ბიზნესმენ ირაკლი კაჭარავას საზოგადება უკვე მეორე წელია აქტიურად იცნობს ქართული სამოქალაქო, ბიზნეს თუ კულტურული პროექტების მხარდაჭერითი პროექტებიდან. ის საქართველოში ჩამოსვლამდე, ამერიკასა და ევროპის ქვეყნების, მათ შორის უკრაინის მიმართულებით საქმიანობდა. როგორც ჩვენთან საუბრისას მან აღნიშნა, მისი განასაკუთრებული მხარდაჭერა უკრაინის მიმართ, არამარტო პრინციპულ არჩევანს, არამედ მის პერსონალურ დამოკიდებულებას უკავშირდება ქვეყნისა თუ ხალხისადმი.
გარდა ამისა, ირაკლი კაჭარავა ქართულ-უკრაინული თანამეგობრობის ალიანსის თავმჯდომარეცაა, ასევე Alliance Traiding Holdings დირექტორი და საავტორო რადიო გადაცემის „Business FM – ირაკლი კაჭარავასთან ერთად“ წამყვანი (რადიო ენერჯი).
საინფორმაციო ქსელებში თქვენი სახელის ბოლო გაჟღერება უკავშირდება გლობალური ბიზნეს პლატფორმა ,,ნაზოვნის’’ პრეზენტაციას. უფრო ვრცლად, გვესაუბროთ აღნიშნულ პლატფორმაზე….
მადლობა, რომ ამ კითხვით დაიწყეთ. ნაზოვნი ( NAZOVNI ) პრეზიდენტ ზელენსკის ინიციატივით შექმნილი პროექტია, მის კურირებას უკრაინის საგარეო საქმეთა სამინისტრო ახორცილებებს. მართალია, NAZOVNI არის უკრაინული პლატფორმა, თუმცა მას აქვს საერთაშორისო ფორმატის შესაძლებლობები და იგი შექმნილია ბიზნესის მხარადსაჭერად როგორც უკრაინაში ასევე საზღვარგარეთ მოქმედი ბიზნესისათვის. პროექტის კურირებას და მხარდაჭერას ახორციელებენ უკრაინის საგარეო საქმეთა სამინისტრო, დიპლომატიური ინსტიტუტები, პროექტის საერთაშორისო და ადგილობრივი პარტნიორები.
NAZOVNI უქმნის ახალ შესაძლებლობებს როგორც უკრაინულ, ასევე ქართულ ბიზნესს, რაც განსაკუთრებით მნიშვნელოვანია დღეს არსებული ეკონომიკური გამოწვევების ფონზე.
ჩვენთვის დიდი პასუხისმგებლობა და პატივია, რომ უკრაინის საელჩოს ჩართულობით გავაფორმეთ ურთიერთთანამშრომლობის მემორანდუმი უკრაინის საგარეო საქმეთა სამინისტროსა და ქართულ-უკრაინული თანამეგობრობის ალიანსს შორის. მემორანდუმის ფარგლებში თანამშრომლობა მიზნად ისახავს, საქართველოსა და უკრაინას შორის ეკონომიკური ურთიერთობების გაძლიერებას და კერძო ბიზნესის მხარდაჭერას. ბიზნესს საზოგადოებამ მინდა იცოდეს, რომ პროექტ ,,ნაზოვნის” თუ სხვა ქართულ-უკრაინული ბიზნეს პოტენციალის ათვისების პროცესში მათ შეუძლიათ ქონდეთ პირადად ჩემი და ჩემი გუნდის სრული ჩართულობის იმედი.
თქვენ საქმიანობის ფართო სპექტრით გამოირჩევით, როგორ ახერხებთ განტვირთვას ასეთ დაძაბულ რეჟიმში?
ბოლო წელია გოლფის მოედანი ჩემი მთვარი განტვირთვის სივრცე გახდა,მოხარული ვარ საქართველოს გოლფის ინფრასტრუქტურა იძლევა სრულფასოვანი განტვირთვისა და ჩართულობის შესაძლებლობას. მინდა მადლიერებით ავღნიშნო, რომ მომეცა შესაძლებლობა თბილისი ჰილსსის მიერ ინიცირებული საქველმოქმედო ტურნირისა და აუქციონის ორგანიზების პროცესში მიმეღო მონაწილეობა, რომელიც ივლისის ბოლოს გაიმართა. საღამოს ფარგლებში მიღებული თანხის მესამედი გადაეგზავნა უკრაინის პრეზიდენტის მიერ ინიცირებულ პროექტს united24 ფონში, აღნიშნული პროექტი ორიენტირებულია საჭიროების შესაბამისი სამედიცინო ტექნიკისა თუ აღჭურვილობის შეძენაზე.
