დღეიდან ახალი პლატფორმა, Lollipop.ge ყველასათვის ხელმისაწვდომია. მისი შექმნის იდეა მარიამ არჩვაძეს სამი წლის წინ გაუჩნდა, როცა პირველად გახდა დედა. მიზანი ისეთი სივრცის შექმნა იყო, სადაც ნებისმიერი ადამიანი შეძლებდა სხვადასხვა კატეგორიის საბავშვო ნივთის ხელმისაწვდომ ფასად შეძენას.
მარიამ, გაგვეცანით და მოგვიყევით, როგორ გაჩნდა Lollipop.ge-ს შექმნის იდეა?
მარიამ არჩვაძე: პროფესიით ჯანდაცვის მენეჯერი ვარ. მიმუშავია სხვადასხვა სამედიცინო დაწესებულებაში, ბოლოს კი ჯანდაცვის სამინისტროში. პარალელურად ვმუშაობ სხვადასხვა პროექტზე პროექტის ხელმძღვანელად. ვეხმარები ორგანიზაციებს სტრუქტურისა და ბიზნესის აწყობაში.
Lollipop.ge-ს შექმნის იდეა მაშინ გამიჩნდა, როცა დედა გავხდი. სულ ვცდილობდი საინტერესო და განსხვავებული, ფუნქციური სათამაშოები მომეძია ჩემი შვილებისთვის, თუმცა არჩევანი დიდი არ იყო ბაზარზე ან, თუ საინტერესო ნივთს ვიპოვიდი, საკმაოდ ძვირი ღირდა. ამასთანავე, მინდოდა მქონოდა ისეთი დამხმარე საშუალებები, რაც გამიადვილებდა ბავშვის მოვლისა და ზრუნვის პროცესს.
გარდა ამისა, როცა ხარ ახალბედა დედა, გიწევს ბევრი რამის ერთად გაკეთება და მოსწრება, ამ დროს შესაძლოა მაღაზიებში საშოპინგოდ ვერც მოიცალო, ონლაინშოპინგი კი ბევრად მოსახერხებელია, რადგან შეგიძლია რიგში დგომის თავიდან აცილება და სასურველი პროდუქციის მარტივად მოძიება.
დავიწყე უცხოურ ბაზარზე მწარმოებლების მოძიება და მეგობრებთან ერთად გადავწყვიტე შემექმნა სივრცე, სადაც ყველა შესაძლებლობის ადამიანს შეეძლებოდა სხვადასხვა კატეგორიის საბავშვო ნივთის ხელმისაწვდომ ფასად შეძენა.
ვისთვის იქნება ეს საიტი? და რატომ აირჩიეთ სახელი „ლოლიპოპი“?
Lollipop.ge არის მშობლებისთვის და არამხოლოდ. თქვენ სახლიდან გაუსვლელად, საქართველოს ნებისმიერი კუთხიდან შეძლებთ შეიძინოთ თქვენთვის სასურველი პროდუქტი, რომელსაც უმოკლეს ვადაში სასურველ მისამართზე მიიღებთ. და, რაც მთავარია, გაახარებთ თქვენს პატარას. აღსანიშნავია, რომ ჩვენთან საბავშვო პროდუქცია ევროსტანდარტების შესაბამისად სერტიფიცირებული და ოფიციალური მწარმოებლის გარანტიით იქნება.
რაც შეეხება სახელს, „ლოლიპოპი“ არის ფერადი, ბავშვებთან ასოცირებული და ალბათ ყველა ბავშვისთვის საყვარელი ტკბილეული.
სამომავლოდ თუა დაგეგმილი პლატფორმის განვითარება?
ამ ეტაპზე, Lollipop.ge-ზე საყიდლების შეგროვება სხვადასხვა კატეგორიიდან შეგიძლიათ: სათამაშოები, საკანცელარიო ნივთები და მრავალი სხვა. რა თქმა უნდა, სამომავლოდ ვგეგმავთ უფრო მეტი კატეგორიისა და ფუნქციის დამატებას.
ჩემი მთავარი მოტივატორიები ჩემი შვილები არიან. როგორც ჩემს შვილებს, ისე ყველა ბავშვს მსურს ჰქონდეს ბევრი ახალი, საინტერესო და მრავალფეროვანი სათამაშო. ჩვენი მიზანია ჩვენი სათამაშოებით ყველა ბავშვისთვის საინტერესო თავგადასავლების შექმნა.
