მოსავლელად ან მაკიაჟის ბაზად, აკნეს მკურნალობის შემდეგ გამომშრალი, ლაქებიანი და დაზიანებული კანის სამკურნალოდ, სხვადასხვა სამკურნალო პროცედურებისა თუ მედიკამენტებისგან გამოფიტული კანის აღსადგენად.
ბროწეული&მაკას პეპტიდები განახლებული სერია
,,ველედას” კანის მოვლის პროდუქტების სხვადასხვა სერია აქვს შემუშავებული – კანის ტიპის, სიტუაციის და ასაკის შესაბაბისად. მნიშვნელოვანია მომხმარებელბა ზუსტად იცოდეს, რა შემადგენლობისაა პროდუქტი და რა პრობლემების გადაჭრა შეუძლია მას. ბროწეულის განახლებული სერია 35-55 ასაკისთვისაა განკუთვნილი და ამ ასაკისთვის დამახასიათებელ კანის მოთხოვნებს აკმაყოფილებს.
მოგეხსენებათ, რომ ბროწეული სიცოცხლისა და სილამაზის სიმბოლოდ ითვლება. 500 კილოგრამი ნაყოფის გამშრალი თესლიდან ერთ კილოგრამ უნატიფეს ზეთს იღებენ. ძლიერი ანტიოქსიდატიური თვისებები აქვს, შეიცავს კონუგირებული ლინოლენის მჟავას, E ვიტამინს, ფიტოჰორმონებს, ფიტოსტეროლსა და ფლავონიდებს. ასევე ცხიმოვანი მჟავების უნიკალურ სპექტრს, მათ შორის პუნიცინის მჟავა გამოირჩევა, რომელიც ასეთი მაღალი კონცენტრაციით არც ერთ სხვა ნაყოფში არ გვხვდება. პუნიცინის მჟავა ახალი უჯრედების წარმოქმნას და კანის ქსოვილის სწრაფ აღდგენას უწყობს ხელს.
განახლებულ სერიას პერუს ანდებში მოპოვებული მაკას ფესვიდან მიღებული პეპტიდები დაემატა. პეპტიდები ანუ ამინომჟავების მოკლე ჯაჭვი, კანის უჯრედების სამშენებლო მასალაა და ფიზიოლოგიური პროცესების რეგულირებაში მონაწილეობს. მისი საშუალებით კანში ბუნებრივად ხდება კოლაგენის, ელასტინის და ჰიალურონის მჟავას გამომუშავება. ეს ნივთიერებები კანის სიმკვრივეს ზრდის, არბილებს და სიღრმეს უკარგავს ნაოჭებს, ანტიოქსიდანტური სტრესისგან იცავს და გადაჭიმავს კანს.
ბროწეულის&მაკას პეპტიდების პროდუქტები ნაადრევი დაბერებისგან იცავს კანს. ძლიერი ანტიოქსიდაციური თვისებებით აფერხებს ასაკობრივი ლაქების წარმოქმნის პროცესს. იცავს კანს ლურჯი სინათლის უარყოფითი ზემოქმედებისგან, როგორიცაა მზე, კომპუტერის ეკრანი, სმარტფონი/, ასევე, ამკვრივებს და დაზიანების გარეშე ჭიმავს კანს. არბილებს არსებულ ნაოჭებს და ხელს უშლის ღრმა ნაოჭების წარმოქმნას. 120% -ით ზრდის კანის უჯრედულ ენერგიას და მის სწრაფ რეგენერაციას უწყობს ხელს. აუმჯობესებს კანის ფერს და აძლიერებს მის ბუნებრივ სხივს.
ველედას შოურუმი
,,ველედას” პროდუქციის შეძენა მომხმარებელს სააფთიაქო ქსელებში შეუძლიათ, სულ ახლახანს კი ველედას შოურუმი გაიხსნა. სასიამოვნო და მყუდრო გარემო, სადაც პროდუქციის სრული ასორტიმენტი დაგხდებათ და რაც მთავარია, პროდუქციის ღმა და საფუძვლიანი ცოდნის მქონე კონსულტანტები. მათთვის კი, ვისთვისაც პროდუქტის ონლაინ შეძენა უფრო მოსახერხებელია, შოურუმს ონლაინ მაღაზია აქვს. ამასთანავე, ფბ თუ ინსტაგრამზე დასმულ კითხვებზე კი სწრაფ და საფუძლიან პასუხს მიიღებთ.
