დღეს ფოტოს გადაღება ყველას შეუძლია, თუმცა კარგად გადაღება − ცოტას. სწორედ ამიტომ ჩვენი ბედნიერი დღის აღსანიშნავად, ან უბრალოდ პროფესიული ფოტოს გადასაღებად, მივმართავთ ფოტოგრაფს, პროფესიონალ ადამიანს, რომელიც იზრუნებს ჩვენი ფოტოს ხარისხსა თუ ორიგინალურობაზე. მართალია ბაზარზე ბევრ ფოტოსტუდიას შეხვდებით და არჩევანის გაკეთებაც საკმაოდ რთულია, თუმცა მაინც ცოტაა ისეთი სივრცე, სადაც მრავალფეროვანი და გემოვნებიანი დეკორი დაგხვდებათ, რათა თქვენი ფოტო უფრო ლამაზი და განსხვავებული გამოვიდეს. ასევე მნიშვნელოვანია, რომ ეს გარემო იყოს კომფორტული და მომსახურება ხარისხიანი. სწორედ ასეთ სივრცეს გთავაზობთ IQ studio. მომსახურების შესახებ ჟურნალ OK!-ის სტუდიის მენეჯერი − გვანცა ჩიტაძე ესაუბრა.
რა იყო თქვენი ფოტოსტუდიის შექმნის იდეა?
IQ studio-ს შექმნის იდეა დიდი ხანია არსებობს, თუმცა მხოლოდ რამდენიმე თვის წინ შევძელით შეგვეთავაზებინა საზოგადოებისთვის ჩვენი ფოტოსტუდია. უპირველესად, მიზანი იყო ხარისხიანი ფოტო-ვიდეოგადაღების შეთავაზება. ამჟამად IQ studio აერთიანებს სამ სხვადასხვა სივრცეს, რომლის გამოყენება სურვილისამებრ შეგიძლიათ.
რა სახის მომსახურებას სთავაზობთ მომხმარებელს?
IQ studio არის მრავალფუნქციური სივრცე, სადაც მომხმარებელს ვთავაზობთ პროფესიონალი ფოტოგრაფის მომსახურებას, სხვადასხვა და მუდმივად განახლებად დეკორს, პროფესიულ განათებებს და სხვ. ჩვენთან ნებისმიერ მსურველს შეუძლია სტუდიაში განთავსებული ამა თუ იმ ლოკაციის გამოყენება − როგორც სასურველი ივენთისთვის, ისე ვიდეობლოგის თუ სერიალის გადასაღებად. ჩვენ ვცდილობთ მომხმარებელს შევუქმნათ მაქსიმალური კომფორტი, რათა ჩვენი დახმარებით შექმნან ხარისხიანი კონტენტი.
რა არის ის, რაც გამოგარჩევთ ბაზარზე სხვებისგან…
მაღალი ხარისხი − როგორც მომსახურებაში, ისე ტექნიკასა და დეკორში. ასევე, პროფესიონალთა გუნდი, რომელიც ზრუნავს თქვენს კომფორტზე, ეს ყველაფერი კი გეხმარებათ თქვენი ორიგინალური იდეების გენერირებაში.
სამომავლო გეგმები…
სამომავლო გეგმები დიდი გვაქვს, ყველაფერზე ახლა ვერ ვისაუბრებ, თუმცა საზოგადოებას ვპირდებით ბევრ საინტერესო შემოთავაზებას, მრავალფეროვან აქციებსა და ხარისხის მუდმივ ზრდას. სწორედ უმაღლესი მომსახურება არის გარანტი იმისა, რომ წამყვანი პოზიცია დავიკავოთ ბაზარზე.
ფოტო: ალექსეი სეროვი
