OK! BIPTF ბათუმში საერთაშორისო თოჯინების თეატრალური ფესტივალის II სეზონი გაიმართა

23-27 სექტემბერს ბათუმის საერთაშორისო თოჯინების თეატრალური ფესტივალის მეორე სეზონი გაიმართა. ფესტივალს, ტრადიციულად ბათუმის თოჯინებისა და მოზარდ მაყურებელთა პროფესიულმა სახელმწიფო თეატრმა უმასპინძლა და პროგრამა წარმოდგენილი იყო ბათუმის სხვადასხვა ლოკაციაზე.

ფესტივალი, სპექტაკლების პროგრამის გარდა, მონაწილეებს სთავაზობდა მასტერკლასების სერიას, რომელებიც ჩაატარეს მოწვეულმა საერთაშორისო სპეციალისტებმა.

ბათუმის საერთაშორისო თოჯინების თეატრალური ფესტივალი ყოველწლიურად იმართება და ხელს უწყობს საქართველოში თოჯინური თეატრების განვითარებას, მათ შორის შემოქმედებითი კავშირების გამყარებას და საერთაშორისო მასშტაბით ქართული თოჯინური ხელოვნების პოპულარიზაციას.

ფესტივალის ორგანიზატორები:
ბათუმის თოჯინებისა და მოზარდ მაყურებელთა პროფესიული სახელმწიფო თეატრი: ირაკლი კიკვაძე, იმედა თავდგირიძე, მარეხ ტუღუში

საქართველოს თოჯინების პროფესიული სახელმწიფო თეატრების გაერთიანება:
ნიკოლოზ საბაშვილი, კონსტანტინე ქარქაშაძე, ნელი ვაშალომიძე.

ფესტივალის მეორე სეზონში მონაწილე თეატრები გახლდნენ:

1. ბრაზილია – თოჯინების მუსიკალური თეატრი – CIA CASA PASSARINHO
2. ესპანეთი – The Minusmal Project
3. ყაზახეთი – ალმათის თოჯინების სახელმწიფო თეატრი
4. პოლონეთი – თეატრი BAJ
5. ნოდარ დუმბაძის სახელობის მოზარდ მაყურებელთა პროფესიული თეატრი
6. თბილისის გიორგი მიქელაძის სახელობის თოჯინების პროფესიული სახელმწიფო თეატრი
7. ქუთაისის იაკობ გოგებაშვილის სახელობის თოჯინების პროფესიული სახელმწიფო თეატრი
8. ბორჯომის თოჯინების პროფესიული სახელმწიფო თეატრი
9. ახალციხის თოჯინების პროფესიული სახელმწიფო თეატრი
10. გურჯაანის თოჯინების პროფესიული სახელმწიფო თეატრი არასაკონკურსო ფორმატი OFF
11. საქართველო – ბათუმის თოჯინებისა და მოზარდ მაყურებელთა პროფესიული სახელმწიფო თეატრი (ორგანიზატორი და მასპინძელი თეატრი)
12. თურქეთი – თეატრი ტემპო
13. საფრანგეთი – თეატრი: ,,Demain on change tout” (დელეგაციამ ფესტივალის განმავლობაში მოძრავი სპექტაკლის ჩვენება, ბათუმის ქუჩებში 6-ჯერ გამართა.)

ბათუმის საერთაშორისო თოჯინების თეატრალური ფესტივალის პროგრამა
მოიცავდა:
• 11 საკონკურსო, 4 არასაკონკურსო სპექტაკლის ჩვენებას. მათგან 3 სპექტაკლის პრემიერა შედგა ფესტივალზე.
• დარგის სპეციალისტებისთვის გაიმართა 4 მასტერკლასი.
• სპექტაკლების მაყურებლის სარეკომენდაციო ასაკის დიაპაზონი იყო 2+ – 18+

ფესტივალის II სეზონის ფინანსური მხარდამჭერები იყვნენ აჭარის განათლების, კულტურისა და სპორტის სამინისტრო და საქართველოს კულტურის, სპორტისა და ახალგაზრდობის სამინისტრო.

ფესტივალის მხარდამჭერები კი ქ. ბათუმის მერია, აჭარის ტურიზმის დეპარტამენტი, ბათუმის ბულვარი, ბათუმის ილია ჭავჭავაძის სახელობის პროფესიული სახელმწიფო დრამატული
თეატრი, ბათუმის ხელოვნების სახელმწიფო სასწავლო უნივერსიტეტი, აჭარის მუზეუმების
გაერთიანება, რესტორანი ,,სენატი’’, სასტუმრო ,,ირე პალასი’’ და საკონდიტრო კომპანია ,,დონა’’ იყვნენ.

რაც შეეხება ფესტივალის საინფორმაციო მხარდამჭერებს – საზოგადოებრივი მაუწყებელი აჭარის ტელევიზია და რადიო, გაზეთი აჭარა და OK! საქართველოა.

