L’Hotel 1828 წელს სელესტინ-ჯოზეფ ჰაპეს მიერ აშენდა. L’Hotel პარიზის ერთ-ერთი ყველაზე პატარა 5-ვარსკვლავიანი სასტუმროა, რომელსაც მხოლოდ 20 საძინებელი აქვს. იგი საზოგადოებისთვის ერთ-ერთი ყველაზე საყვარელი ადგილი გახლავთ, რომელმაც სახელი მთელ მსოფლიოში თავისი გლამურული იერსახით გაითქვა.
სასტუმრო განსაკუთრებულია თავისსავე სარდაფში ვინტაჟური და თანამედროვე სტილის შერწყმით შექმნილი აუზით, რომლითაც სტუმრებს შეუძლიათ ისიამოვნონ.
მნიშვნელოვანია ის ფაქტიც, რომ სასტუმროს გარშემო ყველა ქუჩასა და ადგილს თავისი ამბავი აქვს. L’Hotel არ არის მხოლოდ ისტორია – ის პოეზია და სიყვარულია.
აღსანიშნავია ისიც, რომ მე-19 საუკუნის ბოლოს L’Hotel-ში ოსკარ უაილდი დასახლდა და სიკვდილამდე სწორედ აქ ცხოვრობდა. იგი ამასთან დაკავშირებით ამბობდა, რომ „ცხოვრობდა თავის შესაძლებლობებზე მაღლა“.
განახლების შემდეგ, 1967 წელს L’Hotel პარიზის ისეთ ადგილად იქცა, სადაც ქალაქის ყველა ცნობილი სტუმარი დადიოდა. მისი უნიკალურობა ლეგენდარულ დიზაინერ ჟაკ გარსიას განსაცვიფრებელი რემონტის შემდეგაც დადასტურდა, რადგან მუშაობის პროცესში მას სურდა შეექმნა სასტუმრო, სადაც ოთახები სპირალურად დახვეული კიბის გარშემო საუცხოოდ იქნებოდა განლაგებული. მნიშვნელოვანია ის დეტალებიც, რომლებიც თითოეულ საძინებელს ერთმანეთისგან განასხვავებს – ისინი ისეთივე მდიდრული და ზღაპრულია, როგორიც პარიზი. ყოველივე ეს კი L’Hotel-ს ქალაქის ნაწილად გარდაქმნის და დამსვენებლებს საკუთარ სახლებში ყოფნის განცდას უჩენს.
