რამდენიმე საათის წინ მეტროპოლიტენის მუშეუმში Met Gala-ს 2023 წლის ღონისძიება გაიმართა. ეს არის ყველაზე პოპულარული, ექსტრავაგანტული და გახმაურებული მოვლენა მოდის ინდუსტრიაში, რომელიც ყოველწლიურად, 1937 წლიდან მოყოლებული, არებული ტრადიციების დაცვითა და კოსტიუმების ინსტიტუტის დახმარებით, მაისის პირველ ორშაბათს იმართება.
2023 წლის მეტ გალას თემა გახლდაღ Karl Lagerfeld: A Line of Beauty, რომლის ფარგლებშიც სტუმრებმა არაერთი საინტერესო “ლუქი” შემოგვთავაზეს. წლევანდელი ღონისძიების თანაორგანიზატორები კი იყვნენ: დუა ლიპა, პენელოპა კრუზი, მაიკლ ქორლი და როჯერ ფედერერი.
”მეტ გალას” 2023 წლის ღონისძიება გამოირჩეოდა იმით, რომ ამ გრანდიოზული საღამოს ორგანიზატორი, ანა ვინტური წითელ ხალიჩაზე მეგობარ მამაკაცთან, 73 წლის მსახიობ ბილ მიუსთან ერთად გამოჩნდა. წყვილის შესახებ ხმები მედიაში რამდენიმე თვის წინ გავრცელდა, თუმცა წყვილი ინფორმაციას არ ადასტურებდა. ანასა და ბილის დებიუტი წითელ ხალიჩაზე სწორედ დღეს შედგა.