II სეზონის ფესტივალის ჟიური 5 სპეციალისტისგან შედგებოდა.
ჟიურის შემადგენლობა:
ქრისტინა ლოგლიო – ჟიურის თავმჯდომარე (იტალია)
ჟიურის წევრები:
ჰალიუკ იუჯე (თურქეთი)
ლაშა ჩხარტიშვილი
ანარა იერკებაი (ყაზახეთი)
მანანა ბერიკაშვილი

ბათუმის საერთაშორისო თოჯინების თეატრალური ფესტივალი ულოცავს გამარჯვებულებს და მადლობას უხდის თითოეულ თეატრს მონაწილეობისთვის.

ფესტივალის გრან პრი – ,,ნილი’’

რეჟისორი – რაიმონ რუიზ (ესპანეთი)

საუკეთესო რეჟისურა

დინა ჟუმაბაევა სპექტაკლისთვის  – ,,მაკბეტი, ილუზია’’ ალმათის თოჯინების სახელმწიფო თეატრი

საუკეთესო სცენოგრაფია

ვახტანგ ქორიძე

რეჟისორ დიმიტრი ხვთისიაშვილის სპექტაკლისთვის  ,,გუდული ბაბუ და პატარა უჩა’’

საუკეთესო მუსიკალური გაფორმება

ქრის მიგელ და დანილო ტომიკი

სპექტაკლისთვის ,,ჩვენ შეგვიძლია ფრთების გარეშე ფრენა’’

ბრაზილია

საუკეთესო მსახიობი ქალი

თამარ ჭანუკვაძე

თოჯინა ,,დეზდემონას’’ როლის შესრულებისთვის, სპექტაკლში ,,ოტელო’’

რეჟისორები: გია მარღანია და დიმიტრი ხვთისიაშვილი

საუკეთესო მსახიობი კაცი

თოჯინა ,,იაგოს’’ როლის შესრულებისთვის, სპექტაკლში ,,ოტელო’’

რეჟისორები: გია მარღანია და დიმიტრი ხვთისიაშვილი

ქართული კრიტიკის სპეციალური პრიზი

,,ცისფერი კოცონი’’

ქუთაისის იაკობ გოგებაშვილის თოჯინების პროფესიული სახელმწიფო თეატრი

კრიტიკის კოლეგია:

• მანანა ხელაია
• მარინა ხარატიშვილი
• ალექსანდრა სულამანიძე
• ანასტასია ჩერნიცოვა
• თამთა ქაჯაია
• ნერონ აბულაძე
• გოგი ყაჯრიშვილი (კოლეგიის ხელმძღვანელი)

საქართველოს თოჯინების პროფესიული სახელმწიფო თეატრების გაერთიანების სამხატვრო ხელმძღვანელმა, ბათუმის საერთაშორისო თოჯინების თეატრალური ფესტივალის ერთ-ერთმა სამხატვრო ხელმძღვანელმა – ნიკოლოზ საბაშვილმა, პრიზი გადასცა ბათუმის თოჯინებისა და მოზარდ მაყურებელთა პროფესიულ სახელმწიფო თეატრს.

რაც შეეხება ფესტივალის განსაკუთრებულ დამატებით ჯილდოებს მეორე სეზონის ჟიურის წევრების  გადაწყვეტილებით – საფესტივალო ნომინაციების გარდა, გაიცა დამატებით ორი დიპლომი: ჟიურის სპეციალური პრიზი გადაეცა  სპექტაკლს ,,ცისფერი კოცონი”, რომლის რეჟისორიც ეკატერინე სირაძეა.

ხოლო ჟიურის განსაკუთრებული აღნიშვნა გადაეცა ბათუმის თოჯინებისა და მოზარდ მაყურებელთა პროფესიულ სახელმწიფო თეატრს – თოჯინური თეატრების მხარდაჭერისთვის საქართველოსა და მსოფლიოში.

ტრადიციულად ფესტივალზე გაიცა სამხატვრო ხელმძღვანელის სპეციალური პრიზები. პრიზი ,,ოსტატი” გადაეცა რეჟისორ ეკატერინე სირაძეს, მხატვარ ვახტანგ ქორიძეს, მსახიობ ვანო მაღლაკელიძესა და  მსახიობ თეა კიწმარიშვილს.

ფესტივალის ფარგლებში, ბათუმის ქუჩებში განსაკუთრებული მუხტის ზეიმის შექმნისთვის, ქვეყნის მასშტაბით გამოწვეული რეზონანსის  გათვალისწინებით, პროფესიონალიზმის გაზიარების მადლიერებითა და ინოვაციის შემოტანისთვის ფესტივალისგან  პრიზი გადაეცა საფრანგეთის დელეგაციას – ,,Demain on change tout.”