დღეს მოგიყვებით ქართული მოდის ინდუსტრიაში ერთ-ერთ ყველაზე გამორჩეულ ბრენდზე, რომლის ისტორია 8 წლის წინ დაიწყო, მარტივი, თუმცა საკმაოდ ამბიციური იდეით – დადებითი გავლენა მოეხდინათ ადამიანების ყოველდღიურობაზე. მიზანი ისეთი ტყავის აქსესუარების შექმნა იყო, რომელიც მომხმარებლისთვის ყოველდღიური თავდაჯერებულობის გარანტი იქნებოდა.
თბილისის პირველ დიდ სავაჭრო მოლში ძალიან პატარა კუნძულით დაწყებული ისტორია, დღეს გრძელდება ყოველდღიური საინტერესო გამოწვევებით, რომელიც ნიკოლოს, როგორც ერთ–ერთ გამორჩეულ ქართულ ბრენდად წარმოადგენს. ის საზოგადოებას ჩანთებისა და აქსესუარების მრავალფეროვან არჩევანს სთავაზობს. თამამად შეიძლება ითქვას, რომ ნიკოლოს აქსესუარები ადამიანების სურვილების ლამაზი და ძალიან პრაქტიკული გადაწყვეტაა.
დღეს ნიკოლო მხოლოდ ტყავის აქსესუარების მწარმოებელი აღარაა, ეს არის ბრენდი, რომელიც ადამიანების ყოველდღიურობაზე რეალურად ზრუნავს.
,,ჩვენი მომხმარებლებისგან ხშირად გვსმენია ფრაზები ,,თუ ტყავია, ნიკოლო” , “თან ლამაზია, და თან ძალიან მოსახერხებელი” – წლების მანძილზე ეს ბუნებრივად შექმნილი პოზიციონირება დღეს უკვე ნამდვილად გვაძლევს ამბიციას ადამიანებისთვის შევქმნათ ყოველდღიური თავდაჯერებულობის გარანტირებული საფუძველი.’’ – აღნიშნავენ ნიკოლოში.
მნიშვნელოვანია, რომ ნიკოლო მომხმარებელს უსმენს – მათი უკუკავშირი კი ითარგმნება მათ ნამუშევრებში, როგორც ადგილობრივ, ისე საერთაშორისო ბაზარზე. შესაბამისად, იქმნება ბრენდი, რომელიც ადამიანზე ნაფიქრი, პრაქტიკული და დახვეწილია. ნიკოლოს ტყავის ქამრებით, ჩანთებით და საფულეებით თავს ყოველდღე თამამად მოიწონებ, რადგან ნიკოლო შეგიძლია ატარო ისე როგორც შენ მოგწონს.
,,გვაქვს სტანდარტები, რომელსაც არ ვღალატობთ. ჩვენს კოლექციებში ასახული ესთეტიკა და პრაქტიკულობა კარგად წარმოაჩენს ჩვენი წარმოების ტექნოლოგიებსა და ტყავის ოსტატების პროფესიონალიზმს. ჩვენი თითოეული გადაწყვეტილების უკან მუდამ დგას ფიქრი – რა სჭირდება ადამიანს, როგორ მომეწონებოდა ეს ნივთი თუ ყიდვის გადაწყვეტილება მე, როგორც მომხმარებელს უნდა მიმეღო.
თამამად შეიძლება ითქვას, რომ დახვეწილი პრაქტიკულობის პრინციპით ვქმნით არა უბრალოდ ქამარს, ჩანთას ან საფულეს, არამედ არაჩვეულებრივ ყოველდღიურობის დამამშვენებელ აქსესუარს.’’
ქართული ნატურალური ტყავის მწარმოებელი კომპანია თავისი აქსესუარებით წარმოდგენილია თბილისის ყველა დიდ სავაჭრო მოლში, ბათუმსა და ქუთაისში.
