ყველა მივეჩვიეთ, რომ წითელ ხალიჩაზე ვარსკვლავები იდეალურად გამოიყურებიან, თუმცა, ზოგი მათგანი ნიჭისა და შესანიშნავი გარეგნობის გარდა, უცნაური ჩვევებითაც გამოირჩევა. ცნობილი ადამიანებისთვის ეს მხოლოდ უცნაური ჩვევები კი არა, იმიჯის ნაწილი გახდა. ხეებზე ცოცვა თუ მწერების ჭამა? რატომაც არა?
მერია კერი
ერთხელ მერია კერიმ ჟურნალისტებთან აღიარა, რომ ღამით15 საათის განმავლობაში სძინავს, თუმცა მედია არა ძილის ხანგრძლივობამ, არამედ საძინებელში შექმნილმა ატმოსფერომ გააკვირვა. როგორც ირკვევა, ღამით ვარსკვლავის საწოლის გარშემო 20 ჰაერის დამატენიანებელი დგას და მთელი ძალით მუშაობს. ძნელი წარმოსადგენია, როგორ ახერხებს მომღერალი ასეთი ტენიანობის პირობებში დაძინებას ოთახში, სადაც ტემპერატურა სტაბილურად 24 გრადუსია, მაგრამ მერაია დარწმუნებულია, რომ ასეთი მიკროკლიმატი უნიკალური ხმის შენარჩუნებაში ეხმარება. ღამით რომ არ დასველდეს, მომღერალმა ყველა წვრილმანი გაითვალისწინა – თეთრეული ხაოიანი ქსოვილისგანაა, რომელიც ტენიანობას შთანთქავს, ჭერი კი დახრილია, რომ კონდენსატმა გადინება შეძლოს. სხვათა შორის, ოთახში ტელევიზორიც დგას, მაგრამ მინის საფარი იცავს.
მადონა
მერაია კერისგან განსხვავებით, მადონას დღე-ღამეში ექვს საათზე მეტი არ სძინავს, თუმცა უცნაურობები მასაც ახასიათებს. ტურნეების დროს ის სხვა ქვეყნებში საკუთარი ავეჯით, თეთრეულით და ტექნიკით მიდის. თქვენ წარმოიდგინეთ, რომ ჩაიდანი და სარეცხი მანქანაც კი თან მიაქვს. მომღერალი საგრიმიოროსა და სასტუმროს ნომერში ახალ უნიტაზს ითხოვს, რომელიც შეთანხმების თანახმად, მადონას წასვლისთანავე უნდა განადგურდეს. რაც შეეხება უნიტაზის თავსახურს, ხელშეკრულების თანახმად, ის ყოველ დღე უნდა შეიცვალოს.
რა არის ამ უცნაური მოთხოვნების მიზეზი? მადონა შიშობს, რომ მის უნიტაზს აუქციონზე გაყიდიან, რაც მის იმიჯს დააზიანებს. ასევე, ის ვარაუდობს, რომ რომ უნიტაზიდან შეიძლება მისი დნმ მოიპარონ და ექსპერიმენტებისთვის, მაგალითად, კლონირებისთვის გამოიყენონ, ამიტომ, მისთვის მნიშვნელოვანია, რომ ბიოლოგიური კვალი არ დატოვოს.
მომღერალს სპეციალურად შერჩეული ადამიანები ჰყავს, რომლებიც უზრუნველყოფენ, რომ სასტუმროსა და საგრიმიოროში ნამდვილად ახალი უნიტაზი იყოს და შემდეგ განადგურდეს. მადონას წასვლის შემდეგ, ისინი საგრიმიოროს და სასტუმროს ნომერს ასტერილებენ, რათა მომღერლის დნმ-ის კვალი არსად დარჩეს.
ბიონსე
ტურნეების დროს უნიტაზის თავსახურის შეცვლას ბიონსეც მოითხოვს, მაგრამ მისთვის ეს სრულიად საკმარისია და უნიტაზის შეცვლა არ სურს. უცნაური ისაა, რომ ბიონსე ტუალეტში არ შევა, თუ იქ წითელი ტუალეტის ქაღალდი არ დახვდა.
მომღერლის კიდევ ერთი უჩვეულო მოთხოვნა ტიტანისგან დამზადებული საწრუპი ჩხირებია. ამასთან, თუ ბიონსეს ცივი სასმელი სურს, ის ყინულის ბურთულებით უნდა იყოს გაცივებული და არა კუბებით.
ზემოთ ჩამოთვლილ მოთხოვნებში ბიონსე და მისი გუნდი უცნაურს ვერაფერს ხედავენ: „ის ძალიან ბევრს შრომობს და ტურნე მის ჯანმრთელობაზე უარყოფითად აისახება, ამიტომ მისი მოთხოვნები არც ისე გადაჭარბებულია“ – განაცხადა ბიონსეს წარმომადგენელმა.
