„არტსთოუნი“ საუკეთესო საშუალებაა ერთი დეკორაციით გახადოთ თქვენი სივრცე შთამბეჭდავი, დაუვიწყარი და გამორჩეული. კომპანია ქართულ ბაზარზე 4 წლის წინ გამოჩნდა და მას შემდეგ უდიდესი წვლილი შეაქვს საქართველოს სხვადასხვა რეგიონის ესთეტიკურ განვითარებაში. „არტსთოუნის“ პროფესიონალი გუნდი მომხმარებელს სთავაზობს ისეთ დეკორაციებს, როგორიც არის: ხელოვნური ჩანჩქერი, წყარო, ფანჩატური, მარნები, რესტორნები და ა.შ. დეტალური ინფორმაციისთვის OK! გაესაუბრა კომპანიის დირექტორს, დიმიტრი შეკლაშვილს.
გვიამბეთ „არტსთოუნის“ შექმნის იტორია.
„არტსთოუნი“ 2017 წელს შეიქმნა. თუმცა იქამდეც მუშაობდნენ ხელოვნური კლდეების შესაქმნელად საქართველოში. პირველად, 2002 წელს, ბიძინა ივანიშვილის დაფინანსებითა და მხარდაჭერით გაჩნდა ჩვენთან შესაძლებლობა მსურველებს შეესწავლათ ეს საქმიანობა. მათ შორის ერთ-ერთი მამაჩემი გახლდათ, რომლისგანაც მე ვისწავლე ეს საქმიანობა და შემდგომ შევქმენი ჩემივე კომპანია.
რა ტიპის მომსახურებას სთავაზობთ მომხმარებლებს?
ჩვენ გვყავს პროფესიონალი მხატვრების გუნდი და ვქმნით დეკორაციებს სახლის ეზოებისთვის, რესტორნებისთვის და სასტუმროებისთვის. კერძოდ ჩვენ შეგვიძლია ავაწყოთ ხელოვნური ჩანჩქერი, წყარო, ფანჩატური და ა.შ. ბუნებრივი ქვის მსგავსად ვაკეთებთ ყოველივე ამას, თუმცა შედეგი რეალურზე უფრო მეტად ლამაზია. აღსანიშნავია ისიც, რომ როდესაც ერთი დეკორაციის გასაკეთებლად გვიკავშირდებიან და შემდგომ ნახულობენ იმას, თუ როგორი გამოვიდა, იმდენად აღფრთოვანებულები არიან, სხვა დეკორაციების შესაქმნელადაც გვთხოვდნენ დარჩენას.
თქვენს ყველაზე ფართომასშტაბიან პროექტებს რა წარმოადგენს?
ძალიან ბევრ ასეთ პროექტზე მიმუშავია, თუმცა გამოვარჩევ ჩემ მიერ გაკეთებულ პარაგრაფის ზამთრის ბაღს, ჯინო ფერედაისს, აგრეთვე ციცინათელას გვერდით არსებულ მინიატურების პარკს, კერძოდ იქ არსებული ღირსშესანიშნაობების მაკეტების მთებს და ა.შ.
დაახლოებით რა დრო სჭირდება შეკვეთის დამზადებას?
დრო დამოკიდებულია შეკვეთის ზომასა და სირთულეზე, თუმცა დიდი დრო არ არის საჭირო. პირობითად რომ განვიხილოთ სახლის ეზოს საშუალო ზომის ხელოვნური ჩანჩქერი, მის დამზადებას დასჭირდება 2 კვირიდან 20 დღემდე პერიოდი. თუ უფრო პატარა ზომის დეკორაციაზეა საუბარი, მაშინ 8-10 დღე სრულიად საკმარისი იქნება.
გვესაუბრეთ იმ მასალასთან დაკავშირებით, რომელსაც მუშაობის პროცესში იყენებთ.
აღსანიშნავია ის ფაქტი, რომ ყველაფერი, რასაც მოვიხმართ მოიპოვება საქართველოში. ეს არის რკინის კონსტრუქცია, რომელსაც ლითონის ბადე ეკვრის, ვაძლევთ სასურველ ფორმას და ვღებავთ ოთხი სხვადასხვა ფერის საღებავით.
სამომავლო გეგმები.
ვიმატებ ახალგაზრდებს და დეტალურად ვასწავლი მათ ამ საქმიანობას. იმ ადამიანებს, ვისაც განსაკუთრებული მხატვრული ხედვა აქვთ და ბოლომდე სწავლობენ ამ საქმიანობას, შემდგომ ვიტოვებ სამუშაოდ. ყოველივე ამის საჭიროება გახდა იმ მოთხოვნილებიდან, რომელიც ჩვენს მომხმარებლებს გაუჩდათ. ამდენად, შეკვეთებთან ერთად ვზრდით თანამშრომელთა რაოდენობას.
საკონტაქტო ინფორმაცია:
Facebook: ArtStone • არტსთოუნი
ტექსტი: მარიამ მთივლიშვილი
