„პირველი“ კლინიკა ორი წელია საქართველოს სამედიცინო სფეროში ფუნქციონირებს, თუმცა ამ მცირე დროში მან უკვე მოახერხა თავისი სიტყვა ეთქვა და გამორჩეული ადგილიც დაემკვიდრებინა. ეს კი პროფესიონალ ექიმთა გუნდის, ხარისხიანი სამედიცინო სერვისის და თითოეული პაციენტის ინდივიდუალურ საჭიროებაზე მორგებული მიდგომის დამსახურებაა. თუ რა გამორჩეულ სერვისებს სთავაზობს კლინიკა პაციენტებს, რა სიახლეების დანერგვა მიმდინარეობს და იგეგმება, ამ ყველაფრის შესახებ უფრო ვრცლად კლინიკა „პირველის“ კლინიკური დირექტორი, ექიმი ენდოკრინოლოგი, ევროპის ბავშვთა და მოზრდილთა ენდოკრინოლოგიის ასოციაციის წევრი მაია რეხვიაშვილი გვესაუბრა.
მაია რეხვიაშვილი: პოლიპროფილურ ამბულატორიულ კლინიკა „პირველს“, რომელიც აერთიანებს სამედიცინო სერვისების თითქმის ყველა მიმართულებასა და დღის სტაციონარს, განსაკუთრებული, ღირსეული ადგილი უჭირავს ქართულ სამედიცინო ბაზარზე.
კლინიკა ორიენტირებულია ხარისხზე, ინოვაციებსა და საქართველოში საერთაშორისო, მაღალი სტანდარტების სამედიცინო მომსახურების დამკვიდრებაზე.
პაციენტზე ორიენტირებულობა, მის ინდივიდუალურ საჭიროებაზე მორგებული სამედიცინო სერვისის შეთავაზება არის კლინიკის მთავარი მიზანი.
ამას გარდა, ძალიან მნიშვნელოვანია, რომ პაციენტებს ჩვენს კლინიკაში დახვდებათ მშვიდი, ლაღი და პროფესიონალიზმზე დამყარებული გარემო, სადაც იგეგმება მათი ჯანმრთელობის მდგომარეობის საკითხები და მათი გამოსწორების გზები.
ქალბატონო მაია, როგორ ფიქრობთ, რა გამოგარჩევთ სამედიცინო სივრცეში?
სამედიცინო სერვისები და მისი სწორი შეთავაზება პაციენტებთან თანდათანობით უფრო იხვეწება. ბოლო წლებში ძალიან დიდი ადგილი უჭირავს პერსონალიზებულ მედიცინას, რომელიც კონკრეტულ პაციენტზე არის გათვლილი. აქედან გამომდინარე, ჩვენი კლინიკაც სწორედ ამ აქცენტებს აკეთებს – რომ ყველა პაციენტს ინდივიდუალური მიდგომით უტარდება ის გამოკვლევები თუ კონსულტაციები, რომელსაც ის საჭიროებს.
მინდა აღვნიშნო ლაბორატორიული დეპარტამენტის შესახებ, რომელიც აღჭურვილია უმაღლესი ხარისხის გერმანული აპარატურით, რაც უზრუნველყოფს ლაბორატორიული კვლევების სიზუსტეს და პასუხების მიღების შესაძლებლობას უმოკლეს ვადებში. ჩვენი ანალიზატორები გერმანული ტექნოლოგიითაა დამზადებული. აქედან გამომდინარე, ის კვლევები, რომელიც ადრე გერმანიაში ტრანსფერს საჭიროებდა, დღეს ჩვენს კლინიკაში ტარდება – იმავე ევროპული ხარისხით. ასევე, გვაქვს ლაბორატორიისთვის სპეციალურად დაწესებული გარე ხარისხის კონტროლი, რაც კლინიკურად ძალზე მნიშვნელოვანია.
გარდა ლაბორატორიისა, გვაქვს უახლესი მაღალტექნოლოგიური თანამედროვე ინსტრუმენტული კვლევებიც, როგორიცაა მაგნიტორეზონანსული ტომოგრაფია, კომპიუტერული ტომოგრაფია, ახალი ტიპის ციფრული რენტგენის აპარატი და ა.შ. ინსტრუმენტულ კვლევებში ასევე უნდა ვახსენოთ ძვლის მინერალური სიმკვრივის განსაზღვრა დენსიტომეტრის DEXA აპარატით, რომელიც ადამიანის ორგანიზმის ყველა სეგმენტის ოსტეოპოროზის ხარისხის დადგენაში გვეხმარება.
ნუტრიციოლოგი ნატალი გოგავა, ფსიქოლოგი ანა ლაბაძე, ექიმი ენდოკრინოლოგი სალომე ყიფშიძე, ექიმი ენდოკრინოლოგი ანა ზარანდია
წონის კორექციის პროგრამის ხელმძღვანელი: მაია რეხვიაშვილი
სწორედ ასეთი მაღალი დონის კლინიკო-ლაბორატორიული აღჭურვილობა საშუალებას აძლევს კლინიკაში მოსულ პაციენტებს, რომ ერთი დღის განმავლობაში მათი ჯანმრთელობის შესაფასებელი ღონისძიებების უმეტესი ნაწილი დაგეგმილიც იყოს და შესრულებულიც.
