Fashion Book ცნობილი ბრიტანული ფეხსაცმლის ბრენდის KEDDO-ს შესახებ გიამბობთ, რომელიც ქართულ ბაზარზე უკვე ერთი წელია წარმატებულად ოპერირებს და საზოგადოებას კომფორტულ და ხარისხიან ფეხსაცმელს სთავაზობს. ბრენდი საზოგადოებას მუდმივად სთავაზობს განახლებულ და ტრენდულ კოლექციებს. ამ და სხვა საინტერესო და მნიშვნელოვანი საკითხების შესახებ საქართველოში ბრენდის წარმომადგენელს − სალომე ბოჭორიშვილს ვესაუბრეთ.
Keddo Georgia-ს წარმოშობის ისტორიას უკვე კარგად იცნობს ჟურნალი OK!-ის მკითხველი. ამჯერად რა სიახლეები გაქვთ საზოგადოებისთვის?
ბრიტანული ფეხსაცმლისა და აქსესუარების მაღაზია KEDDO-მ, რომელიც უკვე წელიწადია, ქართულ ბაზარზე ოპერირებს, ძალიან ბევრი კმაყოფილი მომხმარებელი შეიძინა, რომელსაც მუდმივად ვთავაზობთ განახლებულ კოლექციებს სეზონის ტრენდებისა და მოთხოვნების გათვალისწინებით. ასევე ფასდაკლების სხვადასხვა აქციით ვანებივრებთ მომხმარებლებს. აპრილში კი მეორე ფილიალი „ისთ ფოინთში“ გაიხსნება.
გვიამბეთ ამის შესახებ…
KEDDO-ს ოფიციალური მაღაზია მდებარეობს საბურთალოს „სითი მოლში“, მთავარ სართულზე, ფეხსაცმლის სივრცეში. აპრილში გაიხსნება ახალი ფილიალი, სადაც წარმოდგენილი იქნება გაზაფხული-ზაფხულის ახალი კოლექცია თავისი მრავალფეროვანი არჩევანით – ქალის, მამაკაცისა და საბავშვო კოლექციით.
როგორია Keddo Georgia-ს საგაზაფხულო კოლექცია? ძირითადად რა სტილის სამოსია მაღაზიაში წარმოდგენილი?
KEDDO მომხმარებელს სთავაზობს მრავალფეროვან და ტრენდულ კოლექციებს. 2023 წლის გაზაფხული-ზაფხულის კოლექცია გამოირჩევა ფერთა სიმრავლით. ნარინჯისფერი, კრემისფერი, მწვანე, ელექტრული ლურჯი, ჟოლოსფერი და თეთრი წელს ყველაზე აქტუალური ფერებია. ასევე წელს ძალზე მოთხოვნადია კლასიკური სტილის ფეხსაცმელი, რადგან ყველას მოენატრა გაპრანჭვა, თუმცა სპორტული სტილიც, ძველებურად, ისევ სასურველია ნებისმიერი ადამიანისთვის. ამიტომ KEDDO-ს ბრენდს აქვს ძალიან დიდი არჩევანი კედების, ბოტასებისა და ესპადრელების. ასევე დიდი არჩევანია ჩანთების, სხვადასხვა ფორმისა და სტილის გათვალისწინებით. როგორც ყოველთვის, წელსაც KEDDO-ს ბრენდი ამართლებს სლოგანს „იყავი ტრენდული და კომფორტული KEDDO-სთან ერთად“.
ძირითადად ვინ არიან თქვენი მომხმარებლები?
ჩვენი მომხმარებელია ყველა ასაკის და სტილის ადამიანი, რომელიც კომფორტულ და ტრენდულ ფეხსაცმელს, ასევე ჩანთას ხელმისაწვდომ ფასად ეძებს.
გვესაუბრეთ ხარისხზე…
KEDDO ბრიტანული ბრენდია და ქმნის ხარისხიან და ტრენდულ პროდუქციას ხელმისაწვდომ ფასად. ბრენდი მომხმარებლის კომფორტზეა ორიენტირებული. ფეხსაცმლის მოდელები გამოირჩევა მაღალი სტანდარტის ხარისხით და დამახასიათებელი დიზაინით.
KEDDO-ს ევროპის სხვადასხვა ქვეყანაში აქვს ქარხნები, ჰოლანდიის ლაბორატორიაში ამუშავებენ და ამზადებენ მატერიებს KEDDO-ს პროდუქციისთვის. მართალია, ეს დიდ თანხებთან არის დაკავშირებული, თუმცა კომპენსირდება იმ მომხმარებლის შეფასებით, რომელიც KEDDO-ს პროდუქციის ერთგული ხდება.
როგორია ბრენდის სამომავლო გეგმები?
სამომავლო გეგმები, რა თქმა უნდა, გვაქვს. ვგეგმავთ კიდევ რამდენიმე ფილიალის გახსნას ჯერ თბილისში და შემდეგ ბათუმში.
FB: KEDDO Georgia
Inst: Keddogeorgia
