თითქმის ზუსტად ერთი წელი გავიდა პერის ჰილტონისა და კარტერ რეუმის ვარსკვლავური ქორწილის შემდეგ. წყვილი აქამდე პირადი ცხოვრების შესახებ დამატებით დეტალებს არ ავრცელებდა, რამდენიმე საათის წინ კი პერისმა, მოულოდნელად სოციალურ მედიაში პოსტი გაავრცელა და საზოგადოებას პატარა ბავშვის დაბადება ამცნო. პერისსა და კარტერს პირველი შვილი სუროგაციის საშუალებით შეეძინათ. 41 წლის ახალბედა დედამ განაცხადა, რომ უსაზღვრო სიყვარული ეწვია: “მადლობელი ვარ, რომ მე და კარტერმა ვიპოვეთ ერთმანეთი, ყოველთვის მინდოდა გავმხდარიყავი დედა, მიხარია, რომ გვერდით შესანიშნავი მეუღლე და შვილი მყავს”.
