„მარტო სახლში“ − ეს არის კომპანია, რომელიც იყენებს წამყვან ტექნოლოგიებს, რათა შექმნას მარტივი, ჭკვიანი და იდეალური პროდუქტები, რომელიც აუმჯობესებს ჩვენს ყოველდღიურობას. ზუსტად ეს არის ჭკვიანი სახლისა და სისტემების მიზანი თანამედროვე საზოგადოებაში. კომპანია ცდილობს უკეთესი საცხოვრებელი პირობები შეუქმნას მომავალ თაობებს. ამ და სხვა საინტერესო საკითხებთან დაკავშირებით, ჟურნალი OK! კომპანიის დამფუძნებლებს − ზურაბ მესხიძეს და ჯოვანი ღოღობერიძეს ესაუბრა.
რამდენი ხანია, რაც კომპანია ბაზარზე ოპერირებს?
კომპანია „მარტო სახლში“ 2019 წელს, ბათუმში დაარსდა და დღესდღეობით 50-ზე მეტ წამყვან სამშენებლო კომპანიასთან თანამშრომლობს მთელი საქართველოს მასშტაბით.
როგორ გაჩნდა კომპანია Ltd Home Alone-ის დაარსების იდეა?
მსოფლიოს გარშემო უამრავი ადამიანია, ვისთვისაც შობა-ახალი წლის ტრადიციის უცვლელ ნაწილად ლეგენდარული ფილმის „მარტო სახლში“ ნახვა იქცა. პატარა კევინის მოხერხებულობით მოხიბლულ ადამიანებს არასდროს ბეზრდებათ გამჭრიახობით ჩაფიქრებული მრავალფეროვანი ოინების გულშემატკივრობა. მთავარი გმირი ყველაფერს აკეთებს იმისთვის, რათა საკუთარი სახლი მძარცველებისგან დაიცვას. სწორედ ამ იდეით, საქართველოში კომპანია დაფუძნდა, რომელიც უსაფრთხოების სისტემებით სახლის დისტანციური კონტროლის მექანიზმს ჩაგვაბარებს და თავს სრულად დაცულად გვაგრძნობინებს. სწორედ სახელწოდებით „მარტო სახლში“ ზურაბ მესხიძემ და ჯოვანი ღოღობერიძემ ქვეყანაში ინოვაციური მიგნებები ყველაზე უსაფრთხო და კომფორტული ცხოვრებისთვის დანერგეს.
ჩვენ ინოვაციურ, ულტრათანამედროვე ტექნოლოგიებსა და სახლის ე.წ. ჭკვიან მართვაზე დაფუძნებულ სისტემებს ვაწარმოებთ.
ტექნოლოგიების საშუალებით შესაძლებელია სწრაფად, მარტივად და ხარისხიანად შექმნათ იდეალური პირობები თქვენი სახლისთვის და შეცვალოთ ყოველდღიური ცხოვრება უკეთესობისკენ − შეძლოთ სახლის კონტროლი დედამიწის ნებისმიერი წერტილიდან და შეამციროთ ყოველდღიური ზედმეტი დანახარჯები.
რას სთავაზობთ მომხმარებლებს?
მომხმარებლებს ვთავაზობთ ულტრათანამედროვე და დახვეწილი დიზაინის მქონე ჭკვიანი სახლის სისტემებს, რაც დღესდღეობით ძალიან აქტუალური საკითხია მსოფლიო მასშტაბით.
ჩვენი ჭკვიანი სისტემების საშუალებით, მომხმარებელს საშუალება ეძლევა მართოს საკუთარი სახლი მსოფლიოს ნებისმიერი წერტილიდან ღილაკზე ერთი დაჭერით, ან წინასწარ გაწერილი სცენარების საშუალებით მოახდინოს სრულყოფილი გარემოს შექმნა, მოახდინოს ჭკვიანი სახლის ავტომატიზება, დანახარჯების შემცირება, და შექმნას კომფორტული, უსაფრთხო, ულტრათანამედროვე და სრულყოფილი გარემო.
რა არის კომპანიის მთავარი მიზანი?
კომპანიის მთავარი მიზანია საქართველოს ტექნოლოგიური განვითარების სფეროში წვლილის შეტანა.
ტექნოლოგიების საშუალებით შესაძლებელია, სწრაფად, მარტივად და ხარისხიანად შექმნათ იდეალური პირობები თქვენი სახლისთვის და შეცვალოთ ყოველდღიური ცხოვრება უკეთესობისკენ − შეძლოთ სახლის კონტროლი დედამიწის ნებისმიერი წერტილიდან.
ჩვენი მთავარი მიზანია, ჭკვიანი სახლი იყოს ყველგან და ყოველთვის.
რა უპირატესობებით სარგებლობს Ltd Home Alone?
კომპანია სარგებლობს არაერთი უპირატესობით, მათ შორის: მაღალკვალიფიციური გუნდით, ინოვაციური და ულტრათანამედროვე ტექნოლოგიებით, პროდუქტის ხარისხითა და მრავალფეროვნებით, ნდობით, პასუხისმგებლობითა და სერვისის მაღალი დონით.
როგორ ხდება თქვენ მიერ შემოთავაზებული პროდუქტის მართვა და გამოყენება?
ულტრათანამედროვე ჭკვიანი სისტემების მართვა და გამოყენება შესაძლებელია ტელეფონის აპლიკაციის საშუალებით მსოფლიოს ნებისმიერი წერტილიდან, რაც აბსოლუტურად ყველა ტიპის საცხოვრებელს სრულყოფილებასა და უსაფრთხოების მაღალ დონეს შესძენს.
სამომავლო გეგმები.
კომპანიის მიზნებია ჭკვიანი სისტემების მუდმივი განვითარება და გაუმჯობესება. კომპანია აქცენტს ამახვილებს IOT-სისტემების დანერგვაზე, რომელიც მოიცავს: სახლის ავტომატიზაციას, ენერგოეფექტურობას, ვენტილაციას და გათბობას; ფარდებისა და მზის სინათლის მართვას, ჭკვიანი აუდიო და ჩამკეტების სისტემებს.
ჩვენი მოწყობილობები დაფუძნებულია ZIGBEE-ტექნოლოგიაზე. ესაა უსადენო ქსელზე აგებული ინოვაციური მოწყობილობა, რომელიც იყენებს ქსელის სრულ შესაძლებლობებს. სხვა ტექნოლოგიებთან შედარებით, ZEGBEE არის ყველაზე სწრაფი, უსაფრთხო და სანდო.
სამომავლოდ ვგეგმავთ, შევქმნათ ჭკვიანი სახლის სისტემების მთლიანი ინდუსტრია, რათა მომხმარებლისთვის იდეალური სისტემა ჩამოყალიბდეს, გაჩნდეს მრავალფეროვნება და საქართველო ისეთ ქვეყნებთან გათანაბრდეს, როგორიცაა აშშ, ბრიტანეთი და გერმანია.
უახლესი ტექნოლოგიების განვითარებისა და დანერგვის მხრივ, ჩვენი მიზანია თავად შევქმნათ რაღაც ახალი, ვთქვათ საკუთარი სიტყვა თანამედროვე, 21-ე საუკუნის ტექნოლოგიის განვითარებაში და ამიტომაც ჩვენს ლაბორატორიაში სპეციალისტები მუხლჩაუხრელად მუშაობენ, რათა სამომავლოდ, მომხმარებლებს უფრო მეტი სიურპრიზი შევთავაზოთ.