როგორც ნიკოლოში აღნიშნავენ, ბრენდი ყოველდღიურად, უწყვეტად ვითარდება, მუდმივი მზადყოფნაა დანერგონ ახალი და საინტერესო. შესაბამისად, ბრენდი მუდამ განახლებადი საავტორო სტილით, უწყვეტი პროფესიონალიზმითა და ინოვაციური მიდგომებით, მომხმარებლებისთვის ერთ–ერთი ყველაზე სანდო მეგობარია.
ნიკოლო ყოველწლიურად მონაწილეობს ტყავის ინდუსტრიის ყველაზე მასშტაბურ ღონისძიებებში და აცნობს ქართულ ბრენდსა და პროდუქტს საერთაშორისო ბაიერებს. 2025 წელს ნიკოლოს კოლექციები წარმოდგენილი იყო მილანში, ტყავისა და მოდის ინდუსტრიის ყველაზე დიდ გამოფენა Mipel ზე, შანხაიში ჩინეთის საერთაშორისო იმპორტ ექსპოსა და იაპონიაში Tanoi Tokyo ს მოდის უდიდეს შოუზე.
ეს წარმატებები მნიშვნელოვანი ნაბიჯია კომპანიის საერთაშორისო აღიარებისა და ექსპორტის განვითარების კუთხით. ამ ყველაფრის უკან კი დგას გუნდი, რომელიც თავდაუზოგავი შრომის ფასად ქმნის ნიკოლოს წარმატებულ ამბებს.
,,კომპანიაში თავისუფალი აზროვნების წასახალისებლად შექმნილი სამუშაო გარემო შესაძლებლობას გვაძლევს განვვითარდეთ, ერთმანეთს მხარში დავუდგეთ, ვისწავლოთ და ვასწავლოთ – ვიყოთ ძლიერი გუნდი. თითოეული თანამშრომელი ჩვენი ბრენდის ელჩია, სწორედ ის წარმოაჩენს იმ განწყობას და მუხტს, რაც კომპანიაშია. ‘’
სწორედ ეს მიდგომა აძლევს ნიკოლოს გუნდს წლიდან წლამდე განვითარდეს და გასცდეს საზღვრებს.
ამის დასტურია Nicolo-ს ახალი კუნძულის გახსნა, ამჯერად ქვეყნის ფარგლებს გარეთ, Tashkent City Mall-ში. სივრცეში, სადაც საერთაშორისო ბრენდები ერთად იყრიან თავს, ახლა უკვე ქართული ბრენდის სახელიც იკითხება. ეს ნაბიჯი მხოლოდ გეოგრაფიული გაფართოება არ არის – ეს არის ნდობის, ხარისხისა და ბრენდის კულტურის საერთაშორისოდ აღიარება.
უზბეკეთის ბაზარი Nicolo-სთვის ერთ-ერთი ყველაზე საინტერესო და მნიშვნელოვანი მიმართულებაა. სწორედ ამიტომ, ეს გამოწვევა კომპანიას კიდევ უფრო მეტ მოტივაციას აძლევს, რომ გაიზარდოს, განახლდეს და მომხმარებლებს მუდმივად შესთავაზოს ახალი და დახვეწილი საავტორო სტილი. Tashkent City Mall-ში გამოჩენა ნიშნავს ახალ აუდიტორიას, ახალ ისტორიებს და ახალ შესაძლებლობებს, რაც კომპანიისთვის ახალი ეტაპის დასაწყისია.
ყოველივე ეს არის შედეგი: პროფესიონალი გუნდის, ხარისხზე დაუღალავი მუშაობისა და საერთაშორისო გამოფენებში აქტიური მონაწილეობის, რომელიც ბრენდს სწორედ იმ სივრცეებში აჩენს, სადაც გლობალური მოთამაშეები არიან. დღეს უკვე Nicolo არა მხოლოდ ქართული, არამედ გლობალური ბაზრის ნაწილია.
ტექსტი: სოფიო მალანია
