ჯანსაღი ცხოვრების წესის შენარჩუნება აუცილებელი პირობაა სიცოცხლის გახანგრძლივებისათვის. მისი აუცილებლობა ისეთი პრობლემების შესამსუბუქებლადაა, რომლებიც ასაკის მატებასთან ერთად იკვეთება და მძაფრდება. დღევანდელი სამყაროს ერთ-ერთი უმთავრესი გამოწვევა ასაკის სამომავლო გამოწვევების თავიდან არიდებაა.
უდავოა, რომ ფიზიოლოგიურ ჯანმრთელობასა და მენტალურ კეთილდღეობაზე ზრუნვა გვიმარტივებს ყოველდღიურ სირთულეებთან ბრძოლასაც. მარადიული ახალგაზრდობის საიდუმლოც სწორედ ასეთი საფუძვლიანი, შინაგანი თავის მოვლით იწყება. თუმცა, სხვადასხვა გარე ფაქტორები, როგორებიცაა გამონაბოლქვი, არაჯანსაღი კვება, უმოძრაობა, თამბაქოს მოხმარება, მზის სხივების უარყოფითი ზემოქმედება, ქრონიკული გადაღლილობა თუ ნერვიულობა, ხშირად ნაადრევი დაბერების ნიშნებს იწვევს.
ასეთი ფაქტორების ზეგავლენა უპირველესად ადამიანის კანზე აისახება, რადგან მუდმივი ზემოქმედების ქვეშ ყოფნით კანის ელასტიკურობისათვის საჭირო კოლაგენის წარმოქმნა ნელდება და კანი სწრაფი რეგენერაციის უნარს კარგავს.
21-ე საუკუნის კიდევ ერთი თავისებურება სწორედ კოსმეტიკური და გარეგანი ახალგაზრდობის შენარჩუნებით გატაცებაა, რის გამო კოსმეტოლოგიისა და პლასტიკური ქირურგიის სფეროები დღითი დღე ვითარდება და სხვადასხვა anti-aging-პროცედურას თუ ოპერაციას გვთავაზობს. ზედაპირული, ინიექციური თუ მეტად ინვაზიური და ქირურგიული მეთოდებით, დღეს უკვე შესაძლებელია კანის ხარისხის გაუმჯობესება, კოლაგენის სტიმულირება და ელასტიკურობის არათუ შენარჩუნება, არამედ დაბრუნებაც კი facelift-ის მსგავსი პროცედურებით.
„დროფსის“ კლინიკა გვთავაზობს არაერთ ქირურგიულ თუ ინტრავენურ გადასხმას, რომლებიც ახალგაზრდობის გახანგრძლივებაში გვეხმარება.
ახალგაზრდული და ჯანმრთელი იერის შენარჩუნებაში მუდამ ახალგაზრდა/ANTI-AGE-კოქტეილი დაგვეხმარება. კოქტეილი აფერხებს უჯრედულ დაზიანებას, სტიმულირებს კოლაგენის წარმოქმნას და ანელებს ასაკობრივ ცვლილებებს ძვლებსა და ქსოვილებში. შედეგად ვიღებთ სიცოცხლით სავსე და ბზინვარე კანს, ხოლო რაც შეეხება კოსმეტოლოგიურ ჩარევებს, ყოველი anti-aging-პროცედურა განსხვავდება ერთმანეთისგან და შესაბამისად ყველა პაციენტს ინდივიდუალურად ენიშნება − იქნება ეს ფილერი, რეჯინ ლაბი თუ ბიორევიტალიზაცია. კანის სტრუქტურის გასაუმჯობესებლად ხშირად ბუსტერისა და ბიორევიტალიზაციის პროცედურები ინიშნება. ზოგ პაციენტს სახის სხვადასხვა ზონაზე მოცულობის გაზრდა სჭირდება და ამ შემთხვევაში ფილერებს ვიყენებთ, რის მეშვეობითაც სახე ახალგაზრდულ იერს იბრუნებს.
