მოდის ერთ-ერთმა ყველაზე პრესტიჟულმა გამოცემამ ირინა შეიკის ახალი ფოტოსესიის კადრები სოციალურ მედიაში გამოაქვეყნა წარწერით: “ირინა შეიკი ყოველთვის იღებს იმას, რაც უნდა”. ინტერვიუში მოდელმა ისაუბრა იმ გამოწვევებზე, რაც მოდის ინდუსტრიაში გამოჩენისთანავე შეხვდა, მაგალითად იმაზე, რომ მისმა აგენტმა მას თმის ქერაფ შეღებვა და წონაში დაკლება სთხოვა, რაზეც ირინამ კატეგორიული უარი განაცხადა. შეიკს უნდოდა საკუთარი იდენტობა არ დაეკარგა და ყველაფრისთვის შრომით მიეღწია. მოდელმა ინტერვიუში ასევე აღნიშნა, რომ უნდა, თავისი ქალიშვილისთვის მისაბაძი მაგალითი იყოს, რათა ასწავლოს, რომ დიდი წარმატება მხოლოდ შრომას მოაქვს.
შეგახსენებთ, რომ ირინა შეიხისლამოვა, ბევრისთვის ცნობილი როგორც ირინა შეიკი, მსოფლიოში ერთ-ერთი ყველაზე მაღალანაზღაურებადი მოდელია, რომელიც ფართო საზოგადოებამ 2007 წელს როგორც Intimissimi-ის ახალი სახე ისე გაიცნო.
წარმატებული კამპანიებისა და პროექტების შემდეგ ირინამ მოდის ინდუსტრიაში მნიშნელოვანი ადგილი დაიკავა, 2010 წელს კი გახდა პირველი რუსი მოდელი, რომელმაც Sports Illustrated-ის გარეკანი დაამშვენა. მიუხედავად იმისა, რომ ირინა ადრეულ ასაკშიც გამოირჩეოდა განსხვავებული გარეგნობით, მისი წარმატების გზა ნამდვილად არ ყოფილა მარტივი.
ირინას დედა პიანისტი იყო და საბავშვო ბაღში მუშაობდა, მამა კი მეშახტე, რომელიც პნევმონიით გარდაიცვალა. დედასთან და დასთან ერთად მარტო დარჩენილმა 14 წლის ირინამ გადაწყვიტა ოჯახი თავად ერჩინა და არასდროს დაქორწინებულიყო.