თქვენ არაერთ ინტერვიუში აღნიშნეთ, რომ უკრაინაში მიმდინარე მოვლენები თქვენთვის განსაკუთრებული განცდის საგანია და სწორედ ამ მოტივაციით ომის დაწყებიდან 2 დღეში უკვე დაიწყეთ მოქმედება ქართულ-უკრაინული თანამეგობრობის ალიანისის სახელით. შეგიძლიათ მეტი გვიამბოთ ამის შესახებ?
ქართულ-უკრაინული თანამეგობრობის ალიანსს და მის დამფუძნებლებს უკვე საკმაოდ მნიშვნელოვანი წვლილი გვაქვს შეტანილი ქართულ-უკრაინულ ურთიერთობებში. ალიანსის შექმნის მიზანს ორ ქვეყანას − საქართველოსა და უკრაინას შორის ურთიერთობის გაღრმავება, ეკონომიკური-სავაჭრო კავშირების განვითარების ხელშეწყობა, ბიზნეს, საგანმანათლებლო, სპორტული და კულტურული ურთიერთობების/პროექტების განხორციელება წარმოადგენდა, თუმცა მას შემდეგ, რაც 24 თებერვალს რუსეთმა უკრაინაში საჰაერო და სახმელეთო შეჭრა განახორციელა, ცივილიზებული სამყაროს და ალიანსის დღისწესრიგიც შეიცვალა, მნიშვნელოვანი გახდა უკრაინელი ხალხის დახმარება. ალიანსმა ნამდვილად ბევრი შეძლო ამ 2 წლის განმავლობაში, როგორც საქართველოში მცხოვრები უკრაინელებისთვის, ასევე ომის ხაზზე მყოფი მოსახლეობისთვის, რისთვისაც დიდი მადლობა მინდა ვუთხრა ჩვენს დონორებს, პარტნიორებს, გუნდის წევრებს თუ მოხალისეებს – შედეგების ეს მასშტაბი ერთიანი, კოორდინირებული, კვალიფიციური და დაუღალავი ჩართულობის შედეგად იქნა მიღწეული.
საზოგადოებაში თქვენი სახელი გარდა საქველმოქმედო პროექტებისა ასევე უკავშირდება თქვენსა და ბასილაშვილს შორის დავის საკითხს, ორი სიტყვით შეგიძლიათ ამ თემასაც შევეხოთ?
საზოგადოების ინტერესი მესმის, ცნობადი სახე იყო და საკმაოდ წარმატებული ჩემი ჩართულობის შედეგების ინერციით, სამწუხაროა რომ დღეს საკუთარი შესაძლებლობის მინიმუმსაც ვერ ავლენს სამასეულში ყოფნა მისი პოტენციალის და ასაკის ადამიანისთვის ნადვილად გულდასაწყვეტია. ჩემთვის ღირებულია იმის ცონდა რომ ჩემმა ჩართულობამ ის ორასეულიდან ორმოცდაათეულში მოახვედრა, პიროვნულად და ფინანსურად საკმაო დიდი ინვესტიციები ჩავდე მისი პროფესიული აღმავლობის გზაზე. როგორც ბიზნესმენს საკონტრაქტო ურთიერთობები და კონტრაქროტის წინაშე არსებული ვალდებულებების შესრულების კულტურა ცხოვრების წესის ნაწილად მაქვს ქცეული, ზოგს საპირისპირო ქცევითი მოდელი აქვს ცხოვრების წესად. ამ თემაზე, დამატებითი კომენტარის გაკეთებაზე ჩვენს შორის არსებული სამართლებრივი დავის დასრულებამდე თავს შევიკავებ. ამ ეტაპზე დავა სააპელაციო სასამართლოს განხილვაშია, რაც დაზუსტებით უკვე დღეს ვიცი არის ის, რომ უკან დახევა ჩემს გეგმებში არ შედის.
