თუ გსურთ შეიგრძნოთ სრული კომფორტი, რომელსაც პასტელური ფერები და თანამედროვე განათების სინთეზი ქმნის, მაშინ „თბილისი მარიოტს“ უნდა ეწვიოთ. ეს არის ადგილი, რომელიც თბილისის ისტორიას ინახავს.
„თბილისი მარიოტმა“ 2019-2020 წლებში სრულად განახორციელა სასტუმროს ნომრების, რესტორნებისა და საკონფერენციო დარბაზების რენოვაცია. განახლებული სასტუმროს დიზაინი თანამედროვეა, სივრცეები − ბევრად მოქნილი, მულტიფუნქციური და დინამიკური. დიზაინის კონცეფცია კი ლონდონში, კომპანია RPW Design-ს ეკუთვნის.
სასტუმრო წარმოგიდგენთ 127 განახლებულ ნომერს, მათ შორის − Deluxe, Executive, Junior suite, Patio suite, Vice-presidential, Presidential. აქ მშვიდ რუხ, ყავისფერ და კრემისფერ ტონებში გადაწყვეტილი ავეჯი ჰარმონიულად ერწყმის თითოეული ნომრის სივრცეს. აქვეა ტყავის კომფორტული სავარძლები და სამუშაო მაგიდა თქვენი საქმიანობისთვის − ისევე, როგორც მარმარილოს აბაზანა და კომფორტული საშხაპეები დასვენებისა და რელაქსაციისთვის.
სასტუმროს ნომრებს აივანზე გავყავართ, საიდანაც დედაქალაქის ცენტრალური მოედანი და თბილისის მთავარი − რუსთაველის გამზირი ხელისგულზე მოჩანს.
განახლებულ ტერიტორიასა და საკონფერენციო დარბაზებში კი ოდითგანვე თავს იყრის ის საზოგადოება, რომლისთვისაც მნიშვნელოვანია გამორჩეული გარემო თავიანთი ბიზნესშეხვედრებისათვის.
ასევე, განახლდა სასტუმროში მდებარე კაფე „პარნასი“, რომელიც გამორჩეული ღირებულებისა და ატმოსფერული შესაძლებლობის მქონე სივრცე და დამოუკიდებელი საქართველოს სტუმარმასპინძლობის სფეროს ერთ-ერთი პიონერია. ეს არის თანამედროვე კაფე, რომლის მდებარეობა, ელეგანტური ინტერიერი და ქართულ-ევროპული სამზარეულოს სინთეზი თბილისის ერთ-ერთ სავიზიტო ბარათად აქცევს მას.
სასტუმრო
ქორთიარდ მარიოტი
სასტუმრო „ქორთიარდ მარიოტი“ მომხმარებელს სთავაზობს სრული კომფორტის შეგრძნებას, რომელსაც შესაბამისი გარემო და სტუმრების მიმართ ერთგული თანამშრომლები ქმნიან. აქ წარმოდგენილია ოთახები ქალაქის საუკეთესო ცენტრალური ხედებით და საკონფერენციო დარბაზები ბიზნესშეხვედრებისა თუ სხვა ტიპის ღონისძიებებისთვის. სასტუმრო ასევე გთავაზობთ რესტორანს მრავალფეროვანი ქართულ-ევროპული სამზარეულოთი, ფიტნესცენტრს − სავარჯიშო დარბაზით, აუზითა და საუნით.
„ქორთიარდ მარიოტმა“ ოთახების სრულად განახლება დაიწყო. განახლებული დიზაინის კონცეფცია ბრიტანეთში, კომპანია twenty2degrees-ის მიერ არის შემუშავებული. ოთახების რენოვაციის ფარგლებში წარმოგიდგენთ 118 განახლებულ ნომერს, მათ შორის − Deluxe Single, Deluxe Twin, Superior Single, Superior Twin, Executive Rooms, Corner Room and Junior Suite.
სასტუმროს ნომრებიდან დედაქალაქის ცენტრალური − თავისუფლების მოედნის ულამაზესი ხედები იშლება. სასტუმროს პირველ სართულზე ასევე განთავსებულია კაფე-რესტორანი Brasserie Freedom, სადაც შეხვდებით უგემრიელესი ქართულ-ევროპული სამზარეულოს სინთეზს. Brasserie არაჩვეულებრივი ადგილია სხვადასხვა ბიზნეს-ლანჩისა თუ ოჯახური შეკრებების დასაგეგმად. „ქორთიარდში“ მოსულ სტუმარს აქ დახვდება საოცარი ატმოსფერო, ერთგული და ყურადღებიანი მომსახურე პერსონალით.
სასტუმრო
მოქსი
„მოქსი“ ბუტიკის კონცეფციის სასტუმროა, რომელიც შექმნილია აქტიური, სოციალური ცხოვრების წესის მქონე ადამიანებისთვის. ეს არის ადგილი, სადაც კომფორტული დასვენება და ახალი თავგადასავლები ერთმანეთს ერწყმის. „მოქსში“ თქვენ დაგხვდებათ თანამედროვე ავეჯთან შეხამებული, ღია და ნათელი ლობი, შეხვედრისთვის გამოყოფილი სივრცით. მომხმარებელს შეუძლია ისარგებლოს კომფორტული და თანამედროვე საერთო სამუშაო სივრცით დღის ან ღამის ნებისმიერ დროს.
