ბელა ჰადიდი პალესტინური წარმოშობის, ამერიკელი მულტიმილიონერის მუჰამედ ჰადიდისა და ჰოლანდიელი მოდელის იოლანდა ფოსტერის ქალიშვილია. მსოფლიოში ერთ-ერთი ყველაზე მაღალანაზღაურებადი ვარსკვლავი, რომელიც პლანეტის ულამაზეს ქალად არაერთხელ აღიარეს, ბავშვობაში არა მაღალი მოდის ბრენდებთან და დიზაინერებთან თანამშრომლონაზე, არამედ ცხენოსნობაზე ოცნებობდა. წარმატებული სამოდელო კარიერის შემდეგ კი ცნობილი ხდება, რომ ბელა ჰადიდს ინტერესი მსახიობობისადმიც აქვს.
უცხოური გამოცემების ინფორმაციით, ბელა ჰადიდი სერიალ Ramy-ის რამდენიმე ეპიზოდში გამოჩნდება.
სერიალის მესამე სეზონის პრემიერა, რომელშიც მონაწილეობას ბელა ჰადიდიც მიიღებს, ჯერჯერობით უცნობია.