„პირველი“ კლინიკაში ასევე ფუნქციონირებს პედიატრიული ობსერვაციული განყოფილება, რომელიც ძირითადად 12 საათის განმავლობაში ემსახურება პაციენტებს. ასევე, კლინიკა ჩართულია სახელმწიფო პროგრამაში სრული ონკოლოგიური ისეთი სერვისების მიმართულებით, როგორიც არის ქიმიოთერაპია, იმუნოთერაპია და ჰორმონოთერაპია.
ჩვენთან კლინიკაში ტარდება მსოფლიო გინეკოლოგთა მიერ ინოვაციად აღიარებული პროცედურა – „საშოს ლაზერული გაახალგაზრდავება“, რომელიც გამოიყენება საშოს კედლების დაწევის, ატროფიული ვაგინიტების, შარდის სტრესული შეუკავებლობის, უნებლიე შარდვის, დაქვეითებული ლიბიდოს, ანორგაზმიის, მტკივნეული სქესობრივი აქტის დროს.
ასევე, წარმატებით გამოიყენება ლაზერული ტექნოლოგიები სხვადასხვა მიმართულებით: ნეიროქირურგიაში – ხერხემლის დისკის დეკომპრესიის პროცედურა ქირურგიული ჩარევის გარეშე და პროქტოლოგიაში – ჰემოროიდული დაავადებების მკურნალობაში.
წარმოგვიდგინეთ თქვენი რეაბილიტაციის ცენტრი, რომელიც ერთ-ერთი საუკეთესოა.
გეთანხმებით, ჩვენ გვაქვს ერთ-ერთი მძლავრი რეაბილიტაციის დეპარტამენტი, რომელიც მოიცავს როგორც ფიზიოთერაპიულ ნაწილს, ასევე რეაბილიტაციურს – ვარჯიშებსა და მასაჟებს, სადაც მიმდინარეობს ბავშვთა და ზრდასრული ადამიანების რეაბილიტაციური ღონისძიებები. მნიშვნელოვანია, რომ სულ რამდენიმე ხნის წინ ჩვენს კლინიკაში რობოტული თერაპია დაინერგა, რაც ახალი სიტყვაა რეაბილიტაციაში. ის საჭიროა როგორც სინდრომული დაავადებული ბავშვებისთვის, ასევე ინსულტის შემდგომი რეაბილიტაციისთვის.
რა როლს თამაშობს chek up კულტურა მედიცინაში?
XXI-ე საუკუნე არის პრევენციული მედიცინის ეპოქა, რადგან პრევენციას უდიდესი მნიშვნელობა ენიჭება ჩვენს ცხოვრებაში, როცა ადამიანს შეუძლია ადრეულ ეტაპებზე მოახდინოს მთელი რიგი დაავადებების დიაგნოსტირება, რაც პაციენტის დროული მკურნალობისა და გამოჯანმრთელების საწინდარია. რა თქმა უნდა, „პირველი“ კლინიკა ამ კუთხით არ ჩამორჩა მედიცინის თანამედროვე მიდგომებს, შევიმუშავეთ რამდენიმე სახის პაკეტი – როგორც საბაზისო, ასევე პრემიუმ კლასის.
პაკეტი მოიცავს როგორც ლაბორატორიული, ასევე ინსტრუმენტული კვლევების ერთობლიობას და განსხვავებული შეღავათიანი ფასით ხდება მათი შეთავაზება პაციენტებისთვის. აქედან გამომდინარე, ძალიან დიდი მოთხოვნაა აღნიშნულ chek up პაკეტებზე, და ესეც ჩვენი კმაყოფილი პაციენტების სიმრავლის ერთ-ერთი მიზეზია.
როგორია კლინიკის სამომავლო გეგმები?
ჩვენ ყოველდღიურად ვმუშაობთ ახალ-ახალი იდეებისა და პროექტების დანერგვაზე. ერთ-ერთი სიახლე, რომელიც ახლახან დავნერგეთ, ესაა წონის კორექციის ცენტრის შექმნა ჩვენი კლინიკის ბაზაზე, რომელიც მოემსახურება ჭარბი წონის, ასევე წონის დეფიციტის მქონე პაციენტებს, როგორც ბავშვებს, ასევე ზრდასრული ასაკის ადამიანებს. ამ ცენტრის მიზანია, კომპლექსურად მოხდეს პაციენტის პრობლემის შეფასება, შესწავლა და აქედან გამომდინარე მისი ჯანმრთელობის ღონისძიებების დაგეგმვა. კერძოდ, წონის კორექციის ცენტრში ერთობლივად იზრუნებს სხვადასხვა პროფილის სპეციალისტი – ენდოკრინოლოგი, ფსიქოლოგი, ფსიქიატრი, საჭიროების შემთხვევაში და რეაბილიტოლოგი თავისი რეაბილიტაციური სერვისებით – ანტიცელულიტური თუ სამკურნალო მასაჟებით. საზოგადოებას მომავალში კიდევ არაერთ სიახლეს შევთავაზებთ.
ტექსტი: სოფიო მალანია
ფოტო: ალექსეი სეროვი
