Balenciaga-ს მოდის სახლის დამფუძნებელი, ლეგენდარული დიზაინერი კრისტობალ ბალენსიაგა საყოველთაოდ იყო ცნობილი შემოქმედების სიმარტივითა და მინიმალისტური დეტალებით. ფრანგ კუტიურიეს ხშირად “ფორმების ოსტატს” ეძახდნენ, მისი დაფუძნებული მოდის სახლის ამჟამინდელ შემოქმედებით ხელმძღვანელს დემნა გვასალიას კი ხშირად “ინოვაციურობის ოსტატად” მოიხსენიებენ.
ყველასგან განსხვავებული, ექსცენტრიული და არაორდინალური ქართველი დიზაინერისთვის კოლექციების ინსპირაციის წყარო ხშირად კრისტობალ ბალენსიაგას წარსული შემოქმედება, ხშირად კი სწორედ მშობლიური საქართველო ხდება. ალბათ, გასაკვირიც არ არის ის ფაქტი, რომ ბრენდის ერთ-ერთი ყველაზე ძვირადღირებული ნივთი, ეგრეთწოდებული “ბაზრის ჩანთა”, რომლის შეძენაც ოფიციალურ საიტზე $2,090 დოლარად შეგიძლიათ, საზოგადოებას 90-იანი წლების საქართველოს ახსენებს.
ბრენდის ოფიციალური ინსტაგრამ გვერდის უცხოელი გამომწერები ხშირად ხალისობენ ჩანთის ფასზე და აღნიშნავენ, რომ ზუსტად მსგავსი ფორმის, ზომისა და სტილის ჩანთის შეძენა ნებისმიერ მაღაზიაში სულ რაღაც 5 დოლარად არის შესაძლებელი.
So this is the new Balenciaga tote bag. Polys what’s your thoughts? 😂😂😂😂 pic.twitter.com/Dj8q3fzhnq
— atua (@muthaterina) September 3, 2021