კეტი პერი
ის კბილებს დღეში ექვსჯერ, 20 კბილის ჯაგრისით იხეხავს. კეიტი პერის სტომატოლოგების ბავშვობიდან ეშინია – ერთხელ მას 13 კბილის ერთბაშად მკურნალობა მოუწია. მომღერალს ეს გამოცდილება ძალიან მწარედ ახსოვს, ამიტომ კარიესის ასაცილებლად მოზარდობიდან დღემდე, კბილებს დღეში ექვსჯერ 20 კბილის ჯაგრისით იხეხავს.ჯაგრისები სხვადასხვაა: ჩვეულებრივი, ელექტრო, მაგარი, რბილი და ა.შ. სტომატოლოგები კეიტი პერის ჩვევას უარყოფითად აფასებენ და აფრთხილებენ, რომ ძალიან ხშირმა ხეხვამ შეიძლება კბილის მინანქარი დააზიანოს.
სხვათა შორის, სხვა ცნობილი ადამიანებისგან განსხვავებით, კეტი პერის ვინირები არ აქვს. ის აღიარებს, რომ მისი ქვედა კბილები მოხრილია, მაგრამ ბრეკეტების გაკეთებას არ გეგმავს. „ეს კბილები ჩემი სილამაზის წყევლაა“, ამბობს ის.
ჯონი დეპი
უცნაურობები ჯონი დეპსაც აქვს. მსახიობს მამაკაცის კვალობაზე საკმაოდ უჩვეულო გატაცება აქვს – ის ბარბის თოჯინებს აგროვებს. ასეთი გატაცება მას შემდეგ გაუჩნდა, რაც მისი ქალიშვილი, ლილი-როუზი დაიბადა – გოგონას ბარბი უყვარდა და მსახიობი ყველა თოჯინას ყიდულობდა, რომელიც მას სურდა.
ლილი-როუზი გაიზარდა, მაგრამ ჯონი დეპს ბარბების ყიდვის ჩვევა დარჩა. ახლა მას უზარმაზარი კოლექცია აქვს, მათ შორის იშვიათი თოჯინებიცაა, რომლებიც მას და სხვა ცნობილ ადამიანებს – პერის ჰილტონს, მერილინ მონროს, ელვის პრესლის, ბიონსეს და სხვებს განასახერებენ.
მსახიობი არ ამხელს, კოლექციაში რამდენი თოჯინა აქვს, მაგრამ ცნობილია, რომ თავისი ბარბებისთვის ის პერიოდულად ახალ სამოსს ყიდულობს.
ტომ კრუზი
ჰოლივუდის ბევრი ვარსკვლავი ახალგაზრდობის შესანარჩუნებლად არატრადიციულ კოსმეტიკურ პროცედურებს მიმართავს და ტომ კრუზი გამონაკლისი არ არის. როგორც ამბობენ, გამაახალგაზრდავებელი პროცედურის ფარგლებში, მსახიობი სახეზე ბულბულის ექსკრემენტებს ისვამს.
ანჯელინა ჯოლი
ჰოლივუდის მსახიობს პერიოდულად, მწერების დაგემოვნება უყვარს და ამას შვილებიც მიაჩვია. ანჯელინას თქმით, მწერები პროტეინებს და სასარგებლო ნივთიერებებს შეიცავენ და მათი დაგემოვნება ჯანმრთელობისთვის სასარგებლოა. ჯოლის მენიუში მორიელები, შემწვარი მატლები და ობობები ხშირად ხვდებიან, თუმცა თავად ამაში უჩვეულოს ვერაფერს ხედავს.
დევიდ ბეკჰემი
ფეხბურთელისთვის მოწესრიგებული მაცივარი ძალიან ბევრს ნიშნავს. ის მუდმივად ზრუნავს, რომ მაცივარში მოთავსებულ ყველა ნივთს თავისი წყვილი ჰქონდეს. მან შეიძლება კოკა-კოლას მესამე ქილა უბრალოდ ნაგავში მოისროლოს, რადგან „მესამე ზედმეტია“.
საიმონ კოუელი
ტელეწამყვანი ყოველდღიურად ერთ მარტივ რიტუალს ასრულებს – ხეზე ადის, რათა ახალი დილისთვის ენერგია გამოიმუშაოს. ხეზე ასვლის გარდა, საიმონის დილის ჩვევებში განწყობის ასამაღლებლად მულტფილმების ყურებაც შედის.
დემი მური
ჯანმრთელობისა და ახალგაზრდობის შესანარჩუნებლად დემი მური ჰირუდოთერაპიას მიმართავს – ესაა წურბელებით მკურნალობა, რომელიც მსახიობს სისხლის გაწმენდაში ეხმარება.
ვიქტორია ბექჰემი
თუ უნდადაასახელოთ ერთი კერძი, რომელსაც მთელი ცხოვრება მიირთმევთ, რას აირჩევდით? ვიქტორია ბექჰემმა ასეთი არჩევანი 25 წლის წინ გააკეთა და ამ ხნის მანძილზე, ყოველდღე ერთსა და იმავე კერძს – გრილზე შემწვარ თევზს და ორთქლზე მოხარშულ ბოსტნეულს მიირთმევს .
ჯენიფერ ენისტონი
ჯენიფერ ენისტონს აქვს ჩვევების ერთობლიობა, რომელსაც ყოველი ფრენის წინ იცავს. მსახიობი თვითმფრინავში ყოველთვის მარჯვენა ფეხით შედის და ყოველთვის ცალი ხელით თვითმფრინავის გვერდებს ურტყამს.
ასევე დაგაინტერესებთ
#OK! კოვზების, ავეჯის, მოლაპარაკე საკვების შიში – ვარსკვლავების ფობიები
