ჟურნალი OK!-ს მკითხველი უკვე კარგად იცნობს ესთეტიკის ცენტრ N.G‑ის, რომელიც მომხმარებლებს სთავაზობს ყველა საჭირო პროცედურას და უმაღლეს შედეგებს. ამჯერად ყველა ამ პროცედურის შესახებ უფრო დეტალურად და ვრცლად გიამბობთ. მაშ ასე, გთავაზობთ ინტერვიუს N.G-ის დამფუძნებელ ნინო ღონღაძესთან.
პროცედურებზე გვიამბეთ. რა სახის მომსახურებებს სთავაზობთ საზოგადოებას?
მოგეხსენებათ, გვაქვს ყველა ტიპის მომსახურება, რაც ესთეტიკისა და სილამაზის სფეროში ტარდება. შესაბამისად, ჩვენთან მოსულ ადამიანს შესაძლებლობა აქვს, ერთ სივრცეში ჩაიტაროს მისთვის სასურველი ყველა პროცედურა.
აქ თქვენ შეგიძლიათ სხვადასხვა პროცედურის ჩატარება, როგორიცაა: თმის მოვლის პროცედურები, ვიზაჟი, ფრჩხილის მოვლის პროცედურები, ლაზერული ეპილაცია, ელექტროეპილაცია, კრიოლიპოლიზი, მასაჟი, ტატუ/პირსინგი, წამწამებისა და წარბების მოვლის პროცედურები, პერმანენტული მაკიაჟი და კოსმეტოლოგია.
სახისა და ტანის გამაჯანსაღებელ პროცედურებზე მოგვიყევით.
სახისა და ტანის მოვლის პროცედურებს ატარებენ ამ საქმის პროფესიონალები, რომლებიც სამედიცინო დარგის წარმომადგენელი სპეციალისტები არიან.
ჩვენი სალონი გთავაზობთ ექიმ დერმატო-ვენეროლოგის მომსახურებას, ლიცენზირებული ექიმის მიერ.
ასევე შეგიძლიათ ისარგებლოთ მასაჟის პროცედურით, რომელსაც ასევე სამედიცინო სფეროს წარმომადგენელი ატარებს და ასრულებს სხეულის გამაჯანსაღებელ ვარჯიშებს, მასაჟებს და სხვადასხვა პროცედურას, როგორც გასახდომად, ასევე გასამკვრივებლად.
რაც შეეხება სახის მოვლის პროცედურებს, ყველა ინიექცია ტარდება ლიცენზირებული კომპანიის ბრენდებით, რომელთაც გააჩნიათ სერტიფიკატები, შესაბამისად, ჩვენთან ჩატარებული პროცედურები არის სრულიად უსაფრთხო მომხმარებლისთვის.
როგორც ვიცით, სალონში შეგვიძლია ტატუირების პროცედურით სარგებლობა. გვიამბეთ ამის შესახებ.
ჩვენს სალონში ტატუირება ტარდება ახალი ტექნოლოგიით, შესაბამისად, მასალაც განახლებული და უახლესია. აქედან გამომდინარე, ტატუ არ იცვლის ფერს და ნამუშევარი ძალიან ბუნებრივად გამოიყურება. პროცედურას ამ მიმართულებითაც გამოცდილი და საკუთარი საქმის პროფესიონალი ატარებს.
ფრჩხილის მოწესრიგების პროცედურასა და უსაფრთხოებაზეც მოგვიყევით.
რაც შეეხება ფრჩხილის მოწესრიგებას, თამამად შემიძლია ვთქვა, რომ ჩვენი სპეციალისტები, გარდა იდეალურად მოვლისა და გალამაზებისა, ასრულებენ ისეთ პროცედურებს, როგორიცაა ჩაბრუნებული ფრჩხილის ამოჭრა და მკურნალობა. რაც მთავარია, ეს ყველაფერი ტარდება იარაღებით, რომლებიც სტერილიზაციის ყველა აუცილებელ ეტაპს გადიან. შესაბამისად, ჩვენთან უსაფრთხოება მაქსიმალურად დაცულია.
სალონში ასევე შეგვიძლია ვისარგებლოთ თმის მოვლისა და მოწესრიგების პროცედურით.
თმის მიმართულებითაც გვყავს სპეციალისტები, რომლებიც გარკვეული გადამზადებებისა და სწავლების შემდეგ მიდიან მომხმარებლისთვის სასურველ შედეგამდე და ფერამდე. გარდა ამისა, სალონში ტარდება სხვადასხვა სახის პროცედურები, მათ შორის თმის აღმდგენი და გამაჯანსაღებელი.
ვიყენებთ მხოლოდ და მხოლოდ უმაღლესი ხარისხის პროდუქტებს, უპირატესობას ვანიჭებთ „ფილიპ მარტინსის“ ბრენდს.
ხაზგასმით მინდა აღვნიშნო, რომ ყველა პროცედურა, რომელიც ჩვენთან ტარდება, სპეციალისტებს შესწავლილი აქვთ თავად მწარმოებლების მიერ. შარშან ვიყავით იტალიაში, ქალაქ ვიჩენცაში, „ფილიპ მარტენსის“ კომპანიის ცენტრში, სადაც ჩვენმა სპეციალისტებმა პროდუქციის გამოყენება და ტექნიკა შეისწავლეს.
ელექტროეპილაციის შედეგებზე რას გვეტყვით?
ეს არის ეპილაციის უალტერნატივო მეთოდი, მაგრამ გარკვეული დისკომფორტის გამო მომხმარებლები ნაკლებად ანიჭებენ უპირატესობას, თუმცა სახის ზონისთვის მართლაც რომ უალტერნატივოა. ცენტრში წარმოდგენილია ახალი თაობის აპარატი, რომელიც შედარებით ნაკლებ დისკომფორტს უქმნის მომხმარებელს და საუკეთესო შედეგს იძლევა.
