ბრიტნი სპირსისა და სემ ასგარის ვარსკვლავური წყვილის სასიყვარულო ურთიერთობა მრავალ წელს ითვლის. ამჟამინდელმა ცოლ-ქმარმა გასული წლების განმავლობაში ბევრი რამ გადალახა ერთად, ბრიტნის დაპირისპირება საკუთარ მამასთან, სასამართლო პროცესები, “დამოუკიდებლობის” მოპოვების პროცესი, წყვილმა შვილი დაკარგა, როდესაც ბრიტნი ორსულად იყო, თუმცა მათ მაინც მოახერხეს და ყველაფრის შემდეგ, 2022 წელს იქორწინეს. უცხოურ გამოცემებთან საუბრისას წყვილთან დაახლოებული წყაროები აღნიშნავდნენ, რომ ბრიტნი ძალიან ბედნიერი იყო და მის ცხოვრებაში საუკეთესო პერიოდი იყო. როგორც ჩანს წყვილს შორის დაძაბულობამ მოიმატა, როგორც ტაბლოიდები იუწყებიან, ბრიტნი და სემი განშორების პირას არიან. ამას ნაწილობრივ ადასტურებს ფაქტი, რომ სემი საზოგადოებაში ქორწინების ბეჭდის გარეშე გამოჩნდა.
