ჟურნალი OK! გაგაცნობთ პროფესიით პარმაცევტ მარეხი სულამანიძესა და ექიმ-დერმატოლოგ ცაგო თურმანიძეს, ესთეტიკური ცენტრის დამფუძნებლებს, რომლებმაც მიუხედავად ბაზარზე არსებული დიდი კონკურენციისა, შეძლეს 12 წელი მყარად შეენარჩუნებინათ ხარისხი და მომხმარებელთა ნდობა. დღესდღეობით „ნიუ დეი“ აერთიანებს ყველა მოთხოვნად და ინოვაციურ პროცედურას, რაც კიდევ უფრო კომფორტულსა და მიმზიდველს ხდის მათთან სტუმრობას.
რამდენი წელია, რაც New Day დაარსდა?
სილამაზის ცენტრი New Day უკვე 12 წელია, რაც ფუნქციონირებს. ჩვენთან სტუმრობას ზ. გამსახურდიას 9 ნომერში შეძლებთ. ცენტრში დაგხვდებათ როგორც სალონური პროცედურები (თმა, ვიზაჟი, მანიკიური, პედიკიური, წამწამების ღეროვანი დაგრძელება, პერმანენტული მაკიაჟი), ასევე ესთეტიკური მომსახურება (კოსმეტოლოგია, ინიექციური, არაინიექციური, აპარატურული).
ცენტრი აღჭურვილია ბოლო თაობის ლაზერული აპარატებით, როგორც თმის, ასევე კაპილარების მოსაშორებელი და გამაახალგაზრდავებელი. შეგიძლიათ ჩაიტაროთ სხეულის მოდელირების პროცედურები (კავიტაცია, RF, კრიოლიპოლიზი, მასაჟი), ასევე გაირუჯოთ წლის ნებისმიერ დროს სოლარიუმში. ყველაზე მთავარია, რომ აქ გამოცდილი და პროფესიონალი სპეციალისტები დაგხვდებათ.
გაგვაცანით გუნდი და ის გარემო, რომელიც ადგილზე მოსულ სტუმრებს ხვდებათ.
მარეხი სულამანიძე – პროფესიით ფარმაცევტი, ახლა მანიკიურის სპეციალისტი.
ცაგო თურმანიძე – პროფესიით ექიმი-დერმატოლოგი, ახლა კი კოსმეტოლოგ-ინიექციონისტი.
ჩვენს ცენტრში მომხმარებლებს დახვდებათ ძალიან სასიამოვნო გარემო, თბილი და, ამავდროულად, ლამაზი. გარდა იმისა, რომ ყველა ტიპის მომსახურებას ვთავაზობთ მომხმარებლებს, ასევე მათ საშუალება აქვთ, გადაიღონ ლამაზი ფოტოები. ამისთვის გვაქვს რამდენიმე სპეციალურად მოწყობილი კუთხე. ჩვენ მაქსიმალურად ვცდილობთ ყველა სურვილი იყოს დაკმაყოფილებული, რათა ჩვენმა მომხმარებლებმა თავი კომფორტულად იგრძნონ.
რა გამოგარჩევთ ბაზარზე სხვა კონკურენტებისგან?
მოგეხსენებათ, ჩვენს სფეროში დიდი კონკურენციაა, თუმცა ჩვენ ეს არ გვაშინებს, პირიქით, სტიმულს გვაძლევს, რომ უკეთესები გავხდეთ. ვცდილობთ გამორჩეულები და სტაბილურები ვიყოთ მაღალი ხარისხით. ყველა პროდუქცია, რომელსაც ცენტრი იყენებს, საუკეთესოა. ფასებიც ისე გვაქვს დარეგულირებული, რომ ყველა ადამიანისთვის იყოს ხელმისაწვდომი, რათა ადგილზე მოსვლა და გალამაზება შეძლონ.
როგორია სამომავლო გეგმები?
გეგმები ბევრი და მასშტაბურია. მაქსიმალურად ვიხარჯებით, რომ არ ჩამოვრჩეთ ახალ ტენდენციებს. ახლო მომავალში ვგეგმავთ ახალი აპარატების დამატებას. ახლა სწორედ მოლაპარაკების პროცესში ვართ და ჩვენს ერთგულ გულშემატკივრებს ყველა სიახლეს აუცილებლად თანმიმდევრულად გავაგებინებთ.
ტექსტი: მაკუნა შავგულიძე
ფოტო: ნინი გორდაძე
