როდესაც საკუთარ იდეას ირწმუნებ, წარმოუდგენელიც კი შესაძლებელი ხდება. ამის არაერთი მაგალითი არსებობს, თუმცა განსაკუთრებულად აღსანიშნავია Beauty Zone – სალონი, რომელიც იქცა სივრცედ, სადაც მომხმარებელი კომფორტულ და მშვიდ გარემოში იღებს თავის მოვლის სრულ მომსახურებას. აქ პროფესიონალიზმი, მაღალი სტანდარტები და მომხმარებელზე ინდივიდუალური ზრუნვა განსაკუთრებით მნიშვნელოვანია. Beauty Zone არ არის უბრალოდ სალონი – ეს არის სივრცე, სადაც სილამაზე, კომფორტი და თანამედროვე ტექნოლოგიები ერთ სივრცეში ერთიანდება. სალონის მიზანია, თითოეულმა მომხმარებელმა თავი განსაკუთრებულად იგრძნოს და ყოველ ვიზიტზე ხარისხიანი მომსახურება მიიღოს.
თამუნა, გვიამბეთ თქვენ შესახებ, როგორ გაჩნდა Beauty zone-ის გახსნის იდეა და რა გზა გაიარეთ იდეის განხორციელებამდე?
Beauty zone ჩემთვის იდეით არ დაწყებულა, ის გამოცდილებით დაიწყო. სალონი 2018 წელს გაიხსნა, ხოლო 2019 წლიდან უკვე მისი მომხმარებელი ვიყავი. სწორედ მომხმარებლის პოზიციიდან ყოფნამ მომცა შესაძლებლობა, შიგნიდან დამენახა ეს სივრცე, მისი ძლიერი მხარეები და ის დეტალები, რომლებიც რეალურად მნიშვნელოვანია ადამიანისთვის. როდესაც მოგვიანებით სალონის გაყიდვის საკითხი დადგა, ეს გადაწყვეტილება ერთ დღეში არ მიგვიღია. ბევრი ფიქრისა და პასუხისმგებლობის გააზრების შემდეგ მივხვდით, რომ ეს იყო შანსი, შემენარჩუნებინა ადგილი, რომელიც უკვე მიყვარდა და თან შემექმნა ჩემი ხედვით განვითარებული, უფრო დახვეწილი სივრცე.
რა სერვისებს სთავაზობთ მომხმარებელს?
Beauty Zone-ში მომხმარებელს ვთავაზობთ სილამაზეზე ზრუნვის სრულ მომსახურებას: სახისა და სხეულის ესთეტიკურ პროცედურებს, ლაზერულ სერვისებს, თმის მოვლასა და სტაილინგს, ფრჩხილის მომსახურებებსა და ინდივიდუალურად მორგებულ სარელაქსაციო პროცედურებს. ჩვენი მიზანია, მომხმარებლებმა ერთ სივრცეში მიიღონ სრულფასოვანი თავის მოვლის ყველა პროცედურა.
როგორ ფიქრობთ, რით გამოირჩევა Beauty zone სხვა სილამაზის სალონებისა და ესთეტიკის ცენტრებისგან?
Beauty Zone გამოირჩევა მომხმარებლის მიმართ დამოკიდებულებით. ჩვენთვის შედეგთან ერთად, მთავარია პროცესი, ემოცია და დეტალებზე ზრუნვა. აქ მომხმარებელი არ არის უბრალოდ სტუმარი, ის მოსვლის წამიდან ყურადღების ცენტრშია.
რა არის თქვენთვის მთავარი მომხმარებელთან ურთიერთობისას?
ნდობა. მომხმარებელმა უნდა იგრძნოს, რომ მას უსმენენ, პატივს სცემენ და მისი უსაფრთხოება პირველ ადგილზე დგას. სწორედ ამ ურთიერთობაზე შენდება გრძელვადიანი კავშირი.
გვიამბეთ ხარისხსა და უსაფრთხოებაზე, როგორ უწყობთ ფეხს თანამედროვე მიდგომებს?
ხარისხი და უსაფრთხოება ჩვენთვის უპირველესია. ვმუშაობთ მხოლოდ სერტიფიცირებული აპარატურით, ვიცავთ სტერილიზაციის უმაღლეს სტანდარტებს და მუდმივად ვნერგავთ თანამედროვე ტექნოლოგიებსა და მიდგომებს.
რა განსაკუთრებულ შეთავაზებებს სთავაზობთ პატარძლებს?
პატარძლებს ინდივიდუალურ პაკეტებს ვთავაზობთ, რომლებიც მოიცავს: კანის, თმის, ფრჩხილის და ესთეტიკურ პროცედურებს. ჩვენი მიზანია, პატარძლებს გავუმარტივოთ მზადების პროცესი და ერთ სივრცეში სტრესის გარეშე მივცეთ მშვიდად მომზადების შესაძლებლობა.
მოგვიყევით თქვენს გუნდზეც, რა შესაძლებლობები ეძლევათ დამწყებ სპეციალისტებს და რას სთავაზობთ გამოცდილ პროფესიონალებს?
ჩვენთან გუნდი მთავარი ღირებულებაა. დამწყებ სპეციალისტებს ვაძლევთ განვითარების, სწავლებისა და პრაქტიკის შესაძლებლობას, ხოლო გამოცდილ პროფესიონალებს – თავისუფლებას, პროფესიულ მხარდაჭერასა და ღირსეულ სამუშაო გარემოს.
მოგვიყევით იმ კოფორტულ გარემოზეც, რომელიც მომხმარებელს თქვენთან მოსვლისას ხვდება.
Beauty Zone ზრუნავს შექმნას ისეთი გარემო, სადაც მომხმარებელი თავს მშვიდად და კომფორტულად იგრძნობს. დამატებით, მომხმარებლებისთვის ხელმისაწვდომია უფასო პარკინგი, რაც ვიზიტს კიდევ უფრო მოსახერხებელსა და კომფორტულს ხდის.
როგორია Beauty zone-ის სამომავლო გეგმები, რა სიახლეებს უნდა ელოდოს მომხმარებელი თქვენგან?
ჩვენ მუდმივად ვმუშაობთ განვითარებაზე – ვგეგმავთ ახალი სერვისების დამატებას, თანამედროვე ტექნოლოგიების დანერგვას და კიდევ უფრო მაღალი ხარისხის შეთავაზებას.
დაგვიტოვეთ სამოტივაციო წინადადება. თქვენი გამოცდილებით, რა არის მთავარი წარმატების მისაღწევად?
წარმატების მთავარი საფუძველი არის საკუთარი იდეის რწმენა, პასუხისმგებლობის აღება და მოთმინება – იმ ეტაპზეც კი, როცა შედეგი ჯერ არ ჩანს. თუ გულწრფელად გიყვარს ის, რასაც აკეთებ, და ყოველდღე მზად ხარ განვითარდე, გზა აუცილებლად თავის შედეგს გაჩვენებს.
ტექსტი: თათია ხარაიშვილი
ფოტო: ალექსეი სეროვი
